2 Pita 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie ọ da dianẹ Ọghẹnẹ vwo ghwovwo emakashe ri ru umwemwu-u, ẹkẹvuọvo ọ da kpare ayen phihọ erhanre e de mu ayen phihọ ukpotọ rẹ obo etan rẹ ebri hwi bẹsiẹ rẹ ẹdẹ ẹdjọ vwo te;

2 Pita 2:4 ပူးပေါင်းရင်းမြစ်များ

ỌBE RẸ JOB 21:30

nẹ ohwo-umwemwu sa va abọ vwẹ ẹdẹ rẹ ukpokpogho, re de sivwo rhọ vwẹ ẹdẹ rẹ ophu?

ỌBE RẸ JOB 4:18

Vwevwe rẹ idibo rọye na ọ sa vwẹ ẹro so aye-en, ọ je mrẹ oruchọ vwẹ obọ rẹ emakashe rọye;

Une rẹ Ejiro 78:50

O gbẹn idjerhe kẹ ophu rọye, ọ djẹ ayen ughwu-u, ẹkẹvuọvo ọ de siobọ nẹ ayen kẹ ọtiekọ.

Aizaya 14:12

Mavọ wo vwo she nẹ odjuvwu rhe, Isio rẹ Uvo, ọmọ rẹ Irhiọke! Mavọ a nyavwe owẹ ghwiẹ otọ, wẹ rọ vwẹ irere na ejobi hwa otọ!

Izikiẹl 5:11

Vwẹ ọtiọye na, kirobo re me herọ na, eriyin Ọrovwohwo Ọghẹne tare, uyota, fikirobo wo vwo gbe ẹshẹ mẹ na ẹgua vẹ erharhe eravwọ wẹn ejọbi kugbe ẹgua wẹn ejobi na, vwẹ ọtiọye na ke me nyavwe owẹ te otọ, ẹro mẹ che ju we vwo-o, me je cha re ehrọre-e.

Izikiẹl 7:4

Ẹro me se ju we vwo-o, eyẹ me re ehrọre wẹ-ẹ, ẹkẹvuọvo ki mi hwe we fiki rẹ idjerhe wẹn, vwe ọke rẹ ẹgua wẹn vwọ hẹ uherevie wẹn na. Etiyin ku wọ riẹn nẹ mẹvwẹ Ọrovwohwo na.

Izikiẹl 7:9

Ẹro mẹ se ju we vwọ-ọ, eyẹ me re ehrọre wẹ-ẹ, ki mi gbe oja kẹ wẹ re kirobo rẹ idjerhe wẹn epha, yẹ ẹgua wẹn ji hẹ uherevie wẹn. Etiyin ku wọ riẹn nẹ mẹvwẹ Ọrovwohwo na, re ghwiẹ wẹ.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Matiu 8:29

Rẹ ayen vwọ mrẹ, ayen de kperi ta nẹ, Die avwanre vẹ owẹ gbi ru, wẹ Ọmọ rẹ Ọghẹnẹ? Wọ rhe vwẹ oja re avwanre bẹsiẹ rẹ ọke rẹ avwanre vwo te?

Iyẹnrẹ Esiri ri Mak 5:7

ro vwo kperi urhuru gangan, ọ da ta, Die wọ vwẹ ovwẹ ru Jesu, Ọmọ rẹ Ọghẹnẹ ro me Kpenu? Me vwẹ Ọghẹnẹ rẹ wẹ, wọ lagha ovwẹ-ẹ.

Iyẹnrẹ Esiri ri Luk 10:18

Ọ da ta kẹ ayen, Me mrẹ Idẹbono ro sheri kerẹ enu rọ nyavwaro nẹ obo odjuvwu cha.

Iyẹnrẹ Esiri ri Luk 8:31

Ayen da rẹ nẹ ọ djẹ ayen kpo evun rẹ Uyere na-a.

Iyẹnrẹ Esiri ri Jọn 8:44

Ovwan ọ rẹ ọsẹ rẹ ovwan idẹbono, ẹguọnọ rẹ ọsẹ rẹ ovwan ọye we ruẹ na. Ozighẹ o ruẹ nẹ otọrhe, kaka uyota rhere-e, fikiridie uyota na hẹ evun rọye-e. Ọke rọ da vwọnrọn ofian, ọ ta ota kirobo rẹ uruemu robọ rọye epha, kidie ọ vwọnrọn ofian o ruẹ ọye hẹ ọsẹ rẹ ofian.

Ọbe ri Pọl si rhe Ihwo ri Rom 11:21

Kidie Ọghẹnẹ hwe uvi rẹ urhe na, kẹ owẹwẹ ra vwọ tamu.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?

Urhi Rivẹ 29:20

Ọrovwohwo rhe se vwo ghovwo-o, ukpe rẹ evworhovwo ophu vẹ omẹriọ rẹ Ọrovwohwo ko guvwie nene ohwo yena, ekan re siri phihọ ọbe nana na ki bro ra, Ọrovwohwo ko phoro odẹ rọye nẹ otọ rẹ odjuvwu na.

2 Pita 2:11

Emakashe dede re rho nọ ayen vwẹ ẹgba vẹ ogangan, se yivwẹ harha eyẹ guẹdjọ kpahe ayen vwẹ obaro rẹ Ọrovwohwo-o.

2 Pita 2:5

ọ da dianẹ o vwo ghovwo akpọ rẹ awanre-e, ẹkẹvuọvo ọ da sẹro ri Noa, aghwoghwo rẹ ọvwata, kugbe ihwo ighwrẹ efa, ọke rọ rhe vwọ vwẹ oghwe ghwọrọ akpọ rẹ ihwo umwemwu na;

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Ọbe ri Jud 1:13

omimi rẹ abadi rọ họnra, ro gbe iphughe puọpuọ kẹ omaẹvuọ rayen; isio ro beghe ra vwọ hẹrhẹ ebri hwi bẹdẹ.

Ọbe ri Jud 1:6

Emekashe re rha sa yọnre ẹdia raye-en ẹkẹvuọvo re yan jẹ ẹdia rayen vwo ọ da vwẹ ọjọnrọn ri bẹdẹ na kanre ayen mu ebri ri bẹdẹ na bẹsiẹ rẹ ẹdẹ rode rẹ ẹdjọeguo na vwo te;

Ẹvwọphia 20:10

idẹbono rọ phiẹn ayen na a da kparọ phi phihọ ẹtẹrhe rẹ erhanre kugbe ibiosio rẹ erhanre asan rẹ eranvwe na kugbe ọmraro rẹ ofian na epha, kẹ etiyin ayen da mrẹ odjadja te ason te uvo bẹdẹ bẹdẹ.