2 Samuẹl 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹkẹvuọvo isun rẹ Ammọn da ta kẹ Hanun rovwayen, Wo rori nẹ, fikirobọ ri Devid vwo ji ihwo rhi bru we uche na, kọ vwẹ ọghọ kẹ ọsẹ wẹn? Ọ dianẹ Devid ji idibo rọye rhe re guọnọ otọ rẹ orho na, re ọ dọrhe rọye, re ọ rhe kua?

2 Samuẹl 10:3 ပူးပေါင်းရင်းမြစ်များ

Jẹnẹsis 42:16

We ji ohwo ọvo vwẹ usun rẹ ovwan, rere ọ ra reyọ omoni rẹ ovwan na rhe, jẹn ovwan ri chekọ uwodi, kọna e vwo vughe uyota rẹ ovwan, sẹ ovwan ghine ihwo uyota, ọ rha dia ọtiọye-e, vwẹ ogangan ri Fero, o muẹro nẹ ogborhugborho ovwan ruẹ.

Jẹnẹsis 42:9

Josẹf da karohọ evwerhẹ rọ vwerhẹ kpahe ayen, ọ da ta kẹ ayen, Ovwan ogborhugborho, wa rhere re mrẹ ẹba rẹ otọ na.

2 Samuẹl 3:25

Wọ riẹnre nẹ Abner ọmọ rẹ Ner rhere rhe phiẹn wẹ, vwọ mrẹ obo wọ epha.

1 Ikun rẹ Ivie 19:3

Ẹkẹvuọvo isun rẹ Ammọn da ta kẹ Hanun, No rori ni Devid ji ihwo rhi bru we uche, ku wo rori nẹ Devid vwẹ ọghọ kẹ ọsẹ wẹn? ọ dianẹ idibo rọye rhere rhe guọnọ otọ wẹ re vwọ mrẹ asan rhi phi we kua?

1 Kọrẹnt 13:5

o phuoma-a eyẹ o vwo udu-u. Ẹguọnọ ghwe churu obọ muẹ ọrọye ọvo-o; ophu fobọ muoo eyẹ emu fobọ da-a;

1 Kọrẹnt 13:7

Eguọnọ chiri emu ejobi, ọ se emu ejobi gbuyota, o phiẹrohọ emu ejobi, o chirẹ emu ejobi.