2 Samuẹl 13:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana Absalọm, rẹ ọmọ ri Devid de vwo oniọvo rẹ ọmọtẹ oyoyovwi re se odẹ rọye Tama; ọke ọvo vwo te, Amnọn rẹ ọmọ ri Devid, de vwo ivuẹvwerhọ kẹ.

2 Samuẹl 13:1 ပူးပေါင်းရင်းမြစ်များ

Jẹnẹsis 29:18

Rachel kọye je Jekọp; ọ da ta, Me ga we ikpe ighwrẹ fiki ri Rachel rẹ ọmọtẹ wẹn rẹ otete na;

Jẹnẹsis 29:20

Etiyin Jekọp da ga ẹga ikpe ighwrẹ fiki ri Rachel, e da họhọ ẹdẹ tutuno vwọ kẹ kidie o jere gangan.

Jẹnẹsis 34:3

Erhi rọye de churu mui Dinah ọmọtẹ ri Jekọp na; ivun rọye da vwerhọ ọ da ta ota dẹndẹn vwọ kẹ.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

2 Samuẹl 11:2

Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

2 Samuẹl 13:15

Oma ri Tama de rhi ru Amnọn gangan; ivuemiovwo ro vwo kẹ da rhe rho nọ ivuẹvwerhọ ro vwo kẹ. Amnọn da ta kẹ, Vrẹn wọ yanran,

2 Samuẹl 13:2

Ivuẹvwerhọ na de rhi kpokpo gangan, o de rhi fovwo phihọ ọga fiki rẹ ọmọsẹ rọye na Tama; kidie Tama na ọmọtobẹ, ọ da mrẹ nẹ ọganre vwọ kẹ Amnọn ro vwo nene ru emu.

2 Samuẹl 14:27

Ọ de vwiẹ emeshare erha vẹ ọmọtẹ ọvo re se Tamar; aye na vwo erhuvwu gangan.

1 Ivie 11:1

Asakiephana eya erhorha je Ovie Solomọn: Ọmọtẹ ri Fero, kugbe eya ri Moab, eya ri Ammọn, eya ri Edọm, eya ri Sidọn, kugbe eya ri Hẹt,

1 Ikun rẹ Ivie 3:2

Ọrerha Absalọm, oni rọye Maakah, Ọmọtẹ ri Talmai, ovie ri Geshur; Ọrẹne Adonijah re se oni rọye Haggit;

1 Ikun rẹ Ivie 3:9

Enana ejobi emọ ri Devid re eshare, emọ rẹ ense rọye je hẹ akakọ kugbe oniọvo rayen rẹ ọmọtẹ re se Tamar.

Isẹ 31:30

Osẹnvwe phiẹn ohwo phihọ, erhuvwu emu ofefe, ẹkẹvuọvo aye rọ djẹ oshọ rẹ Ọrovwohwo ọye e jiri.

Isẹ 6:25

Wo jẹ urhuru rẹ erhuvwu rọye si we vwẹ udu wẹ-ẹn, wo ji jọ vwẹ iphophẹro rọye mu we reyọ-ọ,