2 Samuẹl 13:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ọtiọye idibo rẹ Absalọm ru ki Amnọn kirobo rẹ Absalọm ta kẹ ayen. Etiyin emọ rẹ ovie na ejobi de vrẹn dohwo dekẹtẹkẹtẹ rọye da ro ayen da djẹ kpo.

2 Samuẹl 13:29 ပူးပေါင်းရင်းမြစ်များ

Jẹnẹsis 36:24

Enana emọ ri Zibeọn, Ajah kugbe Anah, ọye Anah rọ mrẹ ogbugbu re tuabọ vwẹ evun rẹ aton na, rọ vwọ sẹro rẹ ekẹtẹkẹtẹ ri Zibeọn rẹ ọsẹ rọye.

2 Samuẹl 12:10

Fiki rẹ ọtiọye na, ọlọkọ gbi se nẹ anurhoro wẹn bẹdẹ-ẹ, kidie wọ jẹn vwẹ fia, wọ da reyọ aye rẹ Uraya rẹ ohwo ri Hẹt vwo ru aye wẹn.

2 Samuẹl 13:30

Rẹ ayen vwọ hẹ idjerhe re, usi de rhi duvwu Devid nẹ, Absalọm hwe emọ rẹ ovie ejobi ọvuọvo rọye gbi chekọ-ọ.

2 Samuẹl 14:6

Ọmọtẹ wẹn vwo emọ ivẹ, ayen vwọ họnra vwẹ aghwa, a rha mrẹ ohwo ro vwrẹ aye-en, ọvo de hwe ọrivẹ,

2 Samuẹl 18:9

Absalọm da rhe yan ro idibo ri Devid. Absalọm gua ekẹtẹkẹtẹ, ekẹtẹkẹtẹ na da djẹ rọ otọ rẹ aghọ rẹ ọhahe rode ọvo, ẹto rọye da jẹn phihọ aghọ rẹ urhe na, ekẹtẹkẹtẹ na de fiotọ rọye wan, ko phieghe vwẹ irharheghe.

1 Ivie 1:33

Ovie da ta kẹ ayen, Reyọ idibo rẹ ọrovwovwan, re we jẹn Solomọn gua vwẹ enu rẹ iyesi mẹ, re we suo te Gihọn;

1 Ivie 1:38

Ọtiọye Zadọk ọrherẹn na, Netan ọmraro na, kugbe Bẹnaya ọmọ ri Jehoyada, kugbe ihwo ri Shẹlẹt kugbe ihwo ri Pẹlẹt ayen de yanran ra vwi Solomọn gua vwẹ enu re iyesi rẹ Ovie Devid, ayen de rhi te, Gihọn.

Isẹ 29:12

Osun da kerhọn rẹ eta rẹ ọphiẹnvwe, otu rọye ejobi ke dia ihwo miomiovwi.

Livitikọs 19:19

Ovwan Me yọnrọn irhi Me. Ovwan jẹn oghẹre rẹ eranvwe ọfa gba eranvwe rẹ ovwa-an; ovwan je vwẹ oghẹre rẹ ekankọn ivẹ hworo udju rẹ ovwa-an, ovwan je ghwa ewun rẹ umugini-i.

Maika 7:3

Obo rayen hẹ emu umwemwu eruo, ayen nabọ ruo dẹndẹn; te osun te oguẹdjọ ra nọ ekpẹn rẹ udi, ohwo rode ra ta ota umwemwu rẹ erhi rọye guọnọre; kẹ enẹ ayen rhuo koko.