2 Samuẹl 12:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Natan da ta kẹ Devid, Wẹ ohwo na. Enẹ Ọrovwohwo tare, Ọghẹnẹ rẹ Izrẹl. Me vwẹ owẹ mu ovie vwẹ enu rẹ Izrẹl, Mi de si we nẹ obọ ri Sọl;

2 Samuẹl 12:7 ပူးပေါင်းရင်းမြစ်များ

2 Samuẹl 14:13

Aye na da ta, kemavọ wo rhe vwo roro iroro tiọye kpahe ihwo rẹ Ọghẹnẹ? Kidie wo vwo brorhiẹ nana na, yẹ ovie ọvo rhe brehwe omaobọ rọye; kidie ovie rha reyọ ọmọ rọ djẹ nẹ uwevwi rọye hirhe kpo-o.

2 Samuẹl 22:1

Devid da ta kẹ Ọrovwohwo eta rẹ une nana vwẹ ẹdẹ rẹ Ọrovwohwo vwo si ayen nẹ obọ rẹ ivwighrẹ rọye ejobi kugbe obọ ri Sọl.

2 Samuẹl 22:49

Ọghẹnẹ ro si vwe nẹ obọ rẹ ivwighrẹ mẹ; Wọ da kpare ovwẹ kpenu nọ ivwighrẹ mẹ, wẹ ri si vwe nẹ obọ rẹ ihwo ri gidi gidi,

2 Samuẹl 7:8

Asakiephana, fiki rẹ ọtiọye, ọtiọna wọ ta kẹ odibo mẹ Devid, Ọtiọna Ọrovwohwo rẹ ofovwi tare, Mi si we nẹ aghwa rhe ru wo de sun igegede re wọ rhe re ovie vwẹ enu rẹ ihwo mẹ Izrẹl;

1 Ivie 14:7

Yanran, ra vuẹ Jeroboam, Enẹ Ọrovwohwo tare, Ọghẹnẹ rẹ Izrẹl na: Fikiridie mẹ kpare owẹ kpenu vwẹ ohri rẹ ihwo na, Me da vwẹ owẹ ru osun rẹ ihwo mẹ Izrẹl,

1 Ivie 18:18

Ọ da kpahe, Mi kpokpo Izrẹli-i, ẹkẹvuọvo wẹ, uwevwi rẹ ọsẹ wẹn, fikiridie wọ sen iji rẹ Ọrovwohwo na wo de nene Baal.

1 Ivie 20:40

Rẹ odibo wẹn vwo ruẹ hwrahwrahwra vwẹ etinẹ ọ da djẹ. Ovie rẹ Izrẹl da ta kẹ, Kẹ ọtiọye ọye orhiẹn wẹn dia; wẹ ọvo ri brorhiẹ na.

1 Ivie 20:42

Ọ da ta kẹ, E nẹ Ọrovwohwo tare, Fikiridie wo siobọ nẹ ohwo ri mi vwo ze kẹ ughwu na, ọtiọye na ke ji hwe we sohọ; ke ji hwe ihwo we sohọ ihwo rọye.

Une rẹ Ejiro 18:1

Me guọnọ owẹ, E Ọrovwohwo, ogangan mẹ.

Jerimaya 34:6

Jerimaya rẹ ọmraro na da ta eta nana kẹ Zẹdikaya ovie ri Juda, vwi Jerusalẹm,

Daniẹl 4:22

Ọye owẹ, E Ovie, ro rhe rho wọ da rhe goma gigirigi. Ọrho wẹn de rhi kpenu o de rhi te odjuvwu, otọ ru wo suẹn, de rhi te oba rẹ akpo na ejobi.

Matiu 14:14

Rọ vwo rhe, ọ da mrẹ ihwo buebu, aro da dọn, o de sivwi ayen.

1 Samuẹl 13:13

Samuẹl da ta kẹ Sọl, Wo ru emu rẹ ẹkpa gangan; wọ sa yọnrọn urhi rẹ Ọrovwohwo Ọghẹnẹ wẹ-ẹn; ro ji kẹ wẹ; manẹ Asakiephana yẹ uvie wẹn ka ghwaotọ kokoroko vwẹ Izrẹl bẹdẹ,

1 Samuẹl 15:17

Samuẹl da ta, Dede na wọ havwere vwẹ ẹro wẹn, o dia owẹ olori rẹ Izrẹl na-a? Ọrovwobwo vwẹ evwri ghworo uwe nẹ wọ dia ovie vwẹ Izrẹl.

1 Samuẹl 16:13

Etiyin Samuẹl da reyọ ukoko rẹ evwri na, ọ da vwẹ evwri ghworo vwẹ uherevie rẹ iniọvo rọye; Erhi rẹ Ọrovwohwo de ghwe mu Devid gele nẹ ẹdẹ yena yanran. Samuẹl vrẹnri, o de kpo Ramah.

1 Samuẹl 18:11

Sọl de phi ubiri na, kidie o rori nẹ, Mi ghwe duvwu Devid mu igbẹhẹ. Ẹkẹvuọvo Devid de fovwi oma kẹ asiava.

1 Samuẹl 18:21

Sọl de roro, E ju vwe vwọ kẹ, rere me vwọ kpahe ufi kẹ, rere abọ rẹ ihwo ri Filistia na vwo te. Ọtiọye na Sọl da ta kẹ Devid obọ rivẹ, ku wọ cha dia ọgọ mẹ.

1 Samuẹl 23:14

Devid da dia evun rẹ ẹmwa vwẹ evun rẹ aghwa ri Zip. Sọl kọ guọnọ kẹdẹ kẹdẹ, ẹkẹvuọvo Ọghẹnẹ rhe phio phihọ obọ rọye-e.

1 Samuẹl 23:7

Asakiephana a da vuẹ Sọl nẹ Devid kpo obo Keilah. Sọl da ta, Ọghẹnẹ phiro phihọ obọ mẹ nure; kidie ọye ọvo tọn oma rọye gbe rọ vwọ ro orho ro vwo echẹ kugbe eghẹn.