2 Samuẹl 1:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Devid da ta kẹ, Ọbara wẹn dia enu rẹ uyovwi wẹn; kidie unu wẹn ọvo se oseri hwe we, wọ vwọ tanẹ mi hwe ohwo rẹ Ọrovwohwo vwo ru ovie.

2 Samuẹl 1:16 ပူးပေါင်းရင်းမြစ်များ

2 Samuẹl 1:10

Etiyin mi de si kẹrẹ mi de hwe, kidie Me riẹnre nọ gbe sa rhọ-ọ o de she nu, me reyọ erhu rọye rọ hẹ uyovwi rọye kugbe ibiegba rọ obọ rọye, me da vwẹ ayen djẹ rhe ọrovwovwe.

2 Samuẹl 16:8

Ọrovwohwo rhe re ihri rẹ ọbara rẹ uwevwi ri Sọl vwẹ obọ wẹn, ohwo re wọ re uvie vwẹ adia rọye na; Ọrovwohwo vwẹ uvie wẹn vwọ hẹ obọ rẹ ọmọ wẹn Absalọm. Nighere, oghwọrọ wọ epha na, wẹ ohwo rẹ ọbara na.

1 Ivie 2:37

Kidie ẹdẹ ru wo vrẹn no, ru wọ da shariẹ uto ri Kidrọn vrẹn, gba riẹn dẹn nẹ ju wo ghwuru; Ọbara wẹn kọ dia uyovwi wẹn.

ỌBE RẸ JOB 15:6

Unu wẹn ọvo ri bruhwe we, ọ dia omẹvwẹ-ẹ, igbenu wẹn ọvo se oseri rhurhu uwe.

Isẹ 6:2

ọ da dianẹ ufi mu we fiki rẹ ota rẹ ẹbẹrunu wẹn, rẹ unu wẹn da she wẹ,

Izikiẹl 18:13

o momo o mi suo, ọ me vwẹ igho buebu kpahọ, kọ sa rhọ? O sa rhọ-ọ. O ru emu rẹ ẹgua nana ejobi, ko ghwu dẹn, ọbara rọye kọ dia enu rọye.

Izikiẹl 33:5

O nyo umri rẹ owanre na, yọ rha kẹnẹ oma-a, ọbara rọye kọ dia uyovwi rẹ obọ rọye. Ẹkẹvuọvo ọ da dianẹ kọ kẹnẹ oma, manẹ jẹ sivwi arhọ rọye.

Livitikọs 20:16

Aye da ra vwẹ oma kẹ eranvwe du, we mi hwe aye na vẹ eranvwe na, je hwe ayen re ọbara rayen kọ dia uyovwi rayen.

Livitikọs 20:27

Ọshare eyẹ aye rọ dia azẹn eyẹ ọrieda ke hwe kufia; ibieragha keye e vwo phi ayen hwe, ọbara rayen kọ dia uyovwi rayen.

Livitikọs 20:9

Kidie ohwo kohwo ejobi rọ harhe ọsẹ eyẹ oni rọye ke hwe kufia; Ọ harhe ọsẹ vẹ oni rọye, vwẹ otiọye na ọbara rọye kọ dia uyovwi rọye.

Matiu 27:25

Ayen da kpahe ta nẹ, Ọbara rọye dia enu rẹ uyovwi rẹ avwanre vẹ emọ rẹ avwanre.

Iyẹnrẹ Esiri ri Luk 19:22

Ọ da ta kẹ, obo ri nẹ unu wẹn rhe ọye mi vwo brorhiẹ hwe we wẹ odibo umwemwu na! Wọ riẹnre nẹ mẹvwẹ ohwo ro siaro, rọ tọrọ obo mi phihọ otọ-ọ, ro vuẹ obo Me kọnre-e?

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Iruo rẹ Iyinkọn na 20:26

Vwe ọtiọye me se oseri kẹ ovwan nonẹ na nẹ abọ mẹ pha fuanfon kpahe ọbara rẹ ovwan ejobi.

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Urhi Rivẹ 19:10

ọ rha dia eriyi-in e de rhi sun ọbara rẹ ihwo te otọ ekueku vwẹ evun rẹ otọ rẹ Ọrovwohwo rẹ Ọghẹnẹ wẹn kẹ wẹ nẹ wọ vwọ riuku na, abe rẹ ọbara rẹ eku da rhe dia uyovwi wẹn.

Joshua 2:19

Ọ da dianẹ ohwo ọvo wan anurhoro na ro evun rẹ urhuvwu, ọbara rọye kọ dia uyovwi rọye, ye avwanre gbe re abe-e; ẹkẹvuọvo obọ de te ohwo rọ vẹ ovwan gba hẹ evun rẹ uwevwi na, ọbara rọye kọ dia uyovwi rẹ avwanre.

Iguẹdjọ 9:24

rere umwemwu ro ru kpahe emeshare ujorha gbe ihwe ri Jerubbaal kugbe rere a reihri rẹ ọbara rọye vwẹ uyovwi rẹ Abimẹlẹk rẹ ọmọsẹ rayen, ro hwe ayen, kugbe uyovwi rẹ ihwo ri Shikẹm, ri phi ogangan phihọ abọ rọye ro vwo hwe emesẹ rọye.

1 Samuẹl 25:39

Ọke ri Devid vwo nyo nẹ Nabal ghwuru, ọ da ta, Ebruba kẹ Ọrovwohwo rọ reihri rẹ oja ri Nabal vwọ re vwẹ rọ nẹrhẹ odibo rọye jẹ umwemwu ẹruo; Ọrovwohwo de krun umwemwu ri Nabal nyẹ uyovwi rọye. Devid de ji ikọn ra riẹriẹ Abigail, rere o vwo ru aye rọye.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?