2 Samuẹl 11:27 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁷ Rẹ uvweri na vwọ ghwiẹ nu, Devid da reyọ vwo kpo uwevwi rọye, o de rhi hirhe phihọ aye rọye, o de vwiẹ ọmọshare vwọ kẹ. Ẹkẹvuọvo obo ri Devid ruru de miovwo Ọrovwohwo ivun.

2 Samuẹl 11:27 ပူးပေါင်းရင်းမြစ်များ

Jẹnẹsis 38:10

Obo ro ruru na da bra vwẹ obaro rẹ Ọrovwohwo, Etiyin ọ da je teyọ hwe.

2 Samuẹl 12:9

Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 15:26

Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

1 Ivie 21:16

Rẹ Ehab ghwe vwo nyo nẹ Nabọt ghwuru, Ehab vrẹnri kọ yanran kpo ogba ri vain ri Nabọt ohwo ri Jezril re ọ ra reyọ.

1 Ivie 21:20

Ehab da ta kẹ Ilaija, Wo rhe bru vwe vwa re E ọvweghrẹ mẹ? ọ da kpahe, Mi bru we vwa, kidie wọ shẹ oma wẹn kẹ umiovwo vwẹ obaro rẹ Ọrovwohwo.

1 Ikun rẹ Ivie 21:7

Ẹkẹvuọvo emu nana de miovwo Ọghẹnẹ ivun, ọ da ghwiẹ Izrẹl.

Une rẹ Ejiro 5:6

Wọ guọghọ otu re vwọrọn efian ejobi; Ọrovwohwo tuoma rẹ otu re vọnre vẹ ọbara kugbe ephiẹn ihwo.

Isẹ 6:29

Ọtiọye ohwo ro du aye rẹ ọrivẹ rọye epha, ohwo kohwo ro ru ọtiọye ejobi sa vabọ re ehwe-e.

Aizaya 29:15

Ekan kẹ otu ri si aghwanre rayen nẹ kokodo kẹ Ọrovwohwo, ri ruẹ uruemu rayen vwẹ evun rẹ ebri, re tanẹ, Kono mrẹ avwanre? Kono riẹn avwanre?

Uvwerhe 3:36

rere ọ vwọ rhẹriẹ iroro rẹ ohwo rẹ Ọrovwohwo rhọvwe phihọ-ọ.

Matiu 1:6

Jesse kọye ọsẹ rẹ Devid rẹ ovie. Devid kọye rha ọsẹ rẹ Solomọn rẹ aye rẹ Uraiya vwiẹ kẹ.

Urhi Rivẹ 22:29

ọshare ro nenire vwerhẹ na Me vwẹ shekẹl ujuvẹ gbe ihwe rẹ idọnọ efuanfon kẹ ọsẹ rẹ ọmọtẹ na, ọ Me dia aye rọye, fikiridie ọ gbarọ du nure, bẹdẹ ro vwo nẹ akpọ na ọ gbe djẹ kpo-o.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.