2 Samuẹl 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Devid de ji ohwo ra nọ ekpẹn rẹ aye na. Ohwo ọvo da ta, Ọna gbe dia Batsheba, rẹ ọmọtẹ rẹ Eliam, rẹ aye rẹ Uraya rẹ ohwo ri Hẹt?

2 Samuẹl 11:3 ပူးပေါင်းရင်းမြစ်များ

2 Samuẹl 12:3

Ọ da yọnrọn ghwanre, ọ vọye vẹ emọ rọye da rhe rho kugbe; emu rọ ria ọye ọ ria; uko rọ vwọ da ame ọye ọ vwọ da, o mie sherhẹ agada rọye, ọ da họhọ ọmọtẹ rọye.

2 Samuẹl 23:34

Eliphẹlẹt ọmọ Ahasbai ri Maacah, Eliam ọmọ rẹ Ahitofẹl ri Gilo,

2 Samuẹl 23:39

Uraya rẹ ohwo ri Hẹt. ayen ejobi ọgban gbẹ ighwrẹ.

1 Ivie 15:5

fikiridie Devid ru obo ri shephihọ vwẹ obaro rẹ Ọrovwohwo, o gbobọnyẹ urhi ro ji kẹ vwẹ ẹdẹ rẹ akpọ rọye ejobi-i, jokpa rẹ ota rẹ Yuraya rẹ ohwo ri Hẹt na ọvo.

1 Ikun rẹ Ivie 11:41

Uraya rẹ ohwo ri Hit, Zabad ọmọ rẹ Ahlai,

1 Ikun rẹ Ivie 3:5

Enana evwiẹ kẹ vwi Jerusalẹm: Shimea, Shobah, Natan, kugbe Solomọn, emọ ẹne rẹ Batshua rẹ ọmọtẹ rẹ Ammiẹl vwiẹri,

Isẹ 6:25

Wo jẹ urhuru rẹ erhuvwu rọye si we vwẹ udu wẹ-ẹn, wo ji jọ vwẹ iphophẹro rọye mu we reyọ-ọ,

Jerimaya 5:8

Ayen họhọ iyesi ra nabọ ghẹre ohwohwo de re nene aye rẹ ọrivẹ rọye.