2 Samuẹl 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ ọ da ta kẹ vwẹ, Wẹ ono? Me da kpahe kẹ, Mẹvwẹ ohwo rẹ Amalẹk.

2 Samuẹl 1:8 ပူးပေါင်းရင်းမြစ်များ

Jẹnẹsis 14:7

ayen da rhoma rhe ri te Enmish-pat (kọye Kadẹsh) ayen da ghwọrọ aghwa rẹ Amalẹk ejobi kugbe aghwa rẹ Amọr re dia Haz-azon-tamar.

2 Samuẹl 1:13

Devid da ta kẹ emeghele rọ ta kẹ na, Tivọ wo nurhe? ọ da kpahe, Mẹvwẹ ọmọ rẹ ọrhorha ohwo rẹ Amalẹk.

2 Samuẹl 1:7

o vwo nẹ obuko ọ da mrẹ vwẹ, o de se vwe. Me da kpahe, Mẹvwẹ na.

2 Samuẹl 1:9

Ọ da ta kẹ vwẹ, Mudia kẹrẹ ovwẹ wo hwe vwe; kidie ughwu mi epha na, jẹn ẹnwẹ mẹ ji gbeghẹrẹ.

Ukeri 24:20

Etiyin o de ni Amalẹk, o de mu ikun egbe phihọ, ọ da ta, Amalẹk ọye orere rẹ ẹsosuọ, ẹkẹvuọvo ukoko rọye ka rhoma guọghọ.

1 Samuẹl 15:3

Asakiephana gba ra ghwọrọ Amalẹk, re wọ guọghọ obo rẹ ayen vwori ejobi; wo jẹ ayen vwo-o, ẹkẹvuọvo hwe ọshare te aye, emeboba ri vievie kugbe imitete, erhuẹn ọshare vẹ igodẹ, kamẹl kugbe ekẹtẹkẹtẹ.

1 Samuẹl 27:8

Kọye Devid vẹ ihwo rọye de vrẹn, ayen de kpo imu vwi Geshur, kugbe Girz, kugbe Amalẹk; kidie ena ihwo re dia otọ na rhabaye rhe, rhiri re te Shur, vẹ otọ rẹ Ijipt.

1 Samuẹl 30:1

Vwẹ ọke ri Devid vẹ ihwo rọye vwo te Ziklag vwẹ ẹdẹ rerha, ihwo Amalẹk kpo imu vwẹ obo Nẹgẹb kug Ziklag. Ayen de phi Ziklag kparobọ, ayen vwẹ erhanre torhẹ,

1 Samuẹl 30:13

Devid da ta kẹ, Wẹ ohwo ri tivọ? Ki tivọ wo nẹ cha? ọ da ta, Mẹvwẹ emeghele rẹ Ijipt, odibo rẹ ohwo rẹ Amalẹk; onini mẹ da yan ju vwe vwo fikiridie Me mwe ọga kerẹ ẹdẹ erha re.

1 Samuẹl 30:17

Devid de hwe ayen nẹ ọke phoro phoro rẹ ovwọnvwọn re te ovwọnvwọn rẹ ẹdẹ rivẹ; ọvuọvo rẹ ihwo na djẹ vabọ-ọ, jopka re imighele ujori ẹne ri pho ro emu ri karmel djẹ kpo.