2 Samuẹl 1:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Devid da ta kẹ Mavọ oshọ vwo ju we emuo wọ vwọ riẹn obọ wẹn vwo hwe ohwo rẹ Ọrovwohwo vwo mu ovie?

2 Samuẹl 1:14 ပူးပေါင်းရင်းမြစ်များ

Une rẹ Ejiro 105:15

tanẹ, Wa vwẹ obo te ọ rẹ me vwẹ evwri ghworo na-a, wọ wan emraro mẹ oma-a!

Uvwerhe 4:20

Ẹnwẹn rẹ inwe rẹ avwanre ọ rẹ Ọrovwohwo vwẹ ọri ghworo na e de muo vwẹ ukpotọ rayen, ọ re avwanre ta kpahe nẹ, Otọ rẹ uhoho rọye avwanre cha dia vwẹ ohri rẹ ẹgborho na.

Ukeri 12:8

Me vẹ ọye ohwo hirhe unu ku ohwo ta ota, phephẹn ọ dia eta ikokodo-o; o de rhie ẹro mrẹ oma rẹ Ọrovwohwo. Die sorọ rẹ oshọ vwo jẹ ovwan emuo rẹ ovwan vwọ ta ota kpahe odibo mẹ Mosis?

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 12:3

Mẹvwẹ na; we gbe se oseri mu vwe vwẹ obaro rẹ Ọrovwohwo kugbe obaro rẹ ohwo ra vwẹ evwri te. Ono ri vwo erhuẹn ọshare ri mi muru? Eyẹ konọ vwo ekẹtẹkẹrẹ ri mi muru? Eyẹ kono me ghwarẹ? Ono mi shenyẹ? Eyẹ kono me re udi mie ro rhu vwẹ ẹro? We se oseri hwe vwe re me rhan ayen rhivwi kẹ ovwan.

1 Samuẹl 24:11

Wọ mrẹrẹ ọsẹ mẹ, ni orhọn rẹ adagba wẹn vwẹ obọ mẹ; ri mi se vwo bru orhọn rẹ adagba wẹn, yi mi hwe we na-a, ku wọ riẹn nẹ iroro umwemwu eyẹ ozighi hẹ evun mẹ-ẹ. Mi ji ru umwemwu kpahe owẹ-ẹ, dede yu wọ bẹrẹ ibefi rere wo hwe vwe.

1 Samuẹl 24:6

Ọ da ta kẹ ihwo rọye, Ọrovwohwo gba ri mi vwo ru emu nana kẹ ọrovwovwe ohwo rẹ Ọrovwohwo vwẹ evwri ghworo, re me vwẹ obọ te, yẹ me riẹnre nẹ Ọrovwohwo vwẹ evwri te nure.

1 Samuẹl 24:7

Kẹ ọtiọna Devid bru ihwo rọye uche, o gbi jẹ ayen vwẹ obọ te Sọl-l. Sọl vrẹnri o de nẹ evun rẹ ẹmwa na, ọ da yan kpo obo rọ ra.

1 Samuẹl 26:11

Ọrovwohwo gha re me vwọ vwẹ obọ mẹ te ohwo rẹ Ọrovwohwo vwẹ evwri ghworo; ẹkẹvuọvo gba reyọ ubiri rọ hẹ asan uyovwi rọye na, kugbe ọtoto rẹ ame na rẹ a yanran.

1 Samuẹl 26:9

Ẹkẹvuọvo Devid da ta kẹ Abishai, Wo hwee; kono sa vwẹ obọ te ohwo rẹ Ọrovwohwo vwẹ evwri ghworo nure, ro de jẹ abe ẹriọ?

1 Samuẹl 31:4

Etiyin Sọl da ta kẹ ohwo rọ ghwa ekuakua rẹ ofovwi rọye, Yoro ọlọkọ wẹn ru wo duvwu uvwe fi, ọ rha dia eriyi-in otu rẹ upheruphe ki che duvwu uvwe fi, kẹ ayen cha vwẹ ovwẹ jodẹ. Ẹkẹvuọvo ọ rọ ghwa ekuakua rẹ ofovwi rọye na gbi yivwi ruo-o; kidie oshọ muro gangan. Ọtiọye na Sọl reyọ oda rẹ obọ rọye o de vwo duvwu oma rọye hwe.