2 Pita 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ihwo buebu che nene ọfanrhiẹ rayen, ka cha vwi fiki rẹ ayen harhe idjerhe rẹ uyota na.

2 Pita 2:2 ပူးပေါင်းရင်းမြစ်များ

Jẹnẹsis 19:5

ayen de se Lọt, nẹ, Ke eshare ri wo uwevwi wẹn ason na rhọ? Reyọ ayen phia kẹ avwanre, rere avwanre vughe ayen.

Une rẹ Ejiro 18:21

Kidie me yọnrọn idjerhe re Ọrovwohwo, me vwẹ uvumwemwu hẹriẹ oma nẹ Ọghẹnẹ mẹ-ẹ

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Matiu 22:16

Ayen de ji idibo rẹ ayen kugbe otu ri Hẹrodias bro ra ayen da ta nẹ, Oyono, avwanre riẹnre nẹ wẹ ohwo rẹ uyota, wo ji yono idjerhe rẹ Ọghẹnẹ rẹ uyota, ye wọ je davwerhọn rẹ ohwo-o. Kidie wo nẹ ikparo rẹ ohwo-o.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Matiu 7:14

Kidie idjerhe rẹ uyota na pha hwahwa phiọnphiọn, ọye ọ rẹ arhọ na; ihwo tutuno re sa guọnọ mrẹ.

Iyẹnrẹ Esiri ri Mak 12:14

Ayen da rhe rhe ta kẹ, Oyono, avwanre riẹnre nẹ wọwẹ ohwo rẹ uyota, wọ kerhọn rẹ ohwo-o; kidie wo nẹ ikparo rẹ ohwo ọvuọvo-o, ẹkẹvuọvo wo nabọ yono idjerhe rẹ Ọghẹnẹ na; O fori re a jẹ arhọghọ kẹ Siza, gbenẹ a jẹ-ẹ?

Iyẹnrẹ Esiri ri Mak 13:22

Kidie Kristi rẹ efian kugbe emraro rẹ efian che mu, e cha vwẹ eka kugbe imuighunu phia, o de se ru dede ayen phiẹn otu ra jẹreyọ na ghwru.

Iyẹnrẹ Esiri ri Jọn 14:6

Jesu da ta kẹ, Mẹvwẹ hẹ idjerhe na, kugbe uyota na, kugbe arhọ na; ohwo ọvuọvo se bru Ọsẹ na rhe-e, ẹkẹvuọvo yẹ oma mẹ.

Iruo rẹ Iyinkọn na 13:10

ọ da ta, Wẹ ọmọ rẹ idẹbono na, ọvweghrẹ rẹ ọvwata ejobi na, ro vọnre vẹ ophiẹnvwe vẹ ọkon ejobi na, wo rhe jẹ idjerhe ọphiọn phiọn rẹ Ọrovwohwo na vwo ẹgẹrẹ?

Iruo rẹ Iyinkọn na 14:2

Ẹkẹvuọvo ihwo ri Ju ẹvo ri segbuyota-a da rhe kpare ophu rẹ ihwo ri Keferi ayen dẹ miovwi ẹnwẹn rayen vwọ kpahe imoni na.

Iruo rẹ Iyinkọn na 16:17

Ọ da vwọ kpahe Pọl kugbe avwanre, ko kperẹ nẹ, Eshare nana hẹ idibo rẹ Ọghẹnẹ ro Me kpenu na, ri ghwoghwo idjerhe rẹ arhọ na kẹ ovwan.

Iruo rẹ Iyinkọn na 18:26

Kọ ta ota vẹ aroeyivwo vwẹ evun ri sinagọg; ẹkẹvuọvo ọke ri Prisila kugbe Akuila vwo nyo, ayen da reyọ ayen de rhie idjerhe rẹ Ọghẹnẹ na kẹ gbagba.

Iruo rẹ Iyinkọn na 19:9

Ẹkẹvuọvo rẹ evo vwo vwo udu ri rhe segbuyota-a, re ta eta ebrabra kpahe Idjerhe na vwẹ irharo rẹ ukoko na, o de si oma reyọ vẹ idibo na, ayen da phro aphro vwẹ ọguan ri Tiranọs.

Iruo rẹ Iyinkọn na 22:4

Mi kpokpo Idjerhe nana re te ughwu, me gba mi muẹ te eshare te eya phihọ uwodi,

Iruo rẹ Iyinkọn na 24:14

Ẹkẹvuọvo me rhọvwe ọna kẹ wẹ nẹ, Idjerhe na, rẹ ayen se ẹko na, ọye me wan gọ Ọghẹnẹ Ọsẹ rẹ avwanre, mi de segbuyota kemu kemu rẹ urhi na djeri eyẹ rẹ emraro na si phihọ otọ,

Ọbe ri Pọl si rhe Ihwo ri Rom 2:24

Kidie, kirobo re siro, otu ri Keferi na phọphọ odẹ rẹ Ọghẹnẹ fiki rẹ ovwan.

1 Timoti 5:14

Ọtiọye na me guọnọre nẹ eyanku rẹ uphophẹ na rhoma kpo orọvwe, re ayen vwie ẹmọ, re ayen sẹro rẹ uwevwi rayen, rere e vwo je se unwe phihọ ayen.

Taitọs 2:5

Jẹ ayen dia dẹndẹn vẹ uruemu rọ gbare, rere ayen nabọ wian owian vwẹ uwevwi rayen, ri ji ni aruẹdọn, re vwẹ oma kpotọ kẹ eshare rayen rere e vwo jẹ ota rẹ Ọghẹnẹ e gbe kuẹ.

Taitọs 2:8

Nabọ jẹ ephẹrẹ wẹn gba yoyovwi, rere ihwo vwo jẹ uyono wẹn ẹharhọ; rere ihwo re rhẹrẹ ota wẹn jovwo oma vwọ vo ayen, rere ayen jẹ ota ọbrabra ẹta kpahe avwanre.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

2 Pita 2:12

Ẹkẹvuọvo ihwo nana, kerẹ eranvwe ri jẹ ọhọ evwo na, emama ri di muẹ bo, re di vwiẹ re muẹ ra teyọ hwe, di muẹ ekan harha vwẹ oma rẹ ota rẹ ayen riẹn emuọvo kpahe-e, ka cha ghwọrọ ayen kugbe vwẹ evun rẹ ẹghwọrọ ọvuọvo na.

2 Pita 2:15

Ihwo re siẹn omamọ rẹ idjerhe re da yan ghwru; ayen nene idjerhe ri Balaam, ọmọ ri Biọ, rọ guọnọ erere nẹ evun rẹ umwemwu rhe,

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

2 Pita 2:21

Kidie mane o yovwi kẹ ayen o dianẹ kẹ ayen je riẹn idjerhe rẹ ọvwata-a nọ ra da riẹn nu re de rhe chuko ku urhi ọfuaufon na re ji kẹ ayen na.

2 Pita 2:7

ọ da dianẹ o sivwi Lọt rẹ ọvwata na, rẹ ofu rẹ ọfanrhiẹ rẹ ihwo umwemwu djeri

Ọbe ri Jud 1:10

Ye ihwo nana di muẹ ekan harha kpahe emu rẹ ayen riẹn otọ rọye-e, kerẹ eranvwe re riẹn emuọvo-o, kẹ eriyin ayen di muẹ ruẹ, ọ da nẹrhẹ a ghwọrọ ayen.

Ọbe ri Jud 1:15

kọ cha vwẹ ihwo na ejobi guẹdjọ, ko bruhwe ihwo umwemwu na ejobi fiki rẹ uruemu umwemwu rayen rẹ ayen vwẹ idjerhe umwemwu vwo ru, kugbe eta ebrabra rẹ ihwo umwemwu na ta kpahọ.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.