2 Samuẹl 12:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Devid da ta kẹ Natan, Mi ru umwemwu kpahe Ọrovwohwo, Natan da ta kẹ Devid, Ọrovwohwo ku imwemwu wẹn kufia; wo gbi che ghwu-u.

2 Samuẹl 12:13 ပူးပေါင်းရင်းမြစ်များ

Jẹnẹsis 39:9

Ọ rhonọ vwẹ vwẹ uwevwi na-a, eyẹ o si emuọvo nu kẹ vwẹ-ẹ jokpa wẹ ọvo, fikiridie wẹ aye rọye, komavọ mi ru emu ọbrabra nana, ri mi ru umwemwu kpahe Ọghẹnẹ.

2 Samuẹl 24:10

Ẹwẹn ri Devid de rhi kpokpo ro vwo kere ihwo na nu. Devid da rhe ta kẹ Ọrovwohwo, Mi ru imwemwu rhuarho vwẹ obo mi ruru na. Asakiephana Ẹ Ọrovwohwo, Me rẹ wẹ, si orukuruku rẹ odibo wẹn nu; fikiridie mi ru emu rẹ ẹkpa.

2 Samuẹl 24:17

Etiyin Devid da ta kẹ Ọrovwohwo vwẹ ọke rọ vwọ mre amakashe ro hwe ihwo na, ọ da ta, Nighe mi ru imwemwu, mi ru imwemwu, mi ru o re brare gangan, ẹkẹvuọvo igodẹ nana, die ayen ruru? hwe vwe vẹ uwevwi rẹ ọsẹ mẹ Me rẹ wẹ.

1 Ivie 13:4

Ọke rẹ ovie na vwo nyo eta rẹ ohwo rẹ ọfuanfon na, ro vwo bunu kpahe agbada ri Bẹtẹl na, Jeroboam da riẹnobọ rọye nẹ obọ agbada na rhe, tanẹ, Yọnrọn. Obọ rọye rọ riẹn kpahọ na, da ghwa yamu, ọtiọye na o gbi se sio rhivwi-i.

1 Ivie 21:20

Ehab da ta kẹ Ilaija, Wo rhe bru vwe vwa re E ọvweghrẹ mẹ? ọ da kpahe, Mi bru we vwa, kidie wọ shẹ oma wẹn kẹ umiovwo vwẹ obaro rẹ Ọrovwohwo.

1 Ivie 22:8

Ovie rẹ Izrẹl da ta kẹ Jehoshafat, Ohwo ọvo ji chekọ re duotọ rẹ Ọrovwohwo vwẹ obọ rọye, Maikaya ọmọ rẹ Imlah, ẹkẹvuọvo o tu vwe oma, kidie ọ mraro esiri kpahe ovwẹ-ẹ, ẹkẹvuọvo umiovwo. Jehoshafat da ta, E jẹn ovie ta ọtiọye-e.

Ivie rẹ Ivẹ 1:9

Ovie na de ji onotu ro suẹn ituofovwi ujuvẹ gbẹ ihwe vẹ ituofovwi ujuvẹ gbẹ ihwe rọye bro ra. Onotu na de bru Ilaija ra vwẹ asan ro tidia vwẹ obenu rẹ ugbenu, ọ da ta kẹ, E ohwo rẹ Ọghẹnẹ, ovie tare nẹ, Wotọ rhe.

1 Ikun rẹ Ivie 21:8

Devid da ta kẹ Ọghẹnẹ, Mi ru umwemwu gangan fiki rẹ emu nana ri mi ruru na. Ẹkẹvuọvo asakiephana, me rẹ wẹ, gbe si orukuruku na nẹ odibo wẹn oma kidie mi ru ẹkpa gangan.

2 Ikun rẹ Ivie 16:10

Etiyin ivun rẹ ọmrẹ na de miovwi Asa, ọ da vwẹ igoni karọ phihọ evun rẹ uwodi, fikiridie ivun miovwiro fiki rẹ ọnana. Asa da djoma brabra kpahe ihwo na ẹvo vwẹ ọke nana ọvuọvo na.

2 Ikun rẹ Ivie 25:16

Ẹkẹvuọvo rọ ghwa vwọ ta ota na ovie na da ta kẹ, Avwanre vwẹ owẹ ru oboiroro rẹ ovie? Fotovwi! Die nẹrhẹ a teye owẹ hwe? Etiyin ọmraro na de fotovwi, ẹkẹvuọvo ọ da ta, Me riẹnre nẹ Ọghẹnẹ jẹ iroro rọ vwọ ghwọrọ owẹ, fikiridie wo ru ọnana wọ rha kerhọn rẹ uchebro mẹ-ẹ.

ỌBE RẸ JOB 33:27

ọ da sọ ine vwẹ obaro rẹ ihwo, ta nẹ, Mi ru imwemwu, mi de ku emu esiri rhẹriẹ, a hwa osa rọye kẹ vwẹ-ẹ.

Une rẹ Ejiro 103:12

Kirobo rẹ obaro ọnre sheri te kẹ obuko ọnre na, ọtiọye o ji si ogbeku re avwanre nu sheri te kẹ avwanre.

Une rẹ Ejiro 51:16

Kidie oma re izobo vwerha owẹ-ẹ a da tanẹ me torhẹ izobo kẹ wẹ, e cha vwerhe owẹ ivu-un.

Une rẹ Ejiro 51:4

Wọwẹ ọvo, mi ru imwemwu kpahe, mi ru obo re brare vwẹ obaro wẹn, wọ vwọ re ase vwẹ ẹdjọeguo wẹn rere wọ vwọ je abe ẹriọ vwẹ orhiebro.

Une rẹ Ejiro 51:6

Nighere, wọwẹ re guọnọ uyota ro ne evun rhe; fiki rẹ ọtiọye na gbe yono uvwe aghwanre vwẹ udu mẹ.

Ẹyano 9:27

Etiyin Fero de ji ihwo re se Mosis vẹ Erọn, ọ da ta ke ayen, Mi ru imwemwu vwẹ obọ nana; Ọrovwohwo re re ase, te mẹvwẹ vẹ ihwo mẹ ru chọ .

Isẹ 25:12

Ọtiobọ rẹ isa rẹ oro eyẹ ugbẹn rẹ oro ra vwọ rhuẹrẹ oma epha na; eriyin uchebro rẹ aghwanre epha kẹ erhọn ro nyo ẹme.

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Aizaya 38:17

Nighe, fiki rẹ erhuvwu mẹ ọye mi vwo vwẹ ivuemiovwo rode na, ẹkẹvuọvo we re da erhi mẹ ji ro vwo jẹ ọgọdọ rẹ ughwu e sheruọ, kidie wẹ ri geri umwemwu ejobi phihọ obuko.

Aizaya 43:24

Wọ vwe ighọ dẹ uhwerhe ọvwevwerhe kẹ vwe-e, eye ivwri rẹ izobo wẹn vọn vwe evu-un Ẹkẹvuọvo wo kru oghwa re imwemwu wẹ nyẹ vwẹ, wọ vwe imwemwu wẹn ghwọrọ ovwẹ oma

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Uvwerhe 3:32

ẹkẹvuọvo, owene ọ vwẹ oja riọ dede o ji ni arodọvwẹ kirobo rẹ ẹguọnọ rọye ro jẹrhẹriẹ na bute.

Livitikọs 20:10

Ohwo de nene aye rẹ ọrivẹ rọye bru ehware, te ọshare na te aye na ke hwe ayen.

Livitikọs 24:17

Ohwo ro hwe ohwo ke ji hwe rhe.

Zekaraya 3:4

Amakashe na da ta kẹ otu ri mudia vwẹ obaro rọye, Wa ghwiẹ iwun igbegbe na no oma. Ọ da ta kẹ, nighe, mi si orukuruku wẹn nẹ uwe oma, Me cha vwẹ omamọ rẹ amwa rhuo we.

Matiu 14:10

O de ji ikọn kpo obo uwodi re bru ohọre ri Jọn ri Baptist.

Iyẹnrẹ Esiri ri Luk 15:21

Ọmọ na da ta kẹ, Baba, mi gbe odjuvwu ku mi ji gbe we ku rhe; mi gbi fo ohwo re se ọmọ wẹn ọfa-a.

Iyẹnrẹ Esiri ri Luk 18:13

Ẹkẹvuọvo omiarhọghọ na, de mudia tephe, o gbi yivwi kpare opharo kpenu-u, ẹkẹvuọvo ọ da vwẹ abọ ghwiẹ udu, tanẹ, Ọghẹnẹ ni arodọvwẹ mẹ oruimwemwu!

Iruo rẹ Iyinkọn na 2:37

Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru?

Hibru 9:26

kọye o vwo dje oja na ẹriẹriọ nẹ ẹtuọhọ rẹ akpọ na rhe. Ẹkẹvuọvo kirobo rọ epha na, ọ vwẹ oma rọye gọ iye ẹsiẹvo nure ọ da rhe vwẹ oma phia vwẹ oba rẹ oge na re ọ vwọ ghwẹ imwemwu rẹ ihwo ejobi nu.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

Ẹvwọphia 1:5

ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

1 Samuẹl 15:20

Sọl da ra kẹ Samuẹl, Mi mu ọghọ kẹ urhuru rẹ Ọrovwohwo, Me yan uwevwi rẹ Ọrovwohwo ji vwe nure, mi mu Agag ovie rẹ Amalẹk rhe, Me da ghwọrọ ihwo rẹ Amalẹk tototo.

1 Samuẹl 15:30

Etiyin ọ da ta, Mi ru umwemwu; yi dede na bru ọghọ phihọ ovwẹ oma vwẹ irharo rẹ ekpako na kugbe ihwo mẹ Izrẹl, rere wọ vẹ ovwẹ rhivwi kpo, ra ga Ọrovwohwo Ọghẹnẹ wẹn.