2 Samuẹl 13:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Ẹkẹvuọvo Jonadab rẹ ọmọ ri Shimeah rẹ oniọvo ri Devid da ta, E jẹn ọrovwovwe roro nẹ ehwe emọ rẹ ovie ejobi na-a; Amnọn ọvo ri ghwuru; Absalọm ri ru ọnana fiki ri Amnọn gba Tama du ọye ọ vwọ jẹn iroro nana.

2 Samuẹl 13:32 ပူးပေါင်းရင်းမြစ်များ

Jẹnẹsis 27:41

Kẹ ọke nana yanran oma ri Jekọp ko tuẹ Isọ fiki rẹ ẹrhovwo rẹ ọsẹ rọye nẹ kẹ, Isọ da ta kẹ omoma rọye, Ẹdẹ rẹ ughwu ri Baba kẹrire, ke Me teye oniọvo mẹ na Jekọp hwe.

2 Samuẹl 13:3

Ẹkẹvuọvo Amnọn vwo ugbeyan ọvo, re se Jonadab, ọmọ ri Shimeah rẹ oniọvo ri Devid; Jonadab na ohwo vẹ ẹghwanre.

2 Samuẹl 13:33

Fiki rẹ ọtiọye na e gbe jẹn ọrovwovwe, roro nẹ emọ rẹ ovie ejobi ri ghwuru-u; kidie Amnọn ọvo ri ghwuru.

Une rẹ Ejiro 7:14

Nighere, ohwo umwemwu jẹn iroro umwemwu, ọ mrevun rẹ ogbarogba, o de vwiẹ efian.

1 Samuẹl 16:9

Etiyin Jesse da ta nẹ Shammah wanvrẹn Samuẹl da ta Ọrovwohwo je jẹ onana-a.