2 Samuẹl 12:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Fiki rẹ ọtiọye na, ọlọkọ gbi se nẹ anurhoro wẹn bẹdẹ-ẹ, kidie wọ jẹn vwẹ fia, wọ da reyọ aye rẹ Uraya rẹ ohwo ri Hẹt vwo ru aye wẹn.

2 Samuẹl 12:10 ပူးပေါင်းရင်းမြစ်များ

Jẹnẹsis 20:3

Ẹkẹvuọvo Ọghẹnẹ de bru Abimẹlẹk rhe vwẹ evwerhẹ vwẹ ason, ọ da ta kẹ, Nighe, orivwi wọ epha na, fiki rẹ aye ru wọ reyọre na, kidie aye rẹ ohwo ọfa o ruẹ.

2 Samuẹl 18:33

Ota na da kpare ovie Devid, o de yeri kpo uvun rọ obenu rẹ anurhoro na ọ da viẹ, jọ yanran, ọ da ta E ọmọ mẹ Absalọm, ọmọ mẹ, ọmọ mẹ Absalọm, Mane mẹvwẹ eghwu vwẹ ẹdia wẹn, E Absalọm, ọmọ mẹ, ọmọ mẹ.

1 Ivie 15:5

fikiridie Devid ru obo ri shephihọ vwẹ obaro rẹ Ọrovwohwo, o gbobọnyẹ urhi ro ji kẹ vwẹ ẹdẹ rẹ akpọ rọye ejobi-i, jokpa rẹ ota rẹ Yuraya rẹ ohwo ri Hẹt na ọvo.

Isẹ 17:13

Ohwo da vwẹ umwemwu hwa osa rẹ ẹse, o rhe vwo ọke rẹ umiovwo vwo nẹ uwevwi rọye-e.

Emọs 7:9

a cha kua asan ro kpenu rẹ Aizik fiotọ riẹriẹ, ẹshẹ re Izrẹl ejobi ke cha dia ofefe, ki mi che mu kpahe uwevwi ri Jeroboam vẹ ọlọkọ

Ukeri 11:20

ẹkẹvuọvo ọsoso rẹ emeranvwe, bẹsiẹ rẹ ọ cha vwọ wan inwe wẹn phia, ke kpare owẹ ohọre, fikiridie wọ sien Ọrovwohwo rọ ohri rẹ ovwan, wa da viẹ vwẹ obaro rọye, tanẹ, Die avwanre vwọ tobọ nẹ otọ rẹ Ijipt rhe vwọ?

Matiu 26:52

Jesu da ta kẹ nẹ, Phi ọlọkọ wẹn vwọ hẹ ako; kidie ohwo ro nyavwe ohwo hwe, ọlọkọ ọ je wa ghwu.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

1 Samuẹl 2:30

Vwẹ ọtiọye na Ọrovwohwo Ọghẹnẹ rẹ Izrẹl na tare: Mi veri jovwo nẹ uwevwi wẹn kugbe uwevwi rẹ ọsẹ wẹn ke ro uwevwi ro otafe vwẹ obaro mẹ bẹdẹ; ẹkẹvuọvo asakiephana Ọrovwohwo tare: ọ gbe dia omẹvwẹ; ọfa-a; kidie ihwo ri mu ọghọ kẹ vwẹ eye mi mu ọghọ kẹ, ihwo re jẹ vwẹ fia ke ni ayen phorhi.