2 Samuẹl 13:34 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁴ Ẹkẹvuọvo Absalọm da djẹ. Emeghene rọ rhẹrẹ otọ vwọ kpare opharo, ọ da mrẹ ihwo re wan idjerhe ri Horonaim rọ hẹ oma rẹ ugbenu cha.

2 Samuẹl 13:34 ပူးပေါင်းရင်းမြစ်များ

2 Samuẹl 13:35

Jonadab da ta kẹ ovie, Nighere, emọ rẹ ovie rhire; kirobo rẹ odibo wẹn tare, ọtiọye ọ wanre na.

2 Samuẹl 18:24

Devid tidia uvwre rẹ anurhoro ivẹ; Ọrherotọ na de yeri kpenu rẹ uwevwi rọ hẹ igbẹhẹ vwẹ anurhoro na, rọ vwọ kparo ni nighere ohwo ọvo ra djẹ cha, ọye ọvo usun.

Isẹ 28:17

Ohwo ro kru oghwa rẹ ọbara rẹ ohwo ọfa ghwa, gbe jọ dia osoghoro tẹ ẹdẹ ughwu rọye; e jẹ ohwo ọvuọvo cha uko-o.

Emọs 5:19

Kerẹ ọke rẹ ohwo a dje nẹ obọ rẹ okpohrokpo, edjẹnẹkpo da ra vwa, eyẹrẹ ohwo rọ ro evun rẹ uwevwi ọ da vwẹ oma vẹ abọ rere igbẹhẹ, ọrọdekọ da rhovwọ.