2 Kọrẹnt 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Me vwẹ ẹro so ovwan; me vwẹ ovwan vwọ yan eyan; me vọnre vẹ uchebro. Vwẹ evun rẹ ukpokpogho rẹ avwanre, yẹ oma ghwa vwerha ovwẹ hwe.

2 Kọrẹnt 7:4 ပူးပေါင်းရင်းမြစ်များ

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Ọbe ri Pọl si rhe Ihwo ri Rom 5:3

Ọ je dia ọye ọvo-o, avwanre je ghọghọ vwẹ evun rẹ oja rẹ avwanre, vẹ ẹriẹn nẹ oja nẹrhẹ e vwo odiri,

1 Kọrẹnt 1:4

Me kpẹvwẹ Ọghẹnẹ kọke kọke kẹ ovwan fiki rẹ ẹserọphẹ rẹ Ọghẹnẹ ra vwọ kẹ vwẹ vwẹ evun ri Kristi Jesu,

2 Kọrẹnt 1:14

Kirobo rọ ro ovwan emerha na, rere ovwan vwọ sa vwẹ avwanre yan eyan kirobo rẹ avwanre je vwẹ ovwan yan eyan, vwẹ ẹdẹ rẹ Ọrovwohwo Jesu da rhe.

2 Kọrẹnt 1:4

ro bru avwanre uche vwẹ evun rẹ ukpokpogho ejobi, rere avwanre vwo se bru otu re hẹ ukpokpogho uche, vẹ uchebro rẹ Ọghẹne bru avwanre.

2 Kọrẹnt 10:8

Kidie ọ da tobọ dianẹ me vwẹ ogangan rẹ avwanre vwori yan eyan bunọ emerha, rẹ Ọrovwohwo vwọ kẹ avwanre nẹ a vwọ kpọ ovwan vi na o dianẹ kọ ra vwọ guọghọ ovwa-an, ye oma rha sa vo ovwẹ-ẹ.

2 Kọrẹnt 11:21

Me ta ọnana kẹ omaẹvuọ mẹ, me tare nẹ, avwanre vwiẹre nọ kẹ ọyena. Ẹkẹvuọvo kemu kemu rẹ ohwo sa vwọ yan eyan–me ta ọnana kerẹ ẹkpa–me je sa yoma rẹ ọyena.

2 Kọrẹnt 2:14

Ẹkẹvuọvo ẹkpẹvwẹ kẹ Ọghẹnẹ, rọ wan oma ri Kristi kẹ avwanre obọekparọ, vwẹ oma rẹ avwanre avwerhe rẹ eriariẹn rọye de rhi te asan ejobi.

2 Kọrẹnt 3:12

Rẹ avwanre vwo vwo iphiẹrohọ ọtiọye na, avwanre ki vwo arueyivwo,

2 Kọrẹnt 7:14

Kidie ọ da dianẹ me vwẹ ovwan yoma ke, oma rha vo ovwẹ-ẹ, ẹkẹvuọvo kirobo rẹ emu kemu re avwanre ta kẹ ovwan vwọ dia uyota na, ọtiọye rhe eyan rẹ avwanre yan kẹ Taitọs je dia uyota.

2 Kọrẹnt 8:24

Vwẹ otiọye na gbe dje oka rẹ ẹguọnọ wẹn kugbe eyan wẹn kpahe ihwo nana phia kẹ ishọshi na.

Filipae 1:14

Buebu vwẹ imoni na da rhe vwẹ ẹro so Ọrovwohwo na fiki rẹ uwodi re me pha, ayen de rhi yivwaro phihọ vwọ ta ota rẹ Ọghẹnẹ na.

Filipae 1:20

Rẹ ọ vwọ dia obo re me hẹrhẹ vẹ iphiẹrohọ na oma gbe rha vo o vwẹ kaka-a, ẹkẹvuọvo vwẹ evun rẹ aroeyivwo vwẹ ọke ejọbi ka sa vwẹ ọghọ kẹ Kristi vwẹ oma mẹ, owenẹ ọ dia ughwu eyẹ arhọ.

Filipae 1:26

Vwẹ ọtiọye na vwẹ oma mẹ ovwan mrasan vwẹ ejiro kẹ Kristi Jesu, fiki rẹ obo re me vwọ rhoma bru ovwan rhe.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

1 Tẹsalonaika 2:19

Kidie hẹ iphiẹrohọ rẹ avwanre, eyẹ aghọghọ rẹ avwanre eyẹ erhu rẹ uvie rẹ avwanre vwọ yan eyan vwẹ ọbara rẹ Ọrovwavwanre Jesu vwẹ ẹcha rọye? Ọ rha dia ovwan na-a?

1 Tẹsalonaika 2:2

ẹkẹvuọvo kirobo rẹ ovwan riẹnre avwanre reoja rẹ ehwe kugbe ophọphọvwe vwi Filipae, Ọghẹnẹ je kẹ avwanre aroeyivwo rẹ avwanre vwo ghwoghwo iyẹnrẹ esiri rẹ Ọghẹnẹ na vwẹ evun rẹ ukpokpogho rode.

2 Tẹsalonaika 1:4

Vwẹ ọtiọye na ekpuyovwi rẹ avwanre ke vwẹ ovwan yan eyan vwẹ evun rẹ ishọshi rẹ Ọghẹnẹ obo rẹ ovwan mudia gan te kugbe esegbuyota rẹ ovwan vwẹ evun rẹ imu rẹ ovwan kugbe ukpokpogho rẹ ovwan chirako rọye.

Filimọn 1:7

Kidie ẹguọnọ wẹn, oniọvo mẹ, vwẹ uchebro vẹ aghọghọ kẹ vwẹ, enana ejobi da vwẹ omavwerhe kẹ udu rẹ ihwo efuanfon na.

Jems 1:2

Imoni mẹ, ovwan ghọghọ, vwẹ ọke rẹ ọdavwini de te ovwan oma;