2 Kọrẹnt 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kirobo rọ epha na, me ghọghọre, ọ dianẹ ki fiki rẹ ivun ro miovwi ovwa-an, ẹkẹvuọvo fiki robo rẹ ivun emiovwo na vwọ nẹrhẹ ovwan kurhẹriẹ; kidie omamọ rẹ ivun ri miovwi ovwan, vwẹ ọtiọye na o rhe jẹ ọ rẹ ovwan ghwru vwẹ oma rẹ avwanre-e.

2 Kọrẹnt 7:9 ပူးပေါင်းရင်းမြစ်များ

Une rẹ Ejiro 38:18

Me fan orukuruku mẹ, ọ da vwẹ kẹ imwemwu mẹ.

Aghwoghwo 7:3

Uvweri yovwi nẹ ehwẹ, kidie opharoemuohọ nẹrhẹ udu ghọghọ.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iyẹnrẹ Esiri ri Luk 15:10

Ọtiọye ọ epha, me ta kẹ ovwan nẹ, aghọghọ herọ vwẹ obaro rẹ emakashe rẹ Ọghẹnẹ vwẹ enu rẹ oruimwemwu ọvo ro kurhẹriẹ.

Iyẹnrẹ Esiri ri Luk 15:32

O fori re vwo omavwerhe ra ghọghọ, kidie oniọvo wẹn nana ghwuru jovwo, ọ rhoma varhe, o ghwruru jovwo, a rhoma mrẹ,

Iyẹnrẹ Esiri ri Luk 15:7

Ọtiọye ọ epha, me ta kẹ ovwan nẹ, aghọghọ herọ vwẹ obo odjuvwu vwẹ enu rẹ oruimwemwu ọvo ro kurhẹriẹ vwọ nọ evwata ọvo nuro vwẹ ujori re gbe guọnọ ekuorhẹriẹ-ẹ.

Iruo rẹ Iyinkọn na 20:21

ri mi se oseri kẹ ihwo ri Ju vẹ ihwo ri Grik ni kurhẹriẹ bru Ọghẹnẹ rhe ri vwo esegbuyota kpahe Ọrovwavwanre Jesu Kristi.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Kọrẹnt 2:16

vwọ kẹ ọvo ọnrhe ororo nẹ ughwu kpo ughwu, vwọ kẹ efa ọnrhe ororo nẹ arhọ kpo arhọ. Kono ri teri ke imu nana?

2 Kọrẹnt 7:8

Kidie ọ da tobọ dianẹ ọbe mẹ na nẹrhẹ ivun miovwi ovwan, ọ ghwa da vwẹ-ẹ (dede na ọ da vwẹ), kidie me mrẹre nẹ ọbe na miovwi ovwan ivun, dede na yẹ ọmọke krẹ.