2 Pita 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ọ da dianẹ o sivwi Lọt rẹ ọvwata na, rẹ ofu rẹ ọfanrhiẹ rẹ ihwo umwemwu djeri

2 Pita 2:7 ပူးပေါင်းရင်းမြစ်များ

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 19:16

Ẹkẹvuọvo ko gbe eghẹrẹ, kọye ihwo na de shabọ vwọ kugbe aye rọye kugbe emetẹ rọye ive na, ọ da yọnrọn ayen obọ, Ọrovwohwo ki nẹ aruẹdọ rọye, ayen da reyọ kpono nẹ evun rẹ orere na.

Jẹnẹsis 19:22

Jọphẹre, djẹ kpo Etiyin, kidie Me che ru emuọvo-o bẹsiẹ ru wo vwo te Etiyin. Fiki rẹ ọtiọye na e de se odẹ rẹ orere na Zoar.

Jẹnẹsis 19:29

Ke eriyin ọ epha, vwẹ ọke rẹ Ọghẹnẹ vwọ guọghọ irere rẹ ishekpotọ na, Ọghẹnẹ da karohọ Ebraham, o de si Lọt nu uherevie rẹ erhanre na, vwẹ ọke ra vwọ torhẹ orere ri Lọt diare.

Jẹnẹsis 19:5

ayen de se Lọt, nẹ, Ke eshare ri wo uwevwi wẹn ason na rhọ? Reyọ ayen phia kẹ avwanre, rere avwanre vughe ayen.

Une rẹ Ejiro 120:5

Ekan kẹ vwẹ, mi vwo beghe vwi Mẹshẹk, re me vwọ dia ohri rẹ itughẹ ri Kedar!

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

2 Pita 2:2

Ihwo buebu che nene ọfanrhiẹ rayen, ka cha vwi fiki rẹ ayen harhe idjerhe rẹ uyota na.

2 Pita 3:17

Fiki rẹ ọtiọye na, imoni, rẹ ovwan vwọ riẹn ọnana nure na, gba kẹnoma rere oruchọ rẹ ihwo ri jẹ urhi ẹriẹn na vwo jẹ ovwan esio ghwro, rẹ obo rẹ ovwan mudia phihọ na vwo je ghwro kuẹfia.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.