2 Pita 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ẹkẹvuọvo emraro rẹ efian rhi mu vwẹ ohri rẹ ihwo na, kirobo rẹ iyono rẹ efian je hẹ ohri rẹ ovwan na, re bẹbẹ vwẹ uyono rẹ ohra cha, re tobọ siẹn Onini na ro dẹ ayen na, rọ nẹrhẹ ughwu rhe ghwọrọ ayen kpregede.

2 Pita 2:1 ပူးပေါင်းရင်းမြစ်များ

1 Ivie 22:6

Etiyin ovie rẹ Izrẹl da ghwẹ emraro koko, re joma bute ujori ẹne, ọ da ta kẹ Me ra họnre Ramot-gilead, gbenẹ mi jovwo? Ayen da ta, Ra, kidie Ọrovwohwo che phio họ obọ rẹ ovie.

Ẹyano 15:16

Oshọ vẹ uguegue she teyọ ayen; fiki rẹ ọrho rẹ igbabọ wẹn, ayen pha fọfọ kerẹ oragha, bẹsiẹ rẹ ihwo wẹn, E Ọrovwohwo, vwọ wan vrẹn, bẹsiẹ rẹ ihwo wẹn vwọ wan e re wọ tanhirhe.

Aizaya 9:15

ọkpako kugbe ohwo ro vwo oghọ ọye uyovwi, ọmraro ro yono efian ọye urhurhuvwun,

Jerimaya 29:21

Enẹ Ọrovwohwo rẹ otuofovwi, Ọghẹnẹ rẹ Izrẹl, tare, kpahe Ehab ọmo ri Kolaya vẹ Zedikaya ọmọ ri Masaya, rẹ mraro rẹ efian kẹ ovwan vwẹ odẹ mẹ nighe, me cha reyọ ayen vwọ kpo obọ ri Nebukadreza ovie ri Babilọn, ọ che hwe ayen ghwẹ vwẹ irharo wẹn.

Jerimaya 37:19

Bovọ emraro wẹn na epha re mraro kẹ wẹ, nẹ Ovie ri Babilọn cha rhe ro de mu kpahe owẹ kugbe otọ nana-a.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Uvwerhe 2:14

Emraro wẹn mraro rẹ efian vẹ ọphiẹnvwẹ kẹ wẹ, ayen se tue orukuruku wẹn phia-a rọ vwẹ ughwe wẹn rhivwi rhe, ẹkẹvuọvo kẹ ayen bọ epha rẹ efian ro suẹn ohwo ghwrẹ.

Hosia 9:8

Ọmraro na ọye ọrhẹrotọ rẹ Ifreni, ihwo rẹ Ọghẹnẹ mẹ, yẹ a kpahe ufi hẹrhẹ vwẹ idjerhe rọye ejobi, omaetuo vwẹ uwevwi rẹ Ọghẹnẹ rọye.

Maika 2:11

Ohwo de vrẹn kpo otafe ra ta eta ifefe vẹ efian, tanẹ, me ta ota rẹ udi vẹ udi ọgangan kẹ ovwan, kọye re cha ta ota kẹ ihwo nana.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Maika 3:5

E nẹ Ọrovwohwo ta kpahe emraro na ri suẹn ihwo mẹ ghwrẹ na, ri kperẹ, Ufuoma yẹ ayen vwo emuọvo rẹ ayen ria-a, ẹkẹvuọvo yẹ ayen vwẹ ofovwi suọ ohwo ro phi emuọvo phihọ unu raye-en.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Matiu 10:33

Ẹkẹvuọvo ohwo kohwo rọ sen vwẹ vwẹ irharo rẹ ihwo, ọye me je sen vwẹ obaro rẹ ọsẹ mẹ rọ hẹ obo odjuvwu.

Matiu 24:11

Emraro rẹ efian buebu cha rhe, ayen mi rhi sun ihwo buebu ghwru.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

Matiu 24:5

Kidie ihwo buebu cha rhe vwẹ odẹ mẹ nẹ, Mẹvwẹ hẹ Kristi na; o mi rhi sun ihwo buebu ghwru.

Matiu 7:15

Kenoma kẹ emraro rẹ efian ri ku ewun rẹ ogegede phihọ, yẹ obo evun rayen pha brabra gbegbo kerẹ okpohrokpo.

Iyẹnrẹ Esiri ri Mak 13:22

Kidie Kristi rẹ efian kugbe emraro rẹ efian che mu, e cha vwẹ eka kugbe imuighunu phia, o de se ru dede ayen phiẹn otu ra jẹreyọ na ghwru.

Iyẹnrẹ Esiri ri Luk 12:9

Ẹkẹvuọvo ohwo rọ sen vwẹ vwẹ obaro rẹ ihwo ka je siọn vwẹ obaro rẹ emakashe rẹ Ọghẹnẹ.

Iyẹnrẹ Esiri ri Luk 21:8

Ọ da ta, Kẹnoma rere e vwo jẹ uwe esuo ghwro; kidie buebu cha rhe vwẹ odẹ mẹ, tanẹ, Mẹvwẹ hẹ ọye! yẹ ọke na si kẹre re! Wo nene aye-en.

Iyẹnrẹ Esiri ri Luk 6:26

Ekan kẹ ovwan, vwẹ ọke rẹ ihwo de jiri ovwan, kidie ọtiọye esẹ rẹ ovwan ji jiri emraro rẹ efian na.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

1 Kọrẹnt 11:19

kidie ohẹriẹ ghine sa dia ohri rẹ ovwan rere e vwo se vughe omamọ rẹ ihwo rẹ hẹ ohri rẹ ovwan.

1 Kọrẹnt 6:20

o vwo unuigho ra de wẹ. Ọtiọye na gba vwẹ urinrin kẹ Ọghẹnẹ vwẹ oma wẹn.

1 Kọrẹnt 7:23

O vwo unuigho ra dẹ wẹ; wọ rha dia ọviẹn rẹ ihwo-o.

Galesha 2:4

Ẹkẹvuọvo, fiki rẹ imoni rẹ efian na re bẹbẹ rhe, ri sioma nu rere ayen vwọ mrẹ otọ rẹ egbemọphẹ rẹ avwanre vwori vwẹ oma ri Kristi Jesu, rere ayen vwọ mrasan vwẹ avwanre ru eviẹn.

Galesha 3:13

Kristi tan avwanre nẹ ekan rẹ urhi na nure, ekpuyovwi rọye da rhoma rhi hirhe phihọ ekan fiki re avwanre kidie e siro, Ekan kẹ ohwo kohwo ro churu ughwu vwẹ enu rẹ urhe.

Galesha 4:17

Oma rẹ ayen phariẹ kpahe ovwan na, ọ dia ọ rẹ erhuvwu-u; ayen guọnọ ovwan kanre ẹchẹ gbe, rere ovwan vwo ni ayen rhuarho.

Galesha 5:20

ẹdjọ ẹgọ, orhan, ohọnre vẹ ẹghwọ, ohẹriẹ, evun ephuo, ophuemuo, mẹvwẹ marho, emuo kpahe ihwo ride, uyono rẹ efian,

Ẹfesọs 1:7

Evun rọye avwanre wan vwo ẹtanhirhe vwẹ oma rẹ ọbara rọye, evwoghovwo rẹ urhi ẹchọ rẹ avwanre, kirobo rẹ ẹserọphẹ rọye bute

Ẹfesọs 4:14

Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Urhi Rivẹ 32:6

Kenẹ wọ hwa osa kẹ Ọrovwohwo, ovwan ihwo ughẹghẹn ri jẹ iroro evwo na! Ọ dia ọsẹ rẹ ovwan o ruẹ, rọ ma ovwan, rọ ma ovwan nu rọ da vwẹ ovwan mudia!

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Kolose 2:18

We jẹ ohwo ọvuọvo brorhiẹ hwe ovwan vwẹ ota rẹ omaevwokpoto ofefe-e, kugbe emakashe ra ga-a, rere wa davwerhon rẹ ihwo ifefe ri mu oma kpenu-u,

Kolose 2:8

Ovwan jomaotọ rere ihwo vwo je ovwan ẹphiẹn fiki rẹ erianriẹn vẹ uyono rẹ efian rayen, kugbe uruemu rẹ awanre rẹ ayen yọnra vẹ ebaghẹrẹ rẹ akpọ nana, ri shephihọ urhi ri Kristi-i.

1 Timoti 5:8

Ohwo rọ rha kọn okọn phihọ otọ kẹ imoni rọye-e, marho kẹ ekru rohọ rọye, yọ yọnrọn esegbuyota na-a yẹ ohwo yena hra nọ ohwo ro ji segbuyota-a.

2 Timoti 4:3

Kidie ọke cha rẹ ihwo de jẹ davwerhọ rẹ omamọ rẹ uyono, ẹkẹvuọvo ọke rẹ erhọn rẹ ayen da rhe dia gede gede re ke cha ghwẹ iyono huehn gidoma ri yọno ayen obo ri je ayen,

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

Taitọs 3:10

Ohwo rọ ghwa ohra cha asan, wo de bruche obọvo eyẹ abọivẹ nure, wọ me kẹnoma kẹ.

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

1 Jọn 2:26

Mi si Ọnana rhe ovwan kpahe otu re cha phiẹn ovwan;

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

Ọbe ri Jud 1:18

ayen ta kẹ ovwan nẹ, Ukuko rẹ akpọ na vwobọ otu rẹ jehwẹ buebu cha, ri che nene urhuru sivwe rẹ ugboma rayen.

Ọbe ri Jud 1:4

Kidie otu rẹ ihwo ẹvo bẹbẹ rhẹrẹ ro usun rẹ avwanre na, enana otu rẹ ihwo re bru orhiẹn rẹ ughwu hwe rhabae rhe, ihwo ebrabra re rhẹriẹ ẹserọphẹ rẹ Ọghẹnẹ phihọ umwemwu, re sen Onini na kugbe Ọrovwohwo, Jesu Kristi.

Ẹvwọphia 13:14

vwẹ eka ra rhọvwe kẹ nẹ ọ ru vwẹ irharo rẹ eranvwe na, ọ da vwọ phiẹn ayen otu re dia akpọ na, ọ da ta kẹ ayen nẹ a kare oma rẹ eranvwe na ra vwẹ ọlọkọ nyavwe na yọ rhọvwe ghwu-u,

Ẹvwọphia 2:13

Me riẹn asan re wọ dia, asan rẹ ekete rẹ idẹbono epha; wọ da yọnrọn odẹ mẹ kokoroko wọ sa sen esegbuyota mẹ-ẹ marho kẹ ọke rẹ Antipas oseri mẹ na, ro se vwe gbuyota na, re hweri vwẹ ohri rẹ ovwan na, vwẹ asan rẹ Idẹbono dia na.

Ẹvwọphia 2:9

Me riẹn ọdjarhe wẹn kugbe ẹnso wẹn (ẹkẹvuọvo yi wo feri) kugbe ophọphọvwe rẹ ayen otu ri se oma rẹ ayen ihwo ri Ju yẹ ayen dia ihwo ri Ju-u, ẹkẹvuọvo da yẹ ayen ẹshẹ rẹ Idẹbono.

Ẹvwọphia 3:8

Me riẹn iruo wẹn. Nighe, mi rhie ẹchẹ phihọ ghwroro, rẹ ohwo se huhẹ-ẹ; me riẹnre nẹ ogangan wẹn pha hahavwe, dede na yu wọ yọnre ota mẹ wọ sa sen odẹ mẹ-ẹ.

Ẹvwọphia 5:9

ayen da so une ọkpokpọ, tanẹ, Wọwẹ hẹ ohwo ro fori rọ sa reyọ ọbe na ro de se rhie isiaphrẹ rọye, kidie e hwe we jovwo ọbara wẹn kọye wọ vwọ tan ihwo hirhe kẹ Ọghẹnẹ nẹ orua korua kugbe ephẹrẹ kugbe ihwo kugbe ẹgborho,

Ẹvwọphia 6:10

ayen da van kperi tanẹ, E Ọrovwohwo Osun, ọfuanfon kugbe uyota, mavọ o krite wo ki rhi guẹdjọ kugbe re wọ ke rhe reihri rẹ ọbara rẹ avwanre vwẹ obọ rẹ ihwo re dia enu rẹ akpọ na?