2 Pita 3:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.

2 Pita 3:7 ပူးပေါင်းရင်းမြစ်များ

Une rẹ Ejiro 102:26

Ayen cha ghwọrọ, ẹkẹvuọvo wọ dia bẹdẹ; ayen cha nẹ kerẹ ewun. Wo che wene ayen kerẹ amwa, ke ayen cha wanvrẹn;

Une rẹ Ejiro 50:3

Ọghẹnẹ rẹ avwanre cha rhe, ọ cha fọ-ọ, erhanre cha la nene cha, aphopho rode che dju riariẹ phihọ.

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Daniẹl 7:9

Mi vwo no, a da ghan ekete phihọ etiyin ọvo rọ herọ nẹ awanre rhe de tidia; ewun rọye kọ fuan popo kerẹ imicho, ẹton rọ hẹ uyovwi rọye kọ epha kerẹ oruru, ekete rọye, kerẹ erhanre rọ la gidigidi idjugẹ rọye kerẹ erhanre rọ la.

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 10:15

Uyota me ta kẹ ovwan, o yovwi kẹ Sodọm vi Gomora vwẹ ẹdẹ rẹ ẹdjọeguo, nọ orere yena.

Matiu 11:22

Ẹkẹvuọvo me ta kẹ ovwan nẹ, o yovwi kẹ Taya vẹ Sidọn vwẹ ẹdẹ rẹ edjọeguo vwọ nọ wẹ.

Matiu 11:24

Me ta kẹ ovwan nẹ, o yovwi kẹ Sidọn vwẹ ẹdẹ ẹdjọeguo vwọ nọ wẹ.

Matiu 12:36

Me ta kẹ ovwan nẹ, omota rẹ ọdẹ rẹ ovwan tare ejobi e vwo gu ẹdjọ rẹ ovwan.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Iyẹnrẹ Esiri ri Mak 6:11

Kasan kasan rọ reyọ ovwa-an, re ayen gbi nyo ọ rẹ ovwa-an, ọke rẹ ovwan de nẹ etiyin na, ovwan mi phorho ekpẹn rẹ awọ rẹ ovwan phihọ otọ rere ọ dia iseri kẹ ayen.

Iyẹnrẹ Esiri ri Jọn 12:48

Ọ rọ sen vwẹ rọ reyọ eta mẹ-ẹ o vwo oguẹdjọ ọvo; ota na re me tare na ọye cha dia oguẹdjọ rọye vwẹ ẹdẹ rẹ obo oba na.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

1 Kọrẹnt 3:13

a cha vwẹ iruo rẹ ohwo ọvuọvo phia; kidie Ẹdẹ na cha vwọ phia, fikiridie erhanre cha vwọ phia, erhanre na kọ cha davwẹ iruo rẹ ohwo ovuọvo ruru.

Filipae 1:28

Ovwan phariẹ kẹ ivwighrẹ rẹ ovwa-an. Ọnana kọ cha dia echa kẹ ayen otu re guọnọ ẹghwọrọ rayen, ẹkẹvuọvo ọye kẹ esivwo rẹ ovwan, ọyena kẹ obọ rẹ Ọghẹnẹ o nurhe.

2 Tẹsalonaika 2:3

We jẹ ohwo ọvuọvo phiẹn ovwan vwẹ idjerhe kidjerhe-e; kidie ẹdẹ yena ji te-e, jokpa nẹ ọ ro muẹ kpahe ihwo na ka rhe tavwe, ra da vwẹ onogbozighi na phia, kugbe ọmọ rẹ ughwru na,

1 Timoti 6:9

Ẹkẹvuọvo otu ri bru okpakpa rẹ efe she rua ọdavwini, i muẹ ufi, i she rua ughẹghẹ rẹ ọmeme ọbrabra rẹ udu rayen ri suẹn ihwo kpo ughwu vẹ ẹghwọrọ.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

2 Pita 3:10

Ẹkẹvuọvo ẹdẹ rẹ Ọrovwohwo na cha kerẹ oji, etiyin idjuvwu na ke cha wanvrẹn vẹ edo rode, ekuakua re herọ, ke cha wran vwẹ evun rẹ erhanre, te akpọ na kugbe iruo re herọ ke cha torhẹ kufia.

2 Pita 3:12

re hẹrhẹ re kpakpa ẹcha rẹ ẹdẹ rẹ Ọghẹnẹ na, ra cha vwi fiki rọye torhẹ idjuvwu na re da wran kufia, rẹ erhanre da wran ekuakua re herọ kufia?

1 Jọn 4:17

Vwẹ evun rẹ Ọnana ẹguọnọ vwọ gba vwẹ oma rẹ avwanre, rere avwanre sa vwẹ ẹro suọ vwẹ ẹdẹ rẹ ẹdjọegno na, fikiridie obo rọ epha na ọtiọye avwanre je epha vwẹ akpọ na.

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.

Ẹvwọphia 17:11

Vwọ kẹ eranvwe rọ herọ jovwo yọ gbe herọ na-a, ọye hẹ ọ rẹ ẹrenre ẹkẹvuọvo ọ righwrẹ na ọ ghwẹ oma phihọ, ko yanran kpo oja ri bẹdẹ na.

Ẹvwọphia 17:8

Eranvwe ru wọ mrẹre jovwo na, rọ gbe herọ na-a, o che yeri nẹ obo orho rẹ igbẹphẹre na rhe kpo oja ri bẹdẹ na; ihwo re dia akpọ na re ji si edẹ rẹ ayen phihọ ọbe rẹ arhọ na nẹ ẹtuọhọ rẹ akpọ na rhe-e, ko gbe ayen unu rẹ ayen da mrẹ eranvwe na, fikiridie ọ herọ jovwo yọ gbe herọ-ọ yọ je cha rhe.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Ẹvwọphia 21:1

Etiyin me da rhe mrẹ odjuvwu ọkpokpọ kugbe akpọ ọkpokpọ; kidie odjuvwu rẹsosuọ kugbe akpọ rẹsosuọ wanvrẹn nure, abadi dede gbe herọ-ọ.