2 Pita 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Vwẹ oma rọye ọ wan kẹ avwanre ive rọye rode ghaghare, rere vwẹ oma rẹ enana avwanre vwọ sa vabọ rẹ emu igbegbe re hẹ evun rẹ akpọ na fiki rẹ urhuru si vwe, rere avwanre se vwo obọ vwẹ oma rẹ ọrho rẹ Ọghẹnẹ na.

2 Pita 1:4 ပူးပေါင်းရင်းမြစ်များ

Ọbe ri Pọl si rhe Ihwo ri Rom 9:4

Ayen hẹ ihwo rẹ Izrẹl, ayen e se emọ, ayen vwo urinrin, vẹ ọphọ, ayen a vwẹ urhi na kẹ, vẹ ẹga, kugbe ive na;

2 Kọrẹnt 1:20

Kidie ive rẹ Ọghẹnẹ ejobi vwẹ evun rọye E na ọvo re herọ. Kọye avwanre vwọ wan oma rọye ku Isẹ, vwọ ke urinrin rẹ Ọghẹnẹ.

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

2 Kọrẹnt 6:17

Fiki rẹ ọtiọye na gbe vrẹn nẹ ohri rẹ ayen, gba hẹriẹ oma nẹ ayen, eriyin Ọrovwohwo tare, Wọ vwẹ obọ te emu ogbegbe-e; ki mi dede ovwan reyọ

Galesha 3:16

Asakiephana e ve ive na kẹ Ebraham vẹ uvwiẹ rọye. Ọ dianẹ kọ tare nẹ, ivwiẹ-ẹ, kerẹsiẹ ra mrẹ nẹ ibuebu-u; ẹkẹvuọvo, ọvuọvo ọ ọtare, “Uvwiẹ wẹn”, Kọye hẹ Kristi.

Galesha 6:8

Kidie, ohwo rọ kọn kẹ ugboma rọye ọ je cha dia evun rẹ ugboma de vun ughwu; ẹkẹvuọvo ohwo rọ kọn kẹ Erhi na vwẹ oma rẹ Erhi o de vun arhọ ri bẹdẹ.

Ẹfesọs 4:13

bẹsiẹ rẹ avwanre ejobi che vwo te okugbe rẹ esegbuyota na, kugbe erianriẹn rẹ Ọmọ rẹ Ọghẹnẹ na, rhi te omiragua, vwẹ evun rẹ ọvọnvọn rẹ ọrho rẹ Kristi.

Kolose 3:10

Ovwan ji ku ohwo ọkpokpọ na phihọ re, a da nabọ vwẹ erianriẹn vwọ ke rere ọ vwọ họhọ ohwo ro marọ.

Hibru 12:10

Kidie ọmọke krẹ ọye ọsẹ rẹ aruakpọ na ghwọ kuẹ avwanre kirobo ro jere, ẹkẹvuọvo fiki rẹ erhuvwu rẹ avwanre ọye o vwọ ghwọ, rere avwanre vwọ fon kerẹ okpuyovwi rọye.

Hibru 9:15

Fiki rẹ ọtiọye na kọye ọ vwọ dia obruche rẹ ọphọ ọkpokpọ na, rere ayen otu re seri se vwo vwo ivẹ rẹ uku ri bẹdẹ na, fikiridie ohwo ọvo ghwuru ra vwọ tan ayen nẹ ogbeku rọ hẹ otọ rẹ ọphọ rẹsosuọ.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.

2 Pita 3:9

Ọrovwohwo sa phiẹn ohwo vwẹ oma rẹ ive ro veri kirobo rẹ otu evo ta na-a, ẹkẹvuọvo o chirako rẹ ovwan, ọ guọnọre nẹ ohwo ọvuọvo ghwu-u, ẹkẹvuọvo nẹ ihwo ejobi kurhẹriẹ.

1 Jọn 2:25

Ọnana kọye hẹ ive ro ve phihọ otọ kẹ avwanre na, kọye hẹ arhọ ri bẹdẹ na.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.