2 Pita 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ (fiki rẹ obo rẹ ọvwata yena mrẹre ro nyori rọ vwọ hẹ ohri rẹ ayen na, ophu de muo vwẹ erhi rẹ ọvwata rọye kẹdẹ kẹdẹ vwi fiki rẹ ozighi rẹ uruemu rayen),

2 Pita 2:8 ပူးပေါင်းရင်းမြစ်များ

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Une rẹ Ejiro 119:136

Ẹro mẹ ra djẹ ọkẹre rẹ oviẹ fikiridie ihwo sa yọnrọn urhi wẹ-ẹn.

Une rẹ Ejiro 119:139

Oruru mẹ torhẹ ovwẹ, kidie eta wẹn chọrọ ivwighrẹ mẹ ẹro.

Une rẹ Ejiro 119:158

Mi ni ohwo ro segbuyota-a vẹ ohọre ẹkparọ fikiridie ayen yọnrọn irhi wẹ-ẹn.

Isẹ 25:26

Kirobo rẹ ame ogbegbe miovwẹ ogbugbu rẹ ame na, eriyin ọvwata rọ vwọ uphẹn kẹ oruimwemwu epha.

Isẹ 28:12

Siẹ rẹ ọvwata da kparobọ, oma kọ vwerha ihwo ejobi, ẹkẹvuọvo ohwo umwemwu de vrẹn, ihwo ki sioma rẹ ayen nẹ.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

1 Timoti 1:9

e gbe jẹ ọnana ro ovwan nẹ, a vwi fiki rẹ ovwata ji urhi-i ẹkẹvuọvo fiki rẹ onogbozigbi kugbe ijẹọghọ evwo, fiki ohwo rọ riẹn Ọghẹnẹ-ẹ kugbe ọruimwemwu, vwọ kọ ijẹfuọn kugbe ọ ro gbe ẹgua, vwọ kẹ otu ri hwe esẹ vẹ otu ri hwe ini, vwọ kẹ otu re fa ihwo hwe,

Hibru 11:4

Vwẹ esegbuyota ọye Ebẹl vwo ze omamọ rẹ izobo kẹ Ọghẹnẹ vwọ nọ Ken, kọye e vwo se oseri kẹ nẹ ovwata o ruẹ, fiki rẹ iseri yena Ọghẹnẹ vwọ reyọ izọbo rọye; ọ de ghwu, vwi fiki rẹ ẹsegbuyota na kọye ọ je vwọ ta ota.

Jems 5:16

Ovwan rhọvwe imwemwu rẹ ovwan kẹ ohwohwo, rere ovwan ohwohwo nẹ ẹrhovwo kẹ ohwo, rere e vwo sivwi ovwan. Ẹrhovwo rẹ ọvwata sẹ nọ umuesia.