2 Pita 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ ọ da dianẹ ro vwo hirhe irere ri Sodọm vi Gomora vwọ hẹ iwurhie o de vwo bruhwe ayen nẹ e phoro ayen nẹ akpọ na rọ vwọ dia oniru kẹ ayen ihwo umwemwu;

2 Pita 2:6 ပူးပေါင်းရင်းမြစ်များ

Jẹnẹsis 19:28

ọ da kpare opharo ni Sodọm vi Gomora kugbe ishekpotọ na, nighe, o vwo ni, ivwirhi rẹ orho na de bru kpenu kerẹ erhanre re etu.

Aizaya 1:9

Odiane kẹ Ọrovwohwo rẹ ofovwi je imi ihwo ẹvo vwo kẹ avwanre vwonẹ, mane kẹ avwanre a dia kerẹ Sodọm, ke avwanre a họhọ Gomora.

Aizaya 13:19

Babilọn, rẹ urinrin re uvie ejobi na, udindin vẹ eheri rẹ ihwo ri Kaldia, ko cha họhọ Sọdọm vi Gomorrah vwẹ ọke rẹ Ọghẹnẹ vwọ guọghọ ayen.

Jerimaya 50:40

Kirobo rẹ ọke rẹ Ọghẹnẹ vwo gere Sodọm vi Gomora vẹ irere re kẹrẹ ghwiotọ ye, eriyin Ọrovwohwo tare, ọtiọye ohwo gbe sa dia etiyi-in, ọmọ rẹ ohwo rha yan vwọ-ọ.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Zẹfanaya 2:9

Vwẹ ọtiọye na, kirobo re me herọ na, Eriyin Ọrovwohwo rẹ otuofovwi na tare, Ọghẹnẹ rẹ Izrẹl na, Moab kọ cha họhọ Sodọm, ihwo rẹ Ammọn kerẹ Gomora, otọ rọ vọnre vẹ avwrọgbo kugbe esokpọ ra kua fiotọ bẹdẹ. Umuku rẹ ihwo mẹ ri chekọ ki gborho ayen, ihwo ri ghwu cheko vwo ẹgborho mẹ na ki che vwo ayen.

Ukeri 16:38

ephẹnre rẹ ihwo re vwẹ arhọ rayen hwa osa rẹ umwemwu rayen, ọtiọye na e gbe jẹ duvwu ayen phihọ ọsete re vwo rhurhu agbada na, kidie ayen vwẹ ayen ze izobo kẹ Ọrovwohwo, fiki rẹ ọtiọye na kẹ efuanfon. Ọnana kọ cha dia oka kẹ ihwo rẹ Izrẹl na.

Ukeri 26:10

otọ de rhie unu rọye phihọ o de mu ayen rọ kugbe Korah, usun yena vwo ghwu, vwẹ ọke rẹ erhanre vwọ torhẹ ihwo uri gbe ujuvẹ gbe ihwe; ayen da rhe dia obo re djoshọ mu ohwo.

Matiu 10:15

Uyota me ta kẹ ovwan, o yovwi kẹ Sodọm vi Gomora vwẹ ẹdẹ rẹ ẹdjọeguo, nọ orere yena.

Matiu 11:23

We ri Kepanọm ro kpenu? ka cha guọghọ owẹ te otọ; kidie iruo ride re ruru vwẹ evun wẹ na, ke ru ayen vwi Taya vẹ Sidọn, yẹ ayen mudia rhi te ọke na.

Ọbe ri Pọl si rhe Ihwo ri Rom 9:29

Kirobo rẹ Aizaya je mraro, Ọ dianẹ Ọrovwohwo rẹ otuofovwi jẹ emo ẹ vwọ kẹ avwanre vwo-o, avwanre ka dia kerẹ Sodọm ke ru avwanre họhọ Gomora.

1 Kọrẹnt 10:11

Asakiephana imu nana phiare rere avwanre vwọ kẹnoma, ẹkẹvuọvo e si ayen phihọ otọ rere e dia uyono kẹ avwanre, avwanre rẹ oba rẹ oge nana bru rhe.

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

Hibru 4:11

E gbe jẹn avwanre pharhe ra ro omaerovwo yena, rere ohwo ọvuọvo vwo je she kerẹ ihwo ri jẹ ọghọ evwo na.

Ọbe ri Jud 1:15

kọ cha vwẹ ihwo na ejobi guẹdjọ, ko bruhwe ihwo umwemwu na ejobi fiki rẹ uruemu umwemwu rayen rẹ ayen vwẹ idjerhe umwemwu vwo ru, kugbe eta ebrabra rẹ ihwo umwemwu na ta kpahọ.

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.