2 Samuẹl 13:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Tama da ghwẹ iwurhie ku uyovwi rọye, ọ da bẹrẹ ewun rọye ro ku phihọ, o de mu obọ kpahe uyovwi ọ da viẹ yanran.

2 Samuẹl 13:19 ပူးပေါင်းရင်းမြစ်များ

Jẹnẹsis 37:29

Ọke ri Rubẹn vwo rhivwi rhe asan ọgọdọ na rọ rha mrẹ Josẹf vwẹ etiyi-in, ọ da bẹre emwa rọye

2 Samuẹl 1:11

Devid da yọnrọn emwa rọye, ọ da bẹrẹ ayen, etiọye ji te ihwo ri nenire:

2 Samuẹl 1:2

Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Samuẹl 13:20

Oniọvo rọye Absalọm da ta kẹ, wọ vẹ omoni wẹn rẹ ọshare gba mroma? Ẹkẹvuọvo gbe rhurhu unu wẹn omoni mẹ; omoni wẹn ọye oruẹ; wo ghwe roro gangan. Tama ọvo sogoio kọye dia uwevwi rẹ oniọvo rọye Absalọm.

Ẹsta 4:1

Ọke ri Modekai vwo nyo obo re ruru na, Modekai da bẹrẹ emwa rọye ọ da vwẹ isiso rhuo o de broma phihọ iwurhie, o de kpo evun rẹ orere na, ko beroma ọ da viẹ gangan.

ỌBE RẸ JOB 2:12

Ọke rẹ ayen vwọ mrẹ vwẹ ogboko, ayen rhe vughe-e, ayen de she ugoroviẹ, ayen da bẹrẹ iwun rayen, ayen da ghwẹ ekpẹn kpenu ku iyovwi rayen.

ỌBE RẸ JOB 42:6

Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

Jerimaya 2:37

Evun rẹ etiyin wo ji che nurhe vẹ abọ re wọ ghwẹ kpahe uyovwi, kidie Ọrovwohwo siẹn otu ru wọ vwẹ ẹro so wa rha sa wan oma rẹ ayen yovwi-i.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

1 Samuẹl 4:12

Ohwo rẹ orua ri Bẹnjamin da djẹ nẹ unuofovwi na rhe, o de rhi te Shiloh vwẹ ẹdẹ yena ọvuọvo na, vẹ emwa rọye re bẹre vẹ ekpẹn rọ ghwẹ ku uyovwi.