2 Samuẹl 12:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 12:9 ပူးပေါင်းရင်းမြစ်များ

2 Samuẹl 11:4

Devid de ji ikọn ra reyọ rhe, o de bro rhe, ọ vọye da mroma; fikiridie ọ ghwa họ nẹ afe vwẹ obọ; aye na de rhivwi kpo uwevwi rọye.

2 Samuẹl 12:10

Fiki rẹ ọtiọye na, ọlọkọ gbi se nẹ anurhoro wẹn bẹdẹ-ẹ, kidie wọ jẹn vwẹ fia, wọ da reyọ aye rẹ Uraya rẹ ohwo ri Hẹt vwo ru aye wẹn.

2 Samuẹl 16:7

Etiyin Shimei da ta jo duvwu iyori nẹ, Yanran, Yanran, wẹ ohwo rọ vọnre vẹ ọbara na, wẹ orharhe rẹ ohwo na.

1 Ivie 15:5

fikiridie Devid ru obo ri shephihọ vwẹ obaro rẹ Ọrovwohwo, o gbobọnyẹ urhi ro ji kẹ vwẹ ẹdẹ rẹ akpọ rọye ejobi-i, jokpa rẹ ota rẹ Yuraya rẹ ohwo ri Hẹt na ọvo.

1 Ivie 21:19

Ku wọ ta kẹ, E nẹ Ọrovwohwo tare, Wo hwe nure, ku wọ ra reuku? Ku wọ ta kẹ, E nẹ Ọrovwohwo tare Vwẹ asan re eranko da rare ọbara ri Nabọt etiyin ọ da je rare ọbara wẹn.

2 Ikun rẹ Ivie 33:6

Ọ da torhẹ emọ rọye vwo ze izobo vwẹ evun rẹ iyara rẹ emọ ri Hinnọm, ayen ke mraro, ghwere isẹ bọ epha, ki nene irivwi vẹ erieda ta ota. O ru emu imiomiovwi buebu vwẹ obaro rẹ Ọrovwohwo, re kpaerọ ophu.

Une rẹ Ejiro 51:14

Sivwi vwe nẹ abe re ọbara, E Ọghẹnẹ, wẹ Ọghẹnẹ re esivwo mẹ, ẹrenvwe mẹ ko so ine re esivwo wẹn phia.

Une rẹ Ejiro 51:16

Kidie oma re izobo vwerha owẹ-ẹ a da tanẹ me torhẹ izobo kẹ wẹ, e cha vwerhe owẹ ivu-un.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Une rẹ Ejiro 90:8

Wọwẹ ri mu imwemwu rẹ avwanre phihọ obaro wẹn, imwemwu rẹ avwanre re djahere he evun rẹ urhukpẹ rẹ opharo wẹn.

Isẹ 14:2

Ohwo rọ yan vwẹ idjerhe rẹ ọsoso djẹ oshọ rẹ Ọrovwohwo na, ẹkẹvuọvo ohwo ro gbẹ ozighi jẹ kuẹfia.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Jerimaya 18:10

ọ da dianẹ o ru umwemwu vwẹ aro mẹ, ro gbi nyo urhuru mẹ-ẹ, ki mi kurhẹriẹ nẹ emu esiri ri mi rori nẹ mi ru kẹ jovwo na.

Emọs 2:4

E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

1 Samuẹl 15:19

Kidie sorọ wo gbi rhe mu ọghọ kẹ urhuru rẹ Ọrovwohwo-o? Die wo di vwo se ofurhu phihọ ekuakua na, ru wo vwo ru obo re brare vwẹ obaro rẹ Ọrovwohwo?

1 Samuẹl 15:23

Kidie urhi ẹchọ epha kerẹ umwemwu rẹ epha, udu ọgangan ọ epha kerẹ orukuruku vẹ ẹdjọ ẹgọ. Fikiridie wọ sen ota rẹ Ọrovwohwo, okpuyovwi rọye je sen we nẹ wo gbe dia ovie-e.

1 Samuẹl 15:26

Samuẹl da ta kẹ Sọl me vẹ owẹ se rhivwi kpo-o, kidie wọ sen ota rẹ Ọrovwohwo, Ọrovwohwo je ghwa sen wẹ nẹ wọ gbe dia ovie vwẹ Izrẹli-i.