2 Samuẹl 10:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin Hadadezar de ji ikọn re se ihwo ri Siria re hẹ obovrẹn rẹ urhie ri Yufretis, ayen da rhe Hilam, vẹ Shobak rẹ onotu rẹ ofovwi ri Hadadezar rọ ka obaro kẹ ayen.

2 Samuẹl 10:16 ပူးပေါင်းရင်းမြစ်များ

2 Samuẹl 10:15

Ẹkẹvuọvo ọke rẹ ihwo ri Siria vwọ mrẹ nẹ Izrẹl phi ayen kua, ayen da ghwẹ oma koko,

2 Samuẹl 10:17

Ra rhe vwọ ta kẹ Devid, ọ da ghwẹ Izrẹl ejobi koko, ọ da shariẹ Jọdan vrẹn, o de rhi te Hilam. Etiyin ihwo ri Siria da gba phihọ Devid, ayen vọye da họnre.

1 Ivie 11:23

Ọghẹnẹ da je vwẹ ukọn ọfa vwọ suọ, Rezọn ọmọ rẹ Eliada, rọ djẹ nẹ obọ rẹ onini rọye Hadadezer ovie ri Zobah.

1 Ikun rẹ Ivie 18:3

Devid de ji phi Hadadezer rẹ ovie ri Zobah kua vwẹ oma ri Hamat rọ vwọ yanran ra bọn uwevwi rẹ ẹkarohọ rọye vwẹ oma rẹ urhie ri Yufretis.

1 Ikun rẹ Ivie 18:5

Ọke rẹ ihwo ri Siria re dia Damaskọs vwọ rhe rhe cha Hadadezer ovie ri Zobah uko, Devid de hwe uriori uje gbẹ ivẹ rẹ ihwo ri Siria na.

1 Ikun rẹ Ivie 19:16

Ọke rẹ ihwo ri Siria vwọ mrẹ nẹ Izrẹl djẹ ayen nure, ayen de ji ikọn ra reyọ ihwo ri Siria rẹ abọ oboyi ri Yufretis rhe, kugbe Shofak olotu rẹ ofovwi ri Hadadezer rọ ka obaro.