2 Samuẹl 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

2 Samuẹl 10:6 ပူးပေါင်းရင်းမြစ်များ

Jẹnẹsis 34:30

Etiyin Jekọp da ta kẹ Simiọn vẹ Livae nẹ, Ovwan so okpetu kẹ vwẹ nure, odẹ mẹ ko che gbo hwe ihwo rẹ otọ na, ihwo ri Kenan kugbe Pẹriz, mi buru rẹ, ayen de se otu rhe họnre ovwẹ, kẹ ayen ghwọrọ ovwẹ, te omẹvwẹ te uwevwi mẹ.

2 Samuẹl 10:5

Ọke ra vwọ ta ota na kẹ Devid, o de ji ihwo ra vwa ayen kidie oma vo ihwo na gangan. Ovie na da ta, Daji Jẹriko bẹsiẹ rẹ ẹtuegba rẹ ovwan vwo di rhe, we ki rhivwi rhe.

2 Samuẹl 10:7

Ri Devid vwo nyo, o de ji Joab vẹ isodje na, egba eshare na ejobi.

2 Samuẹl 16:21

Ahitofẹl da ta kẹ Absalọm, Bru ẹsen rẹ ọsẹ wẹn kpo ovwerhe rọ yan jovwo nẹ e sẹro rẹ uwevwi, rere Izrẹl ejobi vwọ riẹn nẹ wọ ru ọsẹ wẹn oma; rere obọ rẹ ihwo ejobi re vo wẹ gba herọ na vwọ gan.

2 Samuẹl 23:34

Eliphẹlẹt ọmọ Ahasbai ri Maacah, Eliam ọmọ rẹ Ahitofẹl ri Gilo,

2 Samuẹl 8:12

Nẹ Edọm, Moab, Ammọn, Fiiistia, Amalẹk kugbe iri nẹ obọ ri Hadadezar rẹ ọmọ ri Rehob, ovie ri Zobah rhe.

2 Samuẹl 8:3

Devid de phi Hadadezar, rẹ ọmọ ri Rehob, ovie ri Zobah kparobọ, rọ vwọ yanran ra vwẹ ogangan rọye mu vwẹ urhie ri Yufretis.

2 Samuẹl 8:5

Rẹ ihwo ri Siria ri Damaskọs rhe vwọ cha Hadadezar, ovie ri Zobah uko, Devid de hwe ihwo ri Siria uriori uje gbe ivẹ.

1 Ivie 11:24

O de se ihwo ba oma rọye o de rhi hirhe phihọ osun rẹ ihwo re fiọkon phihọ aghwa, kirobo ri Devid je hwe ihwo wan; ayen da yanran kpo Damaskọs, ọ da ra dia etiyin, e de vwo mu ovie vwi Damaskọs.

Ivie rẹ Ivẹ 7:6

Fikiridie Ọrovwohwo ru ituofovwi rẹ ihwo ri Siria nyo edo rẹ ekpẹrẹ vẹ iyesi rẹ ituofovwi ride, kọye ayen da ta kẹ ohwohwo, Nighe, ovie rẹ Izrẹl durhie ivie ri Het vẹ ivie rẹ Ijipt rhe rhẹ họnre avwanre.

Une rẹ Ejiro 48:4

Kidiẹ gbe no, ivie na ra ghwẹ oma koko, ayen yanrhe rhi si koko

Ẹyano 5:21

Ayen da ta kẹ Mosis vẹ Erọn, “Ejẹ Ọrovwohwo ni ovwan ro brorhiẹ, kidie wo ru avwanre vwọ dia ihwo ebrabra vwẹ obọ rẹ Fẹro vẹ idibo rọye, we de phi ọlọkọ phiyọ obọ nẹ o vwo hwe avwanre.

Isẹ 25:8

Obo rẹ ẹro wẹn mrẹre wọ vwẹ okpakpa vwo kpo aguare-e; kọrhọ wo ru vwẹ obọ ọ da dianẹ ọrivẹ wẹn phọpho owẹ?

Jerimaya 40:8

ayen da yan kpo Mizpah bru Jerimaya ra–-Ishmaẹl ọmọ ri Netanaya, Jahanan ọmọ ri Karia, Siraya ọmọ ri Tanhumẹt, emọ rẹ Efai ohwo ri Makat, ayen vẹ ihwo rayen.

Jerimaya 46:21

Ihwo rẹ ofovwi rọye re durhieri vwẹ uherevie rọye re họhọ emọ rẹ erhuẹn sọkọ sọkọ, uyota, ayen kuoma rhẹriẹ ayen de koko djẹ, ayen se mudia-a, kidie ẹdẹ rẹ okpetu rayen gbare, ọke re ehwe rayen tere.

Urhi Rivẹ 3:14

Jaia rẹ ohwo ti Manasse da reyọ otọ rẹ Agọb ejobi, kọye, Bashan, re te ughwru rẹ ihwo ri Geshuo vẹ ihwo ri Meakat; ọ da vwẹ odoma rọye Bashan-havot vwo se ayen, rhi te nonẹ na).

Iguẹdjọ 11:3

Etiyin Jẹfta da djẹ yan jẹ emesẹ rọye vwo, ọ da ra dia otọ ri Tọb; Jẹfta de se ihwo buebu ri gbe ozighi boma, ọ vẹ ayen kọye ri koko kpare ofovwi.

Iguẹdjọ 11:5

Ọke rẹ ihwo rẹ Ammọn na vwọ vwẹ ofovwi so Izrẹl re, ekpako ri Giliad na da ra reyọ Jẹfta nẹ otọ ri Tọb rhe;

Iguẹdjọ 18:28

O rhe vwo ohwo ro sivwi ayen rhọ-ọ fikiridie orere na sheri kẹ Saidọn, ayen ohwohwo yeri kugbe-e. Ọ da dia iyara ro hẹ evun ri Bẹtrẹhọb asan na epha. Ayen da rhoma bọn orere na, ayen da dia evun rọye.

1 Samuẹl 13:4

Izrẹl ejobi de nyo nẹ Sọl djẹ unuofovwi rẹ ihwo ri Filistia. Izrẹl de rhi tu ihwo ri Filistia oma. E de se ihwo na rhe re vwọ ba Sọl vwi Gilgal.

1 Samuẹl 27:12

Akish da vwẹ ẹroso Devid, o de roro nẹ, ọ gbe oma rọye ku tughu tughu kẹ ihwo rọye Izrẹl; fiki rẹ ọtiọye na kọ cha dia odibo mẹ bẹdẹ.