2 Samuẹl 12:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Enẹ Ọrovwohwo tare, Nighere, Ke Me kpare umwemwu vwọ so wẹ vwẹ uwevwi rẹ obọ wẹn na; ke Me reyọ eya wẹn vwẹ irharo wẹn na, ke Me vwẹ ayen vwọ kẹ ọrivẹ wẹn, kọ vayen sherhẹ vwẹ oghẹruvo koko na.

2 Samuẹl 12:11 ပူးပေါင်းရင်းမြစ်များ

2 Samuẹl 15:10

Ẹkẹvuọvo Absalọm de orhẹn phihọ orua rẹ Izrẹl ejobi nẹ, Siẹvuọvo we de nyo umri rẹ owanre we mi kperi tanẹ, Absalọm ọye ovie vwi Hebrọn.

2 Samuẹl 15:14

Devid da ta kẹ idibo rọye re vọye gba Jerusalẹm, E vrẹn ra djẹ; ọ dia ọtiọye-e gbe sa vabọ rẹ Absalọmu-u; jọphẹrẹ yanran, o de rhi di avwanre ku kpregede, o ru avwanre obo re brare, ọ da rhe vwẹ ọlọkọ hwe orho na ejobi.

2 Samuẹl 15:6

Uruemn tiọna kọye Absalọm kẹ ihwo rẹ Izrẹl ejobi ri bru ovie rhe fiki ẹdjọ. Ọtiọye Absalọm vwọ riẹriẹ ihwo Izrẹl ejobi.

2 Samuẹl 16:11

Devid da ta kẹ Abishai kugbe idibo rọye ejobi, Ọmọ mẹ ro nẹ oma mẹ rhe, guọnọ erhi mẹ hwe, kemavọ ọmọ ri Bẹnjamin rhe ru te? Jovwo rọ harhe; kidie Ọrovwohwo re ta kẹ.

ỌBE RẸ JOB 31:10

e gbe jẹ aye mẹ nyẹnyẹ ako phihọ kẹ ohwo ọfa, re ihwo efa she rhurho.

Izikiẹl 14:9

Ọ da dianẹ a phiẹn ọmraro na rọ da ta ota, mẹvwẹ rẹ Ọrovwohwo na, re phiẹn ọmraro yena, ke me riẹn obọ mẹ kpahọ, ke me guọghọ nẹ uherevie rẹ ihwo mẹ Izrẹl.

Urhi Rivẹ 17:17

Ọ gbe ghwẹ eya gidi oma-a udu rọye de rhi kurhẹriẹ, eyẹ o ji nene esi rẹ idọnọ efuanfon vẹ iro buẹ nọ-ọ.

Urhi Rivẹ 28:30

Wọ cha sa aye phihọ otọ, ohwo ọfa Me reyọ mie we; wọ cha bọn uwevwi, ye wọ cha dia evun rọye-e; wọ cha kọn ogba ri vain, yẹ wọ cha ria emamọ rọye-e.