2 Kọrẹnt 2:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kọye mi vwo si ọbe kirobo ri mi ruru na, rere ọke re me da rhe mi vwo je ọdjarhe ẹmrẹ vwẹ abọ rẹ otu re me da mrẹ omavwerhovwẹ, kidie o mu vwẹ ẹro nẹ, aghọghọ mẹ re cha dia aghọghọ rẹ ovwan ejobi.

2 Kọrẹnt 2:3 ပူးပေါင်းရင်းမြစ်များ

1 Kọrẹnt 4:21

Die ovwan guọnọre? Me ghwa uphiẹphiẹ bru ovwan rhe, gbenẹ ẹguọnọ vwẹ erhi re dẹndẹn?

2 Kọrẹnt 1:15

Fikiridie re ọnana vwọ mu vwẹ erọ na, me da guọnọ ke bru ovwan rhe jovwo, rere omavwerhovwẹ rẹ ovwan vwo dia ivẹ.

2 Kọrẹnt 1:23

Ẹkẹvuọvo mi se Ọghẹnẹ nẹ o rhi se oseri kpahe ovwẹ–me guọnọ ghwọ ku ovwa-an ọye mi vwo je obo Kọrẹnt ẹcha.

2 Kọrẹnt 12:11

Ekpa me epha jovwo! Ovwan ri bi vwe phihọ, kidie ovwan ejiri uvwe vẹrhe. Kidie me dia orharhe kakaka kẹ otu nana ri se oma iyinkọn na-a, dede na yi mi fi emuọvo-o.

2 Kọrẹnt 12:21

Oshọ mu uvwe nẹ ọke me da rhoma rhe Ọghẹnẹ mẹ gbe ru uvwe vwọ vwẹ oma kpotọ vwẹ obaro rẹ ovwan, ki mi rhe che muoma phihọ kẹ ayen otu buebu ri ru umwemwu jovwo yẹ ayen ji kurhẹriẹ nẹ ijẹfuọn, ọfaurhiẹ, kugbe ozighi rẹ ayen gbe.

2 Kọrẹnt 13:10

Mi si ọnana vwẹ ọke re me vwọ hẹ asa oshesheri kẹ ovwan, rere ọke re me da rhe mi vwo jẹ aroesio vwẹ ogangan rẹ Ọrovwohwo vwọ kẹ vwẹ ni mi vwo ru iruo kẹ ovwan fiki rẹ ebanbọn ọ dianẹ kẹ ekporo she-e.

2 Kọrẹnt 2:9

Kidie ọnana ye sorọ mi vwọ si ọbe, rere me vwọ davwẹ ovwan ni re me riẹn se ovwan se mu ọghọ vwi kemu kemu ejobi.

2 Kọrẹnt 7:12

Ọtiọye na dede nẹ mi siọbe rhe ovwan jovwo na ọ ghwa dia fiki rẹ ohwo ro ruchọ na-a, eyẹ fiki re ohwo re gbe ku-u, ẹkẹvuọvo rere a vwọ sa vwẹ oruru rẹ ovwan phia vwẹ obaro rẹ Ọghẹnẹ.

2 Kọrẹnt 7:16

Me ghọghọre, fikiridie me vwẹ ẹro so ovwan gangan.

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

2 Kọrẹnt 7:8

Kidie ọ da tobọ dianẹ ọbe mẹ na nẹrhẹ ivun miovwi ovwan, ọ ghwa da vwẹ-ẹ (dede na ọ da vwẹ), kidie me mrẹre nẹ ọbe na miovwi ovwan ivun, dede na yẹ ọmọke krẹ.

2 Kọrẹnt 8:22

Avwanre ji oniọvo rẹ avwanre, rẹ avwanre davwini, rẹ avwanre je vwẹ ẹro so vwẹ ọke ejobi vwi kemu kemu vwọ ba ayen rhe, ẹkẹvuọvo kọye rha ma ro ẹnwan rẹ ovwan fiki rẹ ẹro rọ vwọ so ovwan gangan.

Galesha 5:10

Me vwẹ ẹro so Ọrovwohwo nẹ ovwan rha reyọ uyono ọfa nọ ọmẹ na-a; ohwo ro kpokpo ovwan na re cha ghwa ekan rọye, kohwo kohwo rọ ephan ejobi.

2 Tẹsalonaika 3:4

Avwanre vwẹ ẹro so ovwan vwẹ evun rẹ Ọrovwohwo, nẹ ovwan ruẹ obo rẹ avwanre dje kẹ ovwan nẹ ovwan je ghwo obo phihọ eriyin rhe.

Filimọn 1:21

Me vwẹ ẹro so nẹ wo se mu ọghọ nana kẹ vwẹ, o mu vwẹ ẹro nẹ wo ru nọ obo re me tare na.