2 Samuẹl 12:24 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁴ Etiyin Devid de bru aye rọye Batsheba uche, o de bro kpo ovwerhẹ, o de vwiẹ ọmọshare, o de se odẹ rọye Solomọn: Ivun rọye da vwerhe Ọrovwohwo,

2 Samuẹl 12:24 ပူးပေါင်းရင်းမြစ်များ

2 Samuẹl 12:25

o de ji ikọn wan obọ ri Natan rẹ ọmraro rhe; o de se odẹ rọye Jedidiah fiki rẹ Ọrovwohwo.

2 Samuẹl 5:14

Edẹ rẹ emọ rọye re vwiẹ ki Devid vwi Jerusalẹm da dia Shamua, Shohah, Natan, Solomọn,

2 Samuẹl 7:12

Ọke rẹ ẹdẹ wẹn da ghare, re de shi we kugbe esẹ wẹn ke Me kpare ọmọ wẹn ro nẹ orhẹn wẹn rhe kpenu, ke Me vwẹ uvie rọye vwo mu.

1 Ivie 1:10

Ẹkẹvuọvo o se Netan rẹ ọmraro na-a eyẹ Bẹnaya eyẹ egba na eyẹ Solomọn ọmọsẹ rọye na-a.

1 Ivie 1:11

Etiyin Netan da ta kẹ Batsheba oni ri Solomon, Wọ ji nyo nẹ Adonija ọmọ ri Haggit kọye ovie yẹ Devid ọrovwavwanre riẹnre-e?

1 Ikun rẹ Ivie 29:1

Ovie Devid da ta kẹ ọghwẹgbe na ejobi, Solomọn rẹ ọmọ mẹ, rẹ Ọghẹnẹ jẹreyọ, omotete o ruẹ o ji vwo ọhọ-ọ yẹ iruo na ọ rhuarho; ighẹn na dia ọ rẹ ohwo-o ẹkẹvuovo ọ rẹ Ọrovwohwo Ọghẹnẹ.

1 Ikun rẹ Ivie 3:5

Enana evwiẹ kẹ vwi Jerusalẹm: Shimea, Shobah, Natan, kugbe Solomọn, emọ ẹne rẹ Batshua rẹ ọmọtẹ rẹ Ammiẹl vwiẹri,

Nehemaya 13:26

O dia fiki re eya tiọye na Solomọn ovie rẹ Izrẹl vwo ru umwemwu-u? Vwẹ usun re ẹgborho ibuebu na o vwo ovie rọ họherọ-ọ ivun rọye da vwerhe Ọghẹnẹ rọye, Ọghẹnẹ de vwọ mu ovie vwẹ enu re Izrẹl ejobi; dede na eya re irho efa da nẹrhẹ ru umwemwu.

Isẹ 4:3

Ọke me vwọ hẹ ọmọ ọboba vwẹ obọ rẹ ọsẹ mẹ, buẹbuẹ, ọmọ ọvuovo vwe obọ rẹ oni mẹ,

Matiu 1:6

Jesse kọye ọsẹ rẹ Devid rẹ ovie. Devid kọye rha ọsẹ rẹ Solomọn rẹ aye rẹ Uraiya vwiẹ kẹ.

Urhi Rivẹ 33:12

Ọ ta kpahe Bẹnjamin, Avwebọ rẹ Ọrovwohwo na, omafuro rọ vwọ dia kẹrẹ; ọ gba ogba riariẹ phihọ vwẹ ọke ejobi, uherevie rẹ akakọ rọye kọye ọ dia.