2 Pita 2:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

2 Pita 2:9 ပူးပေါင်းရင်းမြစ်များ

ỌBE RẸ JOB 21:30

nẹ ohwo-umwemwu sa va abọ vwẹ ẹdẹ rẹ ukpokpogho, re de sivwo rhọ vwẹ ẹdẹ rẹ ophu?

ỌBE RẸ JOB 5:19

O che sivwi uwe nẹ okpetu esan, vwẹ ighwrẹ umiovwo ọvuọvo che te we oma-a.

Une rẹ Ejiro 12:1

Chuko, Ọrovwohwo; kidie o rhe vwo ohwo esiri ọfa-a; kidie ihwo rẹ uyota ejobi ravwiẹ re nẹ uherevie rẹ emọ rẹ ihwo.

Une rẹ Ejiro 32:6

Fiki rẹ ọtiọye na kohwo kohwo esiri kọ nẹ ẹrhovwo kẹ wẹ, vwẹ ọke rẹ ukpokpogho, vwẹ ọke rẹ oghwe da mwavwa cha, ayen gbe se si kere owẹ-ẹ.

Une rẹ Ejiro 37:33

Ọrovwohwo che se phio phihọ obọ-ọ, eyẹ e che se bru hwe vwẹ ọke re de vwo guẹdjọ-ọ.

Une rẹ Ejiro 4:3

Ẹkẹvuọvo gba riẹn nẹ Ọrovwohwo phi ohwo esiri vwọ akakọ kẹ oma rọye, Ọrovwohwo nyo vwe ọke mi de kperi se.

Isẹ 12:13

Ufi che mu oruimwemwu na fiki rẹ ọtachọ rẹ unu rọye, ẹkẹvuọvo ọvwata cha vabọ rẹ ukpokpogho ejobi.

Isẹ 16:4

Ọrovwohwo ma emu na ejobi vwọ kẹ iruo rọye, ekpuyovwi rẹ ohwo umwemwu na ọ marọ vwọ kẹ ẹdẹ rẹ ukpokpogho

Matiu 10:15

Uyota me ta kẹ ovwan, o yovwi kẹ Sodọm vi Gomora vwẹ ẹdẹ rẹ ẹdjọeguo, nọ orere yena.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

2 Timoti 3:12

Uyota ihwo ejobi re guọnọ yere akpọ ọfuanfon rọ herọ vwi Kristi Jesu ke kpokpo,

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

2 Pita 2:4

Kidie ọ da dianẹ Ọghẹnẹ vwo ghwovwo emakashe ri ru umwemwu-u, ẹkẹvuọvo ọ da kpare ayen phihọ erhanre e de mu ayen phihọ ukpotọ rẹ obo etan rẹ ebri hwi bẹsiẹ rẹ ẹdẹ ẹdjọ vwo te;

2 Pita 3:7

Vwẹ oma rẹ ota na ọvnọvo ọye a vwọ vwẹ odjuvwu vẹ akpọ rọ herọ vwẹ asakiephana vwọ kpahe enu kẹ erhanre, ra vwọ sẹro rọye hẹrhẹ ẹdẹ ẹdjọ kugbe ẹghwọrọ rẹ ihwo umwemwu.

Ọbe ri Jud 1:6

Emekashe re rha sa yọnre ẹdia raye-en ẹkẹvuọvo re yan jẹ ẹdia rayen vwo ọ da vwẹ ọjọnrọn ri bẹdẹ na kanre ayen mu ebri ri bẹdẹ na bẹsiẹ rẹ ẹdẹ rode rẹ ẹdjọeguo na vwo te;

Ẹvwọphia 3:10

Fikiridie wọ yọnrọn ota mẹ vwe erhiori vẹ akoechiro na, ke me yọnrọn owẹ vwẹ ọke rẹ odavwini rọ cha akpọ na ejobi na, rọ cha davwe ihwo ejobi re dia akpọ na ni.

1 Samuẹl 29:10

Ọtiọye na gbe vrẹn vwẹ irhiọke ride wọ vẹ idibo re ọrovwowe ra vẹ owẹ gba rhe na; rere wo mu oyan họ irhiọke ride, rẹ ọke de ghwe rhie