2 Samuẹl 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Samuẹl 1:2 ပူးပေါင်းရင်းမြစ်များ

Jẹnẹsis 22:4

Vwẹ ẹdẹ rẹ erha Ebraham da kparo ọ da mrẹ asan na vwẹ ogboko.

Jẹnẹsis 37:29

Ọke ri Rubẹn vwo rhivwi rhe asan ọgọdọ na rọ rha mrẹ Josẹf vwẹ etiyi-in, ọ da bẹre emwa rọye

Jẹnẹsis 37:34

Jekọp da bẹrẹ iwun rọye, ọ da vwẹ emwa rẹ uvweri rhuo, o de muomahọ kẹ ọmọ rọye ẹdẹ buebu.

Jẹnẹsis 43:28

Ayen da kpahe, Odibo wẹn ọsẹ rẹ avwanre na oma rọye dori, ọ jẹn akpọ? Ayen de gbe uyovwi kpotọ ayen da vwarọ.

2 Samuẹl 1:3

Devid da ta kẹ, Tivọ wo nurhe? ọ da ta kẹ, Me djẹ vabọ nẹ erhọn rẹ Izrẹl rhe.

2 Samuẹl 13:19

Tama da ghwẹ iwurhie ku uyovwi rọye, ọ da bẹrẹ ewun rọye ro ku phihọ, o de mu obọ kpahe uyovwi ọ da viẹ yanran.

2 Samuẹl 14:4

Ọke rẹ aye ri Tekoa na vwo bru ovie rhe, o de she bọvwọn opharo rhuotọ o de yere ovie, ọ da ta, chuko, E ovie, ovie da ta kẹ,

2 Samuẹl 15:32

Ọke ri Devid rhi vwo te enu rẹ ugbenu na, asan ra da ga Ọghẹnẹ na, nighere, Hushai rẹ ohwo rẹ Archit da rhe vwa Devid vẹ ẹwun rọye rọ bẹre vẹ ekpẹn vwẹ uyovwi rọye.

2 Samuẹl 24:20

Araunah vwo nẹ otọ, ọ da mrẹ o vẹ idibo rọye ri bro cha; Araunah da yanran re yere ovie vẹ opharo rọ bọvwọ rhuo otọ.

2 Samuẹl 4:10

ọke rẹ ohwo ọvo vwọ ta kẹ vwẹ nẹ Sọl ghwuru, ayen vwo roro nẹ omamọ rẹ iyẹnrẹn ayen ghwarhe, me da yọnrọn mi de hwe vwi Ziglag, ayen rori nẹ me cha hwa osa kẹ ayen vwẹ iyẹnrẹn rọ ghwarhe.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Ẹsta 5:1

Vwẹ ẹdẹ rerha Ẹsta de ku iwun rẹ uvie rọye phihọ, o de mudia ọguan rọ hẹ obo ẹtan rẹ uwevwi rẹ ovie na, ro hirhe aro ku uvun rẹ ovie na. Yẹ ovie na tidia ekete rẹ uvie rọye vwẹ evun rẹ uwevwi na ro hirhe aro ku anurhoro rẹ uwevwi na.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Izikiẹl 27:30

ayen da teye ugoroviẹ kẹ wẹ, ayen da viẹ oviẹ ro muenu. Ayen da ghwẹ iwurhie ku iyovwi rayen ayen de bruoma phihọ iwurhie.

Hosia 6:2

Ẹdẹ ivẹ da wan nu kọ rhọvwọ avwanre: ẹdẹ rerha kọ kpare avwame vrẹn, rere ma vwọ sa dia obaro rọye.

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Matiu 12:40

Kirobo ri Jona dia evun rẹ eri ẹdẹ erha na, ọtiọye Ọmọ rẹ ohwo cha dia ẹdẹ erha vwẹ evun rẹ otọ.

Matiu 16:21

Nẹ ọke yena yanran Jesu de muhọ edje kẹ idibo rọye, obo ro che kpo Jerusalẹm rọ da re oja rẹ emu buebu vwẹ obọ rẹ ekpako kugbe irherẹn kugbe isiẹbe, ke che hwe, ẹdẹ rerha ko vrẹn.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.

1 Samuẹl 20:41

Rẹ ọmọ na ghwa vwọ yanran nu, Devid de vrẹn nẹ akakọ rẹ ekru rẹ ibieragha na rhe, ọ da bẹrẹ okpevun rhuotọ, o de gbe uyovwi kpotọ asiarha, ayen ohwohwo da fiọnfiọn ohwo unu, ayen da viẹ kẹ ohwohwo bẹsiẹ rẹ ẹro vwọ hiẹ Devid,

1 Samuẹl 25:23

Ọke rẹ Abigail vwọ mrẹ Devid, ọ da fiavwoma, wotọ nẹ ekẹtẹkẹtẹ na rhe, o de she bọvwọ opharo rhuotọ vwẹ obaro ri Devid, o de gbe opharo phihọ otọ.

1 Samuẹl 4:12

Ohwo rẹ orua ri Bẹnjamin da djẹ nẹ unuofovwi na rhe, o de rhi te Shiloh vwẹ ẹdẹ yena ọvuọvo na, vẹ emwa rọye re bẹre vẹ ekpẹn rọ ghwẹ ku uyovwi.

1 Samuẹl 4:16

Ohwo na da ta kẹ Eli, Mẹvwẹ ohwo ro nẹ obo unuofovwi na rhe; obo ofovwi na me djẹ nurhe nonẹ na. ọ da ta, Komavọ ọ wanre, ọmọ mẹ.