2 Samuẹl 11:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ono ri hwe Ahimẹlẹk rẹ ọmọ ri Jeruheshet? Ọ dia aye ọvo ri ghorie oragha nẹ enu rẹ igbẹhẹ na rhi she teyọ, o de ghwu vwi Tebez? Die we vwo si kẹrẹ igbẹhẹ na te ọtiọye? Gba tanẹ Odibo wẹn Uraya rẹ ohwo ri Hẹt na e ji hwe rhe.

2 Samuẹl 11:21 ပူးပေါင်းရင်းမြစ်များ

2 Samuẹl 11:17

Ihwo rẹ orere na da kpare rhe re họnre Joab; ẹvo vwẹ idibo ri Devid de she vwẹ usun rẹ ihwo na. Uraya rẹ ohwo ri Hẹt na e de ji hwe rhe.

2 Samuẹl 11:20

ọ da dianẹ ophu mu ovie, ọ da rha ta kẹ wẹ nẹ, Die we vwo si kẹrẹ igbẹhẹ rẹ orere na ọtiọye re wa vwọ họnra na? Wa rha riẹn nẹ ayen dia enu rẹ igbẹhẹ na da sa ovwa-an?

2 Samuẹl 11:22

Etiyin ikọn na da yanran ra ta kẹ Devid obo ri Joab jiro ejobi.

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

2 Samuẹl 3:34

A gba obọ wẹ-ẹ, yẹrẹ a vwẹ ọjọrọn karọ owọ wẹ-ẹ, kirobo rẹ ohwo she phihọ obọ rẹ ihwo umwemwu wo sheri. Ihwo na ejobi da viẹ kẹ.

Une rẹ Ejiro 39:8

Sivwi uvwe nẹ ogbeku mẹ ejobi. Wo je otu rẹ ẹkpa vwẹ ovwẹ jehwẹ-ẹ!

Aizaya 14:10

Ayen ejobi ke cha ta ayen me ta kẹ wẹ. Ekpuyovwi wẹ rhoma hirhe ọvwiẹrẹ kirobo rẹ avwanre epha! wọ rhe họhọ avwanre re!

Iguẹdjọ 6:32

Fiki rẹ ọtiọye na o de mu odẹ kẹ vwẹ ẹdẹ yena nẹ Jerubbaal, otọ rọye, E jẹn Baal ọvo họnre kẹ oma rọye, vwọ kpahe ọshare na ro gere agbada rọye she.

Iguẹdjọ 7:1

Etiyin Jerubbaal (kọye, Gidiọn) kugbe ihwo ejobi re vẹ ọye gba herọ de vrẹn vwi irhiọke ride ayen de mu erhọn kẹrẹ ogbugbu rẹ ame ri Harod; erhọn ri Midian da hẹ ẹbẹre rẹ obọhwẹre ọnre, vwẹ evun rẹ iyara, vwẹ akakọ rẹ ugbenu ri Morẹ.