2 Samuẹl 12:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Devid da rẹ Ọghẹnẹ vwọ kẹ ọmọ na; Devid de chiri owẹvwe, ọ da ro uwevwi o de sherhẹ otọ diodi vwẹ ason ejobi.

2 Samuẹl 12:16 ပူးပေါင်းရင်းမြစ်များ

2 Samuẹl 12:15

Etiyin Natan de kpo uwevwi rọye. Ọrovwohwo da ghwiẹ ọmọ rẹ aye rẹ Uraya vwiẹ kẹ Devid na kọ rhe muọ ọga.

2 Samuẹl 12:22

Ọ da ta, Ọke rẹ ọmọ na vwọ akpọ, mi chiri owẹvwe me da viẹ kidie me tare nẹ, a riẹnre-e Ọghẹnẹ me re ehrọre mẹ rẹ ọmọ mẹ na da rhọ?

2 Samuẹl 13:31

Devid vrẹnri ọ da bẹrẹ iwun rọye o de sherhẹ otọ; idibo rọye ejobi de mudia riariẹ vẹ iwun rayen re bẹrẹ.

1 Ivie 21:27

Ọke rẹ Ehab vwo nyo eta nana ọ da bẹrẹ emwa rọye, ọ da vwẹ erharhimi rhuo chiri ewẹvwe ọ da vwẹ erharhimi phopho, kọ yan bubu.

Nehemaya 1:4

Vwe ọke mi vwo nyo eta nana mi de tidia me da viẹ, mi de muoma phihọ vwe ẹdẹ buebu, mi de chiri owẹvwe me da nẹ ẹrhovwo vwe obaro rẹ Ọghẹnẹ rẹ Odjuvwu.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 69:10

Ọke re me da vwẹ oma mẹ kpotọ vwẹ owẹvwe echiro, o mi hirhe oma phihọ ẹghwọ kẹ vwẹ.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Daniẹl 6:18

Etiyin Ovie na da yanran kpo ighẹn rọyẹ, ọ de chiri owẹvwe vwẹ ason yena ejobi, o vwo iroro ọfa ra ghwe bro ra-a, ọ vwerhẹre kakaka-a.

Daniẹl 9:3

Etiyin mi de hirhe opharo mẹ ku Ọrovwohwo Ọghẹnẹ, vwọ guonọ vwẹ ẹrhovwo vẹ orẹ vẹ owẹvwe echiro vẹ amwa rẹ uvweri vẹ iwurhie.

Jona 3:9

Ono sa riẹn sẹ Ọghẹnẹ sa rhẹriẹ nẹ ophu ọgangan ro muo na, rere avwanre vwo je ghwo?

Iruo rẹ Iyinkọn na 9:9

Ẹdẹ erha soso ọ mrẹ orẹ-ẹ, ọ re emu eyẹrẹ kẹ ame ẹ da-a.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.