2 Kọrẹnt 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ovwan dje phia nẹ ovwan hẹ ọbe ro nẹ obọ ri Kristi rhe rẹ avwanre vwọ kẹ ovwan, ra vwẹ amu si-i ẹkẹvuọvo vwẹ Erhi rẹ Ọghẹnẹ ro jeghwo na, ọ dia enu rẹ ọphapha rẹ oragha-a ẹkẹvuọvo vwẹ enu rẹ ophapha rẹ udu rẹ ihwo.

2 Kọrẹnt 3:3 ပူးပေါင်းရင်းမြစ်များ

Une rẹ Ejiro 40:8

Me vwo omavwerhe ru ọhọre wẹn, E Ọghẹnẹ mẹ; urhi wẹn ọ hẹ evun re udu mẹ

Une rẹ Ejiro 42:2

Urhuru rẹ Ọghẹnẹ si ẹnwẹ mẹ, kidie wẹ Ọghẹnẹ ro jeghwo Ọkevọ me cha vwọ mrẹ opharo re Ọghẹnẹ?

Une rẹ Ejiro 84:2

E Urhuru siẹ ẹnwẹ mẹ, nighe, oma ro fiki rẹ ẹguan rẹ Ọrovwohwo na, udu mẹ vẹ uvwo mẹ so ine rẹ aghọghọ kẹ Ọghẹnẹ ro je ghwo.

Ẹyano 24:12

Ọrovwohwo da ta kẹ Mosis, Bru vwe rhe obenu rẹ ugbenu na, wọ hẹrhẹ vwẹ etiyin; ke me kẹ wẹ ephapha rẹ oragha, vẹ urhi na vẹ iji na, ri mi siri fiki rẹ eyono rayen.

Ẹyano 31:18

Ọ da vwẹ ephapha rẹ iseri ivẹ na vwọ kẹ Mosis, ọke rẹ ọ vẹ ọye vwo ta ota vwẹ enu rẹ Ugbenu ri Sinae nu, ephapha rẹ oragha rẹ Ọghẹnẹ vwẹ urhiabọ rọye si.

Ẹyano 32:15

Etiyin Mosis da rhẹriẹ oma o de won nẹ ugbenu na rhe otọ ọ vẹ ephapha ivẹ rẹ iseri na vwẹ abọ rọye, ephapha re siri tobonẹ tobonẹ; ẹbẹre ọvo rọye vẹ ẹbẹre rivẹ rọye e siri.

Ẹyano 34:1

Ọrovwohwo da ta kẹ Mosis, Bẹrẹ ephapha rẹ oragha ivẹ kerẹ e rẹ ẹsosuọ na; ki mi si phihọ ephapha na, eta rẹ ephapha rẹ ẹsosuọ na, ri wọ bẹre na.

Isẹ 3:3

Wo jẹ omaevwokpotọ vẹ urhi ẹyọnrọn kanre owẹ-ẹ; gba ayen mu ohọre wẹn, si ayen phihọ udu wẹn.

Isẹ 7:3

Gba ayen mu irhiabọ wẹn, si ayen phihọ evun rẹ udu wẹn.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Jerimaya 17:1

Umwemwu ri Juda ubiurhe rẹ utehru e vwo sio, unegbe ri diamọnd a vwo tuọn phihọ imẹjẹ rẹ udu rayen, kugbe ighoro rọ hẹ enu rẹ ẹshẹ rayen.

Jerimaya 31:33

Ẹkẹvuọvo ọnana hẹ ọphọ re me vẹ uwevwi rẹ Izrẹl cha re, ọke yena da wan nu, eriyin Ọrovwohwo tare: Ki mi che phi urhi mẹ phihọ evun rayen, mi ji che siọ phihọ udu rayen; ke me dia Ọghẹnẹ rayen, ayen ke dia ihwo mẹ.

Izikiẹl 11:19

Ke me cha kẹ ayen udu ọvo, ki mi phi erhi ọkpokpọ phihọ evun rẹ ayen; ki mi si udu rẹ oragha na nẹ uvwo rẹ oma rayen, ke me kẹ ayen udu rẹ uvwo,

Daniẹl 6:26

Mi ji urhi, nẹ asan rẹ uvie mẹ na teri ejobi, e jẹn ihwo phariẹ re ayen rha djẹ oshọ vwẹ obaro rẹ Ọghẹnẹ ri Daniẹl, kidie ọye Ọghẹnẹ ro jeghwo, Ọ rọ herọ bẹdẹ; uvie rọye a sa guọghọ-ọ, isuesun rọye dia re te oba.

Matiu 16:16

Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

1 Kọrẹnt 3:5

Kono hẹ Apolọs? Kidie Pọl epha? Idibo rẹ ovwan wan oma rayen segbuyota, kirobo rẹ Ọrovwohwo ghare kẹ ohwo ọvuọvo.

2 Kọrẹnt 3:6

Ohwo ro ru avwanre fo vwọ dia ogbodibo rẹ ọphọ ọkpokpọ na, ọ dianẹ vwẹ ọbe re siri-i ẹkẹvuọvo vwẹ evun rẹ Erhi na, kidie ọbe re siri na hwe ghwẹ, ẹkẹvuọvo Erhi na kẹ arhọ.

2 Kọrẹnt 3:7

Asakiephana ọ da dianẹ ọke rẹ irueru rẹ ughwu, re si phihọ enu rẹ oragha, da rhe vẹ udidi rẹ ihwo rẹ Izrẹl gbi se ni opharo ri Mosisi-i fiki rẹ elo rọye, dede nẹ ọ phoriẹ.

2 Kọrẹnt 6:16

Didi ẹrhọvwọkugbe uwevwi rẹ ẹga rẹ Ọghẹnẹ vẹ ọ rẹ ẹdjọ vwo kugbe? Kidie avwanre hẹ uwevwi rẹ ẹga rẹ Ọghẹnẹ ri bẹdẹ na; kirobo rẹ Ọghẹnẹ tare, Ke me dia evun rẹ ayen ke me yan vwẹ ohri rẹ ayen, ke me dia Ọghẹnẹ rayen, ayen ke dia ihwo mẹ.

1 Tẹsalonaika 1:9

Kidie ekpuyovwi rẹ ayen nẹ iyẹnrẹ kẹ avwanre oghẹre rẹ edede rẹ avwanre vwori vwẹ ohri rẹ ovwan, kugbe obo rẹ ovwan siobọ nẹ ẹdjọ bru Ọghẹnẹ rhe, rhe ga Ọghẹnẹ rẹ uyota ro jeghwo,

Hibru 10:16

Ọnana hẹ ọphọ re me vẹ ayen cha re rẹ ẹdẹ yena da wan nu Ọrovwohwo re tare; ki mi phi urhi mẹ phihọ udu rayen, ki mi sio phihọ iroro rayen,

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Joshua 3:10

Joshua da ta, Vwẹ oma rẹ ọna wa vwọ riẹn nẹ Ọghẹnẹ ro jeghwo na ọ hẹ uherevie rẹ ovwan, nẹ o che jẹ ihwo ri Kenan, ihwo ri Hẹt, ihwo ri Hiv, ihwo ri Periz, ihwo ri Girgash, ihwo rẹ Amọr, kugbe ihwo ri Jebu ẹ djẹ nẹ obaro wẹ-ẹn.

Ẹvwọphia 2:1

Amakashe rẹ ishọshi rẹ Ẹfesọs ọye e si ọnana rhe. Eta rẹ ohwo rọ yọnre isio ighwrẹ na vwẹ obọrhe rọye, rọ yan vwẹ ohri rẹ igburhukpe rẹ oro ighwrẹ na.

Ẹvwọphia 2:12

Kẹ enẹ o si rhe amakashe rẹ ishọshi ri Pẹgamọn. Eta rẹ ohwo ro vwo ọgbọdọ rọ dan prẹprẹ na.

Ẹvwọphia 2:18

Kẹ enẹ o si rhe amakashe rẹ ishọshi ri Taetira; Eta rẹ Ọmọ rẹ Ọghẹnẹ, ro vwo ẹro rọ họhọ ẹkuerhanre, rẹ awọ rọye họhọ ẹrovwo ra fare.

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.

Ẹvwọphia 3:1

Kẹ enẹ o si rhe amakashe rẹ ishọshi ri Sadis. Eta rẹ ohwo ro vwo erhi ighwrẹ rẹ Ọghẹnẹ na kugbe isio ighwrẹ na. Me riẹn iruo wẹn; a vwẹ owẹ roro ohwo ọkpokpọ, da yi wo ghwuru.

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.

Ẹvwọphia 3:22

Ohwo ro vwo erhọn, e jo nyo obo rẹ Erhi na ta kẹ ishọshi na.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

1 Samuẹl 17:26

Devid da ta kẹ ihwo ri mudia kẹrẹ, kidie e ru kẹ ohwo ro hwe ohwo re Filistia nana, ro de si ehwẹjẹ nẹ Izrẹl oma? Kono upheruphe nana ohwo ri Filistia nana, ro gbobọ se unuofovwi rẹ Ọghẹnẹ ri bẹdẹ na?