2 Samuẹl 11:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

2 Samuẹl 11:2 ပူးပေါင်းရင်းမြစ်များ

Jẹnẹsis 12:11

Ọke ro che vwo te otọ rẹ Ijipt re, ọ da ta kẹ Serai rẹ aye rọye, Me riẹnre nẹ wẹ aye vẹ erhuvwu siẹ re de ni we.

Jẹnẹsis 3:6

Rẹ aye na vwọ mrẹ nẹ urhe na fẹriọ, o ki rhe fẹro, nẹ urhe na ki rhe ru ohwo ghwanre, ọ da reyọ omamọ rọye ọ da riọ; ọ da je vwẹ ẹvo kẹ ọshare rọye ọ da je re.

Jẹnẹsis 34:2

Ọke ri Shikẹm ọmọ ri Hamọr rẹ ohwo ri Hiv, osun rẹ otọ na, vwọ mrẹ, o de shabọ phihọ ọ vọye da mroma ọ da phọphọ.

Jẹnẹsis 39:6

Kọye ọ da yan jobo ro vwori ejobi vwo ki Josẹf, ro vwo jẹn ayen vwo kẹ nu ọ gbe ro ẹnwa rẹ emuọvo jokpa re obo rọ ria ọvo. Josẹf re dje na ohwo erhuvwu gangan.

Jẹnẹsis 6:2

emọ rẹ Ọghẹnẹ da mrẹ emetẹ rẹ ihwo nẹ iyovwiri gangan; ayen da reyọ uche ri je ayen vwọ rọvwọ.

2 Samuẹl 13:1

Asakiephana Absalọm, rẹ ọmọ ri Devid de vwo oniọvo rẹ ọmọtẹ oyoyovwi re se odẹ rọye Tama; ọke ọvo vwo te, Amnọn rẹ ọmọ ri Devid, de vwo ivuẹvwerhọ kẹ.

2 Samuẹl 14:27

Ọ de vwiẹ emeshare erha vẹ ọmọtẹ ọvo re se Tamar; aye na vwo erhuvwu gangan.

2 Samuẹl 4:5

Ọke yena, emọ ri Rimmọn ri Beerot, Rikab kugbe Baanah da yanran ọke rẹ uvo vwọ rhọvwa gan ayen de rhi te uwevwi ri Ishboshet, ro vwo sherhẹ vwẹ oghẹruvo.

2 Samuẹl 4:7

Ọke rẹ ayen vwọ ro evun rẹ uwevwi, o shevwerhẹ ehwa vwẹ evun rẹ uvun rọye, ayen de hwe, ayen da nyavwe uyovwi rọye, ayen da wan idjerhe rẹ Araba vwẹ ason,

ỌBE RẸ JOB 31:1

Me vẹ ẹro mẹ re ọphọ nure, komavọ mi ru se ni ọmọtọbẹ?

Une rẹ Ejiro 119:37

Rhẹriẹ ẹro mẹ rere o vwo je ogbegbemre e no; wọ kẹ vwẹ arhọ vwẹ idjerhe wẹn na.

Isẹ 19:15

Ọvwufeti vwerhẹ okpovwerhẹ rode, ohwo rọ ro uvwerhi owevwi hwe.

Isẹ 31:30

Osẹnvwe phiẹn ohwo phihọ, erhuvwu emu ofefe, ẹkẹvuọvo aye rọ djẹ oshọ rẹ Ọrovwohwo ọye e jiri.

Isẹ 6:25

Wo jẹ urhuru rẹ erhuvwu rọye si we vwẹ udu wẹ-ẹn, wo ji jọ vwẹ iphophẹro rọye mu we reyọ-ọ,

Isẹ 7:8

rọ wan urhuvwu na vwẹ akakọ rẹ uwevwi rẹ aye na, ọ da vwẹriẹ idjerhe rẹ uwevwi rẹ aye na.

Jerimaya 19:13

Iwevwi ri Jerusalẹm kugbe iwevwi rẹ ivie ri Juda–iwevwi ra dia enu rayen da torhẹ izobo kẹ otu rẹ obenu ejobi, ra da vwẹ idi gọ iye kẹ eghẹnẹ efa, e che gbe ayen ẹgua vwi Tọfẹt.

Matiu 10:27

Obo re me ta kẹ ovwan vwẹ odjahọ ọye ovwan ta vwẹ azagba, obo ra bẹbẹ ta kẹ ovwan, ọye we ghwoghwo vwẹ enu rẹ uwevwi.

Matiu 24:17

E jẹn ohwo rọ hẹ enu rẹ uwevwi wotọ cha reyọ emu ọvuọvo nẹ uwevwi na-a.

Matiu 5:28

ẹkẹvuọvo me ta kẹ wẹ nẹ, kohwo kohwo ro ni aye rẹ ohwo ọfa opharo ro de je, yẹ o duro vwẹ udu rọye nure.

Iruo rẹ Iyinkọn na 10:9

Ẹdẹ rivẹ rẹ ayen vwọ yanran kẹ amasan rẹ ayen che vwo te orere na, Pita da yanran kpo obenu rẹ uwevwi ra nẹ erhuvwu, kerẹ emu rẹ unọke esan.

Urhi Rivẹ 22:8

Wọ da bọn uwevwi ọkpokpọ, wo mi fi igbẹhẹ otete riariẹ akọkọ rẹ ebọ rọye, rere abe rẹ ọbara rẹ ohwo ro she norhe, vwo jẹ uwevwi wẹn ete.

Urhi Rivẹ 5:21

Wo jẹ aye rẹ ọrivẹ wẹn da wẹ ẹro-o, wo jẹ uwevwi rẹ ọrivẹ wẹn da wẹ ẹro-o, te udju rọye, eyẹ odibo rọye rẹ ọshare, eyẹ odibo rọye rẹ aye, erhuẹn rọye eyẹ ekẹtẹkẹtẹ rọye kemu kemu ro vwori wo jọ da wẹ ẹro-o.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

1 Jọn 2:16

Kidie obo re hẹ evun rẹ akpọ na ejobi, urhuru si vwe rẹ ugboma, ojevwe rẹ ẹro kugbe eheri rẹ akpọ na, e dia e rẹ Ọsẹ na-a ẹkẹvuọvo e rẹ akpọ na.

1 Samuẹl 9:25

Ọke rẹ ayen vwo wotọ nẹ enu rẹ ugbenu na cha obo orere na, a da hwa ehwa kẹ Sọl vwẹ obo okpo rẹ uwevwi na, o de she vwerhẹ.