2 Samuẹl 1:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ovwanvwan igbenu ri Gilboa, e jẹn ọphogho yẹrẹ osio dia enu wẹ-ẹn, eyẹ ogbugbu rẹ ame-e! Kidie etiyin a da tẹn ekpọfia rẹ ọgba fia, ekpọfia ri Sọl, ra vwẹ evwri ghworo-o.

2 Samuẹl 1:21 ပူးပေါင်းရင်းမြစ်များ

1 Ikun rẹ Ivie 10:1

Asakiephana ihwo ri Filistia da họnre Izrẹl; ihwo rẹ Izrẹl da djẹ kẹ ihwo ri Filistia, e de hwe ayen vwẹ enu rẹ rẹ ugbenu ri Gilboa.

1 Ikun rẹ Ivie 10:8

Rẹ ọke vwo rhie rẹ ihwo ri Filistia vwọ rhe ban amwa nẹ ihwo ri ghwuru, ayen da mrẹ Sọl vẹ emọ rọye ghwu phihọ enu rẹ ugbenu ri Gilboa.

Solomon 4:4

Ohọre wẹn epha poroko kerẹ ohẹrhẹ ri Devid, ra bọnre kẹ ọrhẹrotọ, ra ghwẹ ekpọfia vẹ ishuẹ phihọ, ayen ejobi ekuakua rẹ ọgba ofovwi.

Aizaya 21:5

Ayen rhuẹrẹ imẹjẹ, ayen vwẹ emwa hwa, ayen ria, ayen da. Vrẹn, E isun, vwẹ ori ghworo ekpọfia!

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Izikiẹl 31:15

E nẹ Ọrovwohwo Ọghẹnẹ tare: Ọke ro de kpo obo Erivwi urhie na ki che muomahọ kẹ, kọ da irhie na ji, ame buebu ke che bru ayen dje; ke me vwẹ amwa rẹ uvweri vwo rhurhu Lẹbanọn fiki rọye, oma ko che ro irhe rẹ aghwa na ejobi fiki rọye.

Joẹl 1:9

Izobo rẹ ọka kugbe izobo rẹ udi e bru ayen kufia nẹ uwevwi rẹ Ọrovwohwo na. Irherẹn na muomahọ, otu ri gbe odibo kẹ Ọrovwohwo na.

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Iguẹdjọ 5:23

Harhọn Merọz, Ọtiọye amakashe rẹ Ọrovwohwo tare, harhọn ihwo rọye ejobi gangan, fikiridie ayen rhe chọ Ọrovwohwo na uko-o, ayen rhe chọ Ọrovwohwo na uko vwọ họnre egba na-a.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 31:1

Ọke yena ihwo ri Filistia da vwẹ ofovwi so Izrẹl; ihwo rẹ Izrẹl da mrẹ ihwo ri Filistia djẹ, ayen de she ghwu vwẹ ugbenu ri Gilboa.

1 Samuẹl 31:8

Vwẹ irhiọke, rẹ ihwo ri Filistia rhe vwọ ban irivwi na phihọ, ayen da mrẹ Sọl vẹ emeshare rọye erha ri ghwuru vwẹ ugbenu ri Gilboa.