2 Kọrẹnt 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Rhie udu rẹ ovwan phihọ kẹ avwanre; avwanre ru ohwo ọvuọvo chọ-ọ, avwanre miovwo ohwo ọvuọvo-o, avwanre re erere rẹ ohwo ọvuọvo-o.

2 Kọrẹnt 7:2 ပူးပေါင်းရင်းမြစ်များ

Ukeri 16:15

Ophu de mu Mosis gangan, ọ da ta kẹ Ọrovwohwo, Wọ reyọ izobo rẹ ihwo nana-a, fikiridie me je reyọ ekẹtẹkẹtẹ ọvuọvo mie ayeen, mi ji ru ayen ohwo ọvuọvo obo re chọre dẹvo-o.

Matiu 10:14

Ohwo kohwo rọ reyọ ovwa-an, ro nyo ota rẹ ovwa-an, we de nẹ uwevwi yena eyẹ orere na, we phorho ekpẹn re tamu awọ rẹ ovwan phihọ otọ.

Matiu 10:40

Ohwo rọ reyọ ovwan yọ reyọ ovwẹ, ọ rọ rha reyọ ovwẹ-ẹ, yọ reyọ ọ ro ji vwe rhe na-a.

Iyẹnrẹ Esiri ri Luk 10:8

Korho korho rẹ ovwan teri rẹ ayen da reyọ ovwan, kemu kemu rẹ ayen vwọ kẹ ovwan ejobi wa re;

Iruo rẹ Iyinkọn na 20:33

Urhuru rẹ idọnọ ọfuanfon eyẹ oro eyẹ amwa rẹ ohwo ọfa si vwe-e.

Ọbe ri Pọl si rhe Ihwo ri Rom 16:18

Kidie oghẹre rẹ ihwo ọtiọye na dia Ọrovwohwo Kristi ayen ga-a, ẹkẹvuọvo urhuru sivwe rẹ oma rayen, ihwo re vwẹ eta avwerhe kugbe unuẹrarọ vwọ phiẹn igbori kugbe ihwo ughẹnghẹn.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Kọrẹnt 11:16

Me vwariẹ obo re me ta na, e jẹn ohwo ọvuọvo vwẹ ovwẹ roro ẹkpa-a; ọ da tobọ dianẹ wo ru ọtiọye, reyọ ovwẹ kerẹ ẹkpa, rere me vwọ yoma emerha.

2 Kọrẹnt 11:9

Re me vẹ ovwan vwọ herọ rọ vwọ bẹn vwẹ, mi kru oghwa nyẹ ohwo ọvuọvo-o, kidie imoni ri nẹ Masidonia rhe kẹ vwẹ obo re me guọnọre. Vwẹ ọtiọye na ki mi si oma reyọ ki mi ghine si oma mẹ reyọ me rha dia oghwa kẹ ovwan vwẹ idjerhe ọvuovo-o.

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

Filipae 2:29

Vwẹ ọtiọye na we gbe dede reyọ vwẹ odẹ rẹ Ọrovwohwo vẹ aghọghọ; re we mu ọghọ kẹ oghẹre rẹ ohwo ọtiọye,

Kolose 4:10

Aristakọs re me vẹ ọye gba hẹ uwodi na nẹ eyere ovwan, eriyin ji ti Mak, Ọmọ rẹ oniọvo ri Banabas, (mi ji gbe ikun rọye kẹ ovwan jovwo re, ọ da rhe ovwan reyọ),

1 Tẹsalonaika 2:10

Ovwan hẹ iseri, Ọghẹnẹ je hẹ iseri rhe, obo rẹ avwanre fon te, dia ovwata te, ri jẹ abe ẹriọ te vwẹ uruemu rẹ avwanre kẹ ovwan otu ri segbuyota;

Filimọn 1:12

Ke me reyerọ nẹ ọ rhoma rhivwi bru uwe rhe, rọ vwọ cha na vwenẹ, ọ vẹ abọvo rẹ udu mẹ dẹn re gba cha na.

Filimọn 1:17

Wo de se vwẹ ọrivẹ wẹ vwẹ ọ rẹ uyota, gba reyọ kirobo re wọ reyọ ovwẹ.

2 Jon 1:10

Ọ da dianẹ ohwo ọvo bru uwe rhe rọ ghwa uyono nana rhe-e, wọ reyọ phihọ uwevwi-i eyẹ wo yere-e;