2 Samuẹl 11:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọke evwru vwẹ ukpe, ọke rẹ ivie vwo kpo ofovwi, Devid de ji Joab, vẹ idibo rọye ri nene, kugbe Izrẹl ejobi; ayen de gborho ihwo ri Ammọn, ayen da kpare imu kpo Rabbah. Ẹkẹvuọvo Devid daji obi Jerusalẹm.

2 Samuẹl 11:1 ပူးပေါင်းရင်းမြစ်များ

2 Samuẹl 10:14

Ọke rẹ ihwo ri Ammọn rhe vwọ mrẹ nẹ ihwo ri Siria djẹrẹ, ayen da je djẹ kẹ Abishai, ayen da ra djẹ ro evun rẹ orere na. Etiyin Joab de rhivwi jẹ ihwo ri Ammọn vwo, ọ da rhe Jerusalẹm.

1 Ivie 20:22

Etiyin ọmraro na de rhi si kẹrẹ ovie re Izrẹl na, ọ da ta kẹ, Yanrhe, cha oma wẹn, re wo roro obo ru wo che ru; kidie asan evwru na ovie ri Siria na che rhivwi rhe rhe họnre owẹ.

1 Ivie 20:26

Vwẹ asan evwru na Bẹnhadad da ghwẹ ihwo ri Siria koko gbidi, ọ da yanran kpo Afẹk, ra họnre Izrẹl.

1 Ikun rẹ Ivie 20:1

Vwẹ evwru rẹ ukpe na, ọke rẹ ivie vwo kpo ofovwi, Joab de sun unuofovwi na, ọ da ra guọghọ ubrakpọ rẹ Ammọn, ayen da rhe gba riariẹ Rabbah. Ẹkẹvuọvo Devid da daji Jerusalẹm. Joab da guọghọ Rabbah, o de phio kparobọ.

2 Ikun rẹ Ivie 36:10

Vwẹ ọke evwru vwẹ ukpe yena Ovie Nẹbukadreza de ji ikọn re muo kpo Babilọn, vẹ ekuakua eghaghare re uwevwi rẹ Ọrovwohwo na, o da vwi Zedikaya mu ovie vwẹ enu ri Juda Jerusalẹm.

Une rẹ Ejiro 60:9

Kono sa vwẹ ovwẹ tẹ orere ra gba ogba phihọ na? Kono se sun vwe kpo Idọm?

Aghwoghwo 3:8

ọke ra vwọ guọnọ, vẹ ọke re vwọ tuoma; ọke vwọ kẹ ofovwi, vẹ ọke vwọ kẹ ufuoma.

Jerimaya 49:2

Ọtiọye na, gbe nighe, ede cha, eriyin Ọrovwohwo tare, ri mi che vwo ruo re de nyo edo rẹ ofovwi kpahe Rabba rẹ ihwo rẹ Amọn, ọ che hirhe phihọ ẹrhẹnre rẹ ekpẹn ofefe, a cha vwẹ erhanre torhẹ ighwre rọye, kẹsiẹye Izrẹl ke kua ihwo re kuarọ jovwo na, eriyin Ọrovwohwo tare.

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.

Izikiẹl 21:20

Ka oka phihọ idjerhe rẹ ọlọkọ na cha wan kpo Rabah rẹ ihwo rẹ Ammọn re te Juda re fi Jerusalẹm ra gba ogba riariẹ na.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Zekaraya 14:3

Etiyin re Ọrovwohwo kọ yan phia vwọ so ẹgborho yena kirobo rọ họnre vwe ẹdẹ rẹ ofovwi na

Urhi Rivẹ 3:11

(Kidie Ọg ovie ri Bashan na ọvo chekọ vwi Rifem; nighe, ehwa rọye ehwa rẹ utehru; ehwa na rha hẹ Raba rẹ ihwo rẹ Ammọn? ugrogro rọye kubit irhiri, ohẹhẹre rọye kubit ẹne, kirobo rẹ ichihi rẹ ohwo epha?

1 Samuẹl 18:30

Etiyin isun ri Filistia da rhe rhi phi ofovwi, kọke kọke rẹ ayen vwọ rhe ejobi Devid kọye ma kparobọ nẹ idibo ri Sọl ejobi, ọtiọye na a da kpare odẹ rọye kpenu gangan.