2 Pita 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

2 Pita 3:9 ပူးပေါင်းရင်းမြစ်များ

Une rẹ Ejiro 77:8

Kẹ ẹguọnọ rọye ro jẹ rhẹriẹ na ghwe fue nure? iveve rọye na ki ghwe vwo oba bẹdẹ?

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Ẹyano 18:23

Wo de ru ọnana, Ọghẹnẹ da je ta ọtiọye kẹ wẹ, etiyin ku wo se chirakọn, ihwo nana ejobi ki ji se kpo ẹdia rayen vwẹ ufuoma.

Ẹyano 32:32

Ẹkẹvuọvo asakiephana, ọ da dianẹ wo vwo umwemwu rayen vwo ghovwo ayen ọ rha dia ọtiọye-e, gbe phoro uvwe, Me rẹ wẹ, nẹ ọbe wẹ na ru wo siri na.

Ẹyano 33:11

Enẹ kọye Ọrovwohwo nene Mosis ta ota hirhe aro ku aro, kerẹsiẹ rẹ ohwo a da ta ota kẹ ugbeyan rọye. Ọke ri Mosis de kuoma rhẹriẹ rhe evun rẹ erhọn na, odibo rọye Joshua rẹ ọmọ rẹ Nun, emeghele rẹ ọshare na rha jẹn owọ nẹ utughẹ na-a.

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Aghwoghwo 8:11

Fikiridie a fobo brorhiẹ rẹ emu omiomio-vwi-i, kidie udu rẹ emọ rẹ ihwo vọnre vẹ umwemwu eruo.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Daniẹl 4:29

Vwẹ oba rẹ emeranvwe ihwivẹ rhi vwo te, kọ yan vwẹ enu rẹ ighẹn rọye vwi Babilọn,

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.

Ọbe ri Pọl si rhe Ihwo ri Rom 13:11

Ovwan riẹn nẹ o te ọke rẹ ovwan vwọ rhọvwọ nẹ ovwerhẹ rẹ. Kidie ọke nana esivwo rẹ ovwan vwọ kẹre nọ ọke rẹ ovwan vwo segbuyota vwẹ obọ;

Ọbe ri Pọl si rhe Ihwo ri Rom 13:12

ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ọbe ri Pọl si rhe Ihwo ri Rom 9:22

Kidie ọ da dianẹ Ọghẹnẹ, da guọnọ dje ophu rọye phia rọ da nẹrhẹ a riẹn ogangan rọye, ro de chirako vẹ odiri kẹ ekuakua rẹ ophu ra mare kẹ ẹghwọrọ,

1 Timoti 1:16

fiki rẹ ọnana me vwọ mrẹ arodọvwẹ nẹ, vwẹ evun mẹ, kirobo re me dia onotu jovwo na, Jesu Kristi se vwo dje omamọ rẹ ọdiri rọye phia rọ dia oniru kẹ ihwo ri che se gbuyota vwobọ ri ji che vwo arhọ ri bẹdẹ na.

1 Timoti 2:4

rọ guọnọre nẹ ihwo na ejobi rhọre rere ayen rhi vwo erianriẹn rẹ uyota na.

Hibru 10:37

Kidie ọmọke krẹn, ọ rọ cha rhe na kọ cha rhe o che kri-i;

1 Pita 3:20

ihwo ri mu ọghọ jovwo, ọke rẹ Ọghẹnẹ vwọ vwẹ odiri hẹrhẹ vwẹ ọke ri Noa, ọke rọ vwọ kare okọ na, re imihwo krẹn, kọye hẹ, ihwo ẹrenre, re sivwi nẹ oghwe na.

2 Pita 1:4

Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.

2 Pita 3:15

Gbe kere odiri rẹ Ọrovwavwanre vwọ hẹ esivwo. Ọtiọye rhe oniọvo rẹ avwanre ọghaghare ji si rhe ovwan kirobo rẹ aghwanre ra vwọ kẹ epha,

Ẹvwọphia 2:21

Me vwẹ ọke kẹ nẹ o vwo kurhẹriẹ, ẹkẹvuọvo ọ senre o jẹ ọfanrhiẹ na vwo-o.