2 Kọrẹnt 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Me ta ọnana vwo bruhwe ovwa-an, kidie me tarọ jovwo nẹ ovwan hẹ evun rẹ udu rẹ avwanre, re vwo ghwu kugbe je vwo rhọ kugbe.

2 Kọrẹnt 7:3 ပူးပေါင်းရင်းမြစ်များ

2 Kọrẹnt 11:11

Kidie sorọ? Fikiridie me guọnọ ovwa-an? Ọghẹnẹ riẹnre nẹ me guọnọ ovwan!

2 Kọrẹnt 12:15

Me vwẹ aghọghọ ghwọrọ obo ri mi vwori ejobi fiki rẹ erhi rẹ ovwan. Ọ da dianẹ me nabọ guọnọ ovwan, kẹ ovwan rha guọnọ ovwẹ hanvwe nọ ọtiọye?

2 Kọrẹnt 13:10

Mi si ọnana vwẹ ọke re me vwọ hẹ asa oshesheri kẹ ovwan, rere ọke re me da rhe mi vwo jẹ aroesio vwẹ ogangan rẹ Ọrovwohwo vwọ kẹ vwẹ ni mi vwo ru iruo kẹ ovwan fiki rẹ ebanbọn ọ dianẹ kẹ ekporo she-e.

2 Kọrẹnt 3:2

Ekpuyovwi rẹ ovwan na hẹ ọbe rẹ ejiro, re siri phihọ udu rẹ ovwan, ra riẹnre rẹ ihwo ejobi seri;

2 Kọrẹnt 7:12

Ọtiọye na dede nẹ mi siọbe rhe ovwan jovwo na ọ ghwa dia fiki rẹ ohwo ro ruchọ na-a, eyẹ fiki re ohwo re gbe ku-u, ẹkẹvuọvo rere a vwọ sa vwẹ oruru rẹ ovwan phia vwẹ obaro rẹ Ọghẹnẹ.

Filipae 1:7

O shehọ kẹ vwẹ mi vwo vwo iroro nana kpahe ovwan ejobi, fikiridie ovwan epha ghaghare vwẹ obọ mẹ, kidie ovwan ejobi vẹ ovwẹ ri gbe koko vwo obọ vwẹ ẹserọphẹ na, te evun rẹ uwodi re me epha kugbe ochọ ẹchọ kugbe orugan rẹ iyẹnrẹ esiri na.

1 Tẹsalonaika 2:8

Ọtiọye na, fiki rẹ ivun avwerhe ri mi vwo kẹ ovwan, avwanre choma rẹ avwanre vwọ ghare ọ dia iyẹnrẹ esiri rẹ Ọghẹnẹ na ọvo-o, ẹkẹvuọvo ekroma rẹ avwanre dede, kidie ovwan rhe ghare kẹ avwanre gangan.