2 Samuẹl 12:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Etiyin Devid de vrẹn nẹ ekpẹn, ọ họ re, o de ghworo oma rọye, o de wene amwa rọye; o de kpo uwevwi rẹ Ọrovwohwo, ọ da vwẹ ẹga kẹ Ọghẹnẹ. O de rhivwi rhe uwevwi rọye, ọ vwọ nọ ekpẹn rẹ emu, a da vwẹ emu kẹ ọ da re.

2 Samuẹl 12:20 ပူးပေါင်းရင်းမြစ်များ

2 Samuẹl 12:19

Ẹkẹvuọvo ri Devid vwọ riẹn nẹ idibo rọye bẹbẹ ta ota kẹ ohwohwo, Devid da riẹn nẹ ọmọ na ghwu re; Devid da nọ idibo rọye, ọmọ na ghwuru? Ayen da kpahe, O ghwuru.

2 Samuẹl 12:21

Etiyin idibo rọye da ta kẹ, Ọna didi emu wo ruru na? Wo de chiri owẹvwe wọ da viẹ kẹ ọmọ na, vwẹ ọke ro ji ghwu-u, ẹkẹvuọvo o vwo ghwu nu, wo vrẹnri wọ da re emu.

2 Samuẹl 14:2

Joab de ji ohwo kpo Tekoa ra guọnọ aye ọvo ro vwo ẹghwanre nẹ oboyi rhe, ọ da ta kẹ, Ru kerẹ ohwo ro vwerẹ uvweri, wo ku ewun rẹ uvweri phihọ, wọ vwẹ evwri ghworo oma wẹ-ẹn, ru kerẹ aye ro vwerẹ ohwo ro ghwu krire;

2 Samuẹl 19:24

Mefiboshẹt rẹ ọmọ ri Sọl de bru ovie rhe. ọ hworhẹ owọ rọye yẹrẹ ọ wanre ẹtoegba rọye-e, ọ je fọnrhọ amwa rọye-e, nẹ ọke rẹ ovie vwo nẹ uwevwi yanran re te ọke ro vwo rhivwi rhe egbẹrhẹnẹdẹ.

2 Samuẹl 6:17

Ayen de mu ekpeti rẹ Ọrovwohwo na a da nabọ rhuẹrẹ phihọ ẹdia rọye, vwẹ evun rẹ utughẹ ri Devid rhuẹrẹ kẹ. Devid de ze izobo rẹ ẹtorhẹ o de ze izobo rẹ ufuoma kẹ Ọrovwohwo.

2 Samuẹl 7:18

Ẹtiyin ovie Devid da ro uwevwi o de tidia vwẹ obaro rẹ Ọrovwohwo, ọ da ta, Ono omẹvwẹ E Ọrovwohwo Ọghẹnẹ, didi emu uwevwi mẹ epha ru wọ da vwo vwẹ kpenu ọtiọna?

ỌBE RẸ JOB 1:20

Etiyin Job de vrẹn ọ da bẹrẹ ewu rọye, ọ da wanre uyovwi rọye, o de she teye otọ, ọ da ga Ọghẹnẹ.

ỌBE RẸ JOB 2:10

Ẹkẹvuọvo ọ da ta kẹ, Wọ ta ota kirobo rẹ ọvo vwẹ usun rẹ eya ri djidji na ta. Avwanre da reyọ emu esiri vwẹ obọ rẹ Ọghẹnẹ, a rha reyọ omiomiovwi vwọ? Vwẹ evun rẹ enana ejobi na Job vwẹ ẹbẹrunu rọye ru umwemwu-u.

Une rẹ Ejiro 103:1

Bruphihọ kẹ Ọrovwohwo, E erhi mẹ; obo re vẹ ovwẹ herọ ejobi, bruphihọ kẹ odẹ ọfuanfon rọye!

Une rẹ Ejiro 103:8

Ọrovwohwo vọnre vẹ arodọvwẹ vẹ ehrọre, ọ fobọ mu ophu-u ọ vọnre vẹ ẹguọnọ ro je rhẹriẹ.

Une rẹ Ejiro 39:9

Mi diunu, mi gbi se rhie unu mẹ-ẹ; kidie wọwẹ ri ruro.

Une rẹ Ejiro 95:6

E yanrhe, e jẹn avwanre ga re e shiguẹ ke, jẹn avwanre shiguẹ vwe obaro re Ọrovwohwo, O rọ ma avwanre!

Isẹ 3:7

Wo roro nẹ wẹ ọvo re ghwanre-e, djẹ oshọ rẹ Ọrovwohwo, rere wo jẹ umwemwu vwo;

Aghwoghwo 9:8

Jẹn iwun wẹn ejobi dia fuanfọn kọke kọke; wo jẹn ori kare uyovwi wẹ-ẹn.

Matiu 6:17

Ẹkẹvuọvo ọke wo de chirẹ owẹvwe, họ, wọ vwẹ udẹ ghworo opharo wẹn;

Iyẹnrẹ Esiri ri Luk 7:46

Wo sa vwẹ ori ghworo uyovwi mẹ-ẹ; ẹkẹvuọvo aye nana tue udẹ ku vwe awọ.

Rutu 3:3

Fiki rẹ ọtiọye na, gba họ oma wẹn wọ vwo ori ghworo, vwẹ amwa wẹn ro me yovwi vwo rhuo, ru wo kpo asan ra da fa efafa na: ẹkẹvuọvo, wo dje oma wẹn kẹ ọshare na-a, bẹsiẹ rọ vwọ re rọ vwọ da nu

1 Samuẹl 15:25

Asakiephana, me rẹ wẹ, vwẹ imwemwu mẹ ghovwo uvwe, re me vẹ owẹ rhi kpo, rere me ra ga Ọrovwohwo na

1 Samuẹl 15:31

Etiyin Samuẹl vi Sọl de rhivwi; Sọl da ga Ọrovwohwo na.