2 Kọrẹnt 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ẹkẹvuọvo avwanre rẹ Ọghẹnẹ rere ovwan vwo je ruo chọ–ọ dianẹ avwanre vwẹ oma nẹ nẹ avwanre wan odavwini na-a, ẹkẹvuọvo rere ovwan vwo ru obo ri yovwiri, dede na ya mrẹ kerẹsiẹ rẹ avwanre e de she.

2 Kọrẹnt 13:7 ပူးပေါင်းရင်းမြစ်များ

1 Ikun rẹ Ivie 4:10

Jabẹz de se Ọghẹnẹ rẹ Izrẹl, ọ da ta, Manẹ kẹ wo bruphihọ kẹ vwẹ rere wo ji ru otọ mẹ rho, re wo nene uvwe dia re wọ sẹro mẹ nẹ ukpokpogho rere o ju vwe oma ẹwan! Ọghẹnẹ de ru obo rọ nọre kẹ.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Iyẹnrẹ Esiri ri Jọn 17:15

Me rẹ re nẹ wo si ayen nẹ evun rẹ akpọ na-a, ẹkẹvuọvo rere wọ vwọ sẹro rẹ ayen nẹ obọ rẹ ohwo umwemwu na.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 12:17

Wọ vwẹ umwemwu hwa osa rẹ umwemwu-u, ru obo ri shehọ vwẹ obaro rẹ ihwo ejobi.

Ọbe ri Pọl si rhe Ihwo ri Rom 13:13

E gbe jẹn avwanre vwẹ oma kpotọ yan vwẹ uvo koko na, ọ dia o rẹ emu ẹriọ kugbe udi-ẹda-a, ọ dia ophiẹvwe kugbe ozighi-i, ọ dia ohọre kugbe omaeriọ-ọ.

Ọbe ri Pọl si rhe Ihwo ri Rom 16:10

Yere Apele, ro se Kristi gbuyota gangan na. Yere ekru rẹ Arisrobulọs.

1 Kọrẹnt 11:19

kidie ohẹriẹ ghine sa dia ohri rẹ ovwan rere e vwo se vughe omamọ rẹ ihwo rẹ hẹ ohri rẹ ovwan.

2 Kọrẹnt 10:10

Kidie ayen ta, Ẹbe rọye vwo ọnye e ke je gan, ẹkẹvuọvo ugboma rọye epha puẹchẹ, ota rọye rue emuọvo-o.

2 Kọrẹnt 10:18

Kidie o dia ohwo ro jiri oma rọye ọye a reyọ-ọ, ẹkẹvuọvo ohwo rẹ Ọrovwohwo ji ri.

2 Kọrẹnt 13:6

Mi phiẹrohọ nẹ ovwan cha guọnọ otọ rẹ ọyena mrẹ nẹ avwanre gbi she-e.

2 Kọrẹnt 13:8

Kidie avwanre se ru emu ọvuọvo rọ chọre kpahe uyota na-a, ẹkẹvuọvo obo re dia uyota.

2 Kọrẹnt 13:9

Kidie oma vwerhe avwanre vwẹ ọke rẹ avwanre da hẹ ọvwiẹrẹ rẹ ovwan da rha gan oma. Obo rẹ avwanre nẹ ẹrhovwo kẹ na, kẹ ọna nẹ, ovwan yovwi phihọ.

2 Kọrẹnt 6:4

ẹkẹvuọvo avwanre dje oma rẹ avwanre phia kerẹ idibo rẹ Ọghẹnẹ vwẹ idjerhe kidjerhe: vwẹ oma rẹ akoechiro rode, vwẹ oma ẹlaghọ, vwẹ obẹnvwẹ, okpetu,

2 Kọrẹnt 8:21

kidie ọ dianẹ obo ri vwo ọghọvwẹ obaro rẹ Ọrovwohwo ọvo avwanre roro-o ẹkẹvuọvo ji te obaro rẹ ihwo rẹ akpọ.

Filipae 4:8

Ọ rọ ka oba, imoni, emu ejobi rọ dia uyota, emu ejobi ro vwo ọghọ, emu ejobi rọ dia ọsoso, emu ro yovwiri, emu ejobi ro vwo ẹguọnọ, emu ejobi ro vwo erhuvwu, ọ da dianẹ o vwo uyoyovwi, ọ da dianẹ o vwo obo ro fo ejiro, gbe roro imu nana.

1 Tẹsalonaika 5:23

E jẹ Ọghẹnẹ rẹ ufuoma vẹ ekpuyovwi rọye hworhẹ ovwan fon tototo; e jọ sẹro rẹ erhi vẹ ẹnwẹn kugbe oma rẹ ovwan ejobi rere o vwo jẹ abe evwo vwẹ ẹdẹ rẹ ẹcha rẹ Ọrovwavwanre Jesu Kristi.

1 Timoti 2:2

vwọ kẹ Ivie kugbe ihwo ride, rere avwanre vwo yere akpọ dẹndẹn vẹ ufuoma, yoyovwi vẹ ọghọ vwẹ idjerhe kidjerhe.

2 Timoti 2:15

Ru obo rẹ udu wẹn ghare re wọ vwẹ oma wẹn kẹ Ọghẹnẹ kerẹ ohwo ọvo ra jẹreyọ, ọwena rẹ oma jẹvuọ, rọ nabọ yọnre ota rẹ uyota na.

2 Timoti 4:18

Ọrovwohwo ko se sivwi uvwe nẹ emu obrabra ejobi, ko ji sivwi uvwe ra ro uvie rọye vwẹ obo odjuvwu. Ọye a vwẹ urinrin kẹ bẹdẹ bẹdẹ Isẹ.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.