2 Samuẹl 10:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọke ri Joab rhe vwọ mrẹ nẹ ofovwi na ganre kọye vwẹ obaro vẹ obuko, ọ da jẹn ihwo rẹ Izrẹl ẹvo rọ sanọre, ọ da vwẹ ayen tẹrẹ edje hirhe aro ku ihwo ri Siria;

2 Samuẹl 10:9 ပူးပေါင်းရင်းမြစ်များ

2 Samuẹl 10:10

Ọ de phi ihwo ri chekọ phihọ obọ rẹ Abishai rẹ oniọvo rọye, ayen da tẹrẹ edje hirhe aro ku ihwo rẹ Ammọn.

2 Samuẹl 10:8

Etiyin ihwo rẹ Ammọn da rhe ayen de rhi si ofovwi koko vwẹ ughere rẹ orere na; kugbe Siria ri Zobah vẹ Rehob, kugbe ihwo ri Tọb vẹ Maakah, e vayen gbe mudia vwẹ asan ophephẹn rẹ orho na.

2 Samuẹl 18:2

Devid de ji utuofovwi yanran, ẹkẹ erha rọye nene Joab ẹkẹ erha nene Abishai ọmọ ri Zeruiah, oniọvo ri Joab, ẹkẹ erha nene Ittai ohwo ri Git. Ovie da ta kẹ ihwo na, Ekpuyovwi mẹ ji nene ovwan ra.

2 Ikun rẹ Ivie 13:14

Juda vwo ni, nighere, ofovwi obaro ọ he obuko kẹ ayen; ayen de kperi se Ọrovwohwo, irherẹn na de hworo ewanre.