2 Samuẹl 12:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Me da vwẹ uwevwi rẹ onini wẹn kẹ wẹ, kugbe eya rẹ onini wẹn Me ghwẹ phihọ agada wẹn, Me da vwẹ uwevwi rẹ Izrẹl kugbe Juda vwọ kẹ wẹ; ọ da dianẹ enana havwe nọ, manẹ Me je vwẹ efa ha kẹ wẹ.

2 Samuẹl 12:8 ပူးပေါင်းရင်းမြစ်များ

2 Samuẹl 12:11

Enẹ Ọrovwohwo tare, Nighere, Ke Me kpare umwemwu vwọ so wẹ vwẹ uwevwi rẹ obọ wẹn na; ke Me reyọ eya wẹn vwẹ irharo wẹn na, ke Me vwẹ ayen vwọ kẹ ọrivẹ wẹn, kọ vayen sherhẹ vwẹ oghẹruvo koko na.

2 Samuẹl 12:2

Ọdafe na vwo igodẹ buebu kugbe ichuru; ẹkẹvuọvo ovwiogbere na vwo emu ọvuọvo-o jokpa rẹ ọmọ rẹ ogodẹ rẹ aye, otete ọvo rọ dẹre.

2 Samuẹl 2:4

Etiyin ihwo ri Juda da rhe, ayen da vwi Devid mu ovie vwọ kẹ uwevwi ri Juda. Ayen da ta kẹ Devid, Ihwo ri Jabẹsh Giliad ri shi Sọl.

2 Samuẹl 5:5

Ọ re ovie vwẹ enu ri Juda vwi Hebrọn ẹgbukpe ighwrẹ gbe emeranvwe esan vwi Jerusalẹm; ọ da re ovie ẹgbukpe ọgban gbe erha vwẹ Izrẹl vi Juda.

2 Samuẹl 7:19

Ọnana jẹn nẹ emu otete vwẹ obaro wẹn Ọrovwohwo Ọghẹnẹ, Wọ je ta ota kpahe oma rẹ uwevwi rẹ odibo wẹn, vwẹ ọke grogro rọ cha, wọ da rha vwẹ uvwiẹ rọ cha dia vwẹ ẹdẹfa vwọ nẹ vwẹ E Ọrovwohwo Ọghẹnẹl

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

1 Ivie 2:22

Ovie Solomọn da kpahe kẹ oni rọye, Die wọ vwọ nọ ekpẹn rẹ Abishag ohwo ri Shunẹm na vwọ kẹ Adonija? Gba je nọ ekpẹn rẹ uvie na vwọ kẹ; kidie ọye ọmọsẹ mẹ rẹ okpako Abiata rẹ orherẹn na vẹ ọye hẹ obọ kugbe Joab rẹ ọmọ ri Zẹruya.

Une rẹ Ejiro 84:11

Kidiẹ Ọrovwohwo rẹ Ọghẹnẹ ọyẹ ọnre vẹ ekpọfia; ọye kẹ ohwo ẹroesiri vẹ ọghọ. O vwo emuesiri ọvuọvo rẹ Ọrovwohwo se sinu kẹ ihwo re yanre phiọphiọ-ọ.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

1 Samuẹl 15:19

Kidie sorọ wo gbi rhe mu ọghọ kẹ urhuru rẹ Ọrovwohwo-o? Die wo di vwo se ofurhu phihọ ekuakua na, ru wo vwo ru obo re brare vwẹ obaro rẹ Ọrovwohwo?