2 Samuẹl 11:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Uraya da ta kẹ Devid, Ekpeti na kugbe Izrẹl vẹ Juda dia itughẹ; ọrovwovwe Joab kugbe idibo rẹ ọrovwovwe wo phihọ ophephe, ki mi kpo uwevwi, re me re, re me da mi rhe nene aye mẹ sherhẹ? Ọtiobọ wọ herọ kugbe obo rẹ ẹnwẹ wẹn herọ na, mi se ru emu nana-a.

2 Samuẹl 11:11 ပူးပေါင်းရင်းမြစ်များ

2 Samuẹl 11:10

Ọke ra vwọ ta kẹ Devid nẹ, Uraya gbi rhivwi kpo uwevwi rọye-e, Devid da ta kẹ Uraya nẹ, Wo ji nẹ oyan wẹn rhe-e? Kidie wo gbi kpo uwevwi wẹ-ẹn?

2 Samuẹl 14:19

Ovie na da ta, Obo ri Joab hẹ enana ru wọ ta na? Aye na da kpahe ọ da ta, kerẹ ọtiobo wọ herọ na, ovie rovwovwe, ohwo se kpo obọrhe yẹrẹ obọhwẹre-e no obo rẹ ovie tare na-a; fiki rẹ odibo wẹn Joab, ri ji vwe, o de phi efa nana phihọ unu rẹ ọmọtẹ wẹn.

2 Samuẹl 20:6

Devid da ta kẹ Abishai, Asakiephana Sheba rẹ ọmọ ri Bichri cha wan avwanre oma nọ obo rẹ Absalọm ruru. Reyọ idibo rẹ ọrovwovwe wa vwọ tua, ọ de rhi vwo irere ra gba ogba riariẹ, ọ da rhe kẹ avwanre ukpokpoma. Ihwo erha de nene.

2 Samuẹl 7:2

ovie na da ta kẹ Natan rẹ ọmraro rẹ Ọghẹnẹ, Nighere asakiephana me dia uwevwi rẹ igẹun ẹkẹvuọvo ekpeti rẹ Ọghẹnẹ dia utughẹ.

2 Samuẹl 7:6

Me je dia uwevwi rhawọke me vwọ reyọ ihwo mẹ Izrẹl nẹ otọ rẹ Ijipt rhe rhi te nonẹ na-a, ẹkẹvuọvo Me yan vwẹ utughẹ.

Ukeri 32:6

Ẹkẹvuọvo Mosis da ta kẹ emọ ri Gad kugbe emọ ri Rubẹn, Kẹ imoni wẹn kpo ofovwi yẹ ovwan tidia etinẹ?

Iyẹnrẹ Esiri ri Jọn 13:14

Ọ da dianẹ, mẹvwẹ rẹ Ọrovwohwo rẹ ovwan kugbe Ọyono rẹ ovwan, da hworhẹ awọ rẹ ovwan, ovwan ke je hworhẹ awọ rẹ ohwohwo rhe.

2 Timoti 2:12

ọ da dianẹ avwanre vẹ ọye chiri, avwanre vẹ ọye ke je reuvie kugbe; avwanre da siọn, ko je sen avwanre;

1 Samuẹl 1:26

Ọ da ta, E, ọrovwovwe: Kirobo wọ herọ na, ọrovwovwe, mẹvwẹ aye ro mudia vwẹ obaro wẹ vwẹ etinẹ ye, rọ nẹ ẹrhovwo kẹ Ọrovwohwo ye.

1 Samuẹl 14:18

Sọl da ta kẹ Ahijah, Mu ekpeti rẹ Ọghẹnẹ na rhe. Kidie ekpeti rẹ Ọghẹnẹ na nene ihwo rẹ Izrẹl ra vwẹ ọke yena.

1 Samuẹl 17:55

Ọke ri Sọl vwọ mrẹ Devid ro bru ohwo ri Filistia na ra, ọ da ra kẹ Abner, onotu rẹ unuofovwi rọye, Abner, ono vwo emeghele nana? Abner da ta, Obo rẹ ẹnwẹn wẹn herọ na, E ovie, Me sa ta-a.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.

1 Samuẹl 4:4

Etiyin ihwo na de ji ikọn kpo Shiloh, ayen de re mu ekpeti rẹ ọphọ rẹ Ọrovwohwo rẹ ofuofovwi na rhe, ro tidia ekete vwẹ enu ri chẹrobim; emeshare rẹ Eli ivẹ na, Hofni vẹ Finihas, vẹ ekpeti rẹ ive rẹ Ọghẹnẹ na vwẹ etiyin.