2 Samuẹl 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Devid da yọnrọn emwa rọye, ọ da bẹrẹ ayen, etiọye ji te ihwo ri nenire:

2 Samuẹl 1:11 ပူးပေါင်းရင်းမြစ်များ

Jẹnẹsis 37:29

Ọke ri Rubẹn vwo rhivwi rhe asan ọgọdọ na rọ rha mrẹ Josẹf vwẹ etiyi-in, ọ da bẹre emwa rọye

Jẹnẹsis 37:34

Jekọp da bẹrẹ iwun rọye, ọ da vwẹ emwa rẹ uvweri rhuo, o de muomahọ kẹ ọmọ rọye ẹdẹ buebu.

Jẹnẹsis 44:13

Ayen da bẹrẹ emwa rayen, ohwo ọvuọvo de kru oghwa kpahe ekẹtẹkẹtẹ rọye, ayen de rhivwi rhe obo orere na.

2 Samuẹl 13:19

Tama da ghwẹ iwurhie ku uyovwi rọye, ọ da bẹrẹ ewun rọye ro ku phihọ, o de mu obọ kpahe uyovwi ọ da viẹ yanran.

2 Samuẹl 13:31

Devid vrẹnri ọ da bẹrẹ iwun rọye o de sherhẹ otọ; idibo rọye ejobi de mudia riariẹ vẹ iwun rayen re bẹrẹ.

2 Samuẹl 3:31

Etiyin Devid da ta kẹ Joab kugbe ihwo re vọye gba herọ, Bẹrẹ emwa rẹ ovwan rere we ku esiso phihọ rere we muomahọ kẹ Abner. Devid de nene orivwi na.

Ivie rẹ Ivẹ 5:7

Ọke rẹ ovie rẹ Izrẹl vwo se ọbe na nu, ọ da bẹrẹ emwa rọye ọ da ta, Mẹvwẹ Ọghẹnẹ, ro se hwe rọ je sa kẹ arhọ rẹ ohwo nana vwọ vuẹ vwẹ ni mi sivwi oti rẹ ọshare nana kpo? Gbe nighe, wọ mrẹ obo rọ guọnọ ẹghwọ mẹ.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

Ezra 9:3

Oke mi vwo nyo ọnana, me da bẹrẹ ewun mẹ vẹ ukpo mẹ, me da sanvwẹ ẹto rẹ uyovwi mẹ vẹ agbotọ mẹ, mi de tidia fọ gbiei.

Ẹsta 4:1

Ọke ri Modekai vwo nyo obo re ruru na, Modekai da bẹrẹ emwa rọye ọ da vwẹ isiso rhuo o de broma phihọ iwurhie, o de kpo evun rẹ orere na, ko beroma ọ da viẹ gangan.

Jerimaya 36:24

Yẹ ovie na, vẹ idibo rọye ri nyo eta nana na, djẹ oshọ-ọ, ayen bẹrẹ iwun raye-en.

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Iruo rẹ Iyinkọn na 14:14

Ẹkẹvuọvo ọke rẹ iyinkọn na Banabas kugbe Pọl vwo nyo, ayen da bẹrẹ iwun rayen ayen da họrhọ ro ohri rẹ urogho na, ri kperẹ nẹ,

Ọbe ri Pọl si rhe Ihwo ri Rom 12:15

Ghọghọ kẹ otu re ghọghọ, otu re viẹ nene ayen vie.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.