2 Samuẹl 12:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Ọ ghwẹ ihwo rẹ orho na, ọ vwẹ ẹvo ru ihwo re bẹrẹ irhe, ẹvo ri duvwẹ eghwro vẹ ishurhe, ẹvo re wian owian ri ikorekpẹn; ọtiọna o ru ihwo rẹ orho ri Ammọn. Etiyin Devid vẹ ihwo rọye de rhivwi kpo Jerusalẹm.

2 Samuẹl 12:31 ပူးပေါင်းရင်းမြစ်များ

2 Samuẹl 8:2

Ọ de phi Moab kua, ọ da vwẹ ufi vwanvwan ayen, ọ da vwẹ ayen sherhe otọ, o de hwe urhiẹ ivẹ o de jẹn ọvo vwo. Ihwo ri Moab de rhi hirhe phihọ idibo ri Devid, kẹ ayen ghwẹ ẹga rhe.

1 Ikun rẹ Ivie 20:2

Devid da reyọ erhu rẹ ovie rayen nẹ uyovwi rọye; ọda mrẹ nẹ ọ họhọ te talent rẹ oro, o ji vwo oragha ọfa rẹ ọghare; e de vwo tughẹ Devid. Ayen da ghwẹ ekuakua rẹ orere na reyọ, iburu gangan.

1 Ikun rẹ Ivie 20:3

Ọ da ghwẹ ihwo rẹ evun rọye rhe, a da vwẹ isara vẹ utehru, eghwro kugbe ushurhe phihọ ayen obọ ni vwo ru iruo; ọtiọye Devid ji ru kẹ ihwo rẹ orere rẹ Ammọn ejobi. Etiyin Devid kugbe ihwo na ejobi de rhivwi kpo Jerusalẹm.

Jerimaya 43:9

Vwẹ abọ wẹn reyọ elalọ ride, wo si ayen nu vwẹ evun rẹ urho vwẹ evun rẹ asan ra mare na rọ hẹ anurhoro rẹ ighẹn ri Fero vwi Tapanhes, vwẹ aro rẹ ihwo ri Juda na,

Emọs 1:13

E nẹ Ọrovwohwo na tare: Fiki rẹ ogbeku erha rẹ ihwo rẹ Amọn, ji kugbe ẹne, Me gbe sa rhan unu rẹ ehwe na-a, fikiridie ayen hẹrẹ evun rẹ eya vẹ evun vwi Gilead, rere ughwru rayen vwọ rho phihọ.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Emọs 1:3

Enẹ Ọrovwohwo na tare. Fiki rẹ ogbeku erha ri Damaskọs, ji kugbe ẹne, Me cha rha unu rẹ ehwe na-a, fikiridie ayen vwẹ akpẹrẹ rẹ utehru vwọ guọghọ Gilead.

Hibru 11:37

A vwẹ ukpokpo phi evo, a vwẹ isara bẹrẹ evo ẹbẹre ivẹ, a vwẹ ọlọkọ nyavwe evo hwe; evo vwẹ ophiẹn rẹ ẹvwe vẹ ogegede rhuo yan, ẹnsọn, ukpokpogho, a vwẹ oja re ayen–,

Joshua 10:15

Etiyin Joshua de rhivwi, ọ vẹ ihwo rẹ Izrẹl ejobi, kpo obo erhọn ri Gilgal.