2 Kọrẹnt 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, Ọsẹ rẹ aruẹdọn kugbe Ọghẹnẹ rẹ uchebro,

2 Kọrẹnt 1:3 ပူးပေါင်းရင်းမြစ်များ

Jẹnẹsis 14:20

Ebruba kẹ Ọghẹnẹ ro Me Kpenu, rọ reyọ ivwighrẹ wẹn phihọ owẹ obọ. Ebram da vwẹ ẹkẹn ihwe rẹ ekuakua na ejobi kẹ.

1 Ikun rẹ Ivie 29:10

Ọtiọye na Devid de bruphihọ kẹ Ọrovwohwo vwẹ irharo rẹ ọghwẹgbe na ejobi; Devid da ta, Ebruphihọ kẹ wẹ, E Ọrovwohwo, Ọghẹnẹ rẹ Izrẹl ọsẹ rẹ avwanre, rhiri bẹdẹ.

Nehemaya 9:5

Etiyin ihwo ri Livae, Jeshua, Kadmiẹl, Bani, Hashabneiya, Sherebia, Hodia, Shebanaya, kugbe Petahia, da ta, Vrẹn mudia re we bruphihọ kẹ Ọrovwohwo Ọghẹnẹ rẹ ovwan nẹ bẹdẹ re te bẹdẹ. Ebruphihọ kẹ odẹ rẹ urinrin wẹn ra kpare kpenu nọ ebruphihọ kugbe ejiro ejobi.

ỌBE RẸ JOB 1:21

Ọ da ta, Ẹbẹba mi vwo nẹ uwevwievwiẹ rẹ oni mẹ rhe, ẹbẹba me che vwo hirhe, Ọrovwohwo re kerẹ, Ọrovwohwo re je reyọ, ebruphihọ kẹ odẹ rẹ Ọrovwohwo na.

Une rẹ Ejiro 18:46

Ọrovwohwo herọ: ebruba ke oragha mẹ, kpare Ọghẹnẹ rẹ esivwo mẹ kpenu.

Une rẹ Ejiro 68:35

Ọghẹnẹ muoshọ vwẹ ẹshẹ rọye, Ọghẹnẹ rẹ Izrẹl na, O vwẹ egba vẹ ogangan kẹ ihwo rọye. Ebruba ke Ọghẹnẹ!

Une rẹ Ejiro 72:19

Ebruphihọ kẹ odẹ rẹ uririn rọye bẹdẹ, e jẹn urinrin rọye vọn akpọ na ejobi, Isẹ, Isẹ.

Une rẹ Ejiro 86:15

Ẹkẹvuọvo wẹ, E Ọrovwohwo, wẹ Ọghẹnẹ ro nẹ aruẹdọ vẹ ehrọre, ọ fobọ mu ophu-u, ọ vọnre ve ẹguọnọ ro jẹ rhẹriẹ kugbe esegbuyota.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Aizaya 66:13

Kerẹ ohwo rẹ oni rọye bruche, eriyin Mi bru we uche; ke bru we uche vwi Jerusalẹm.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 9:9

Obo rẹ Ọrovwohwo Ọghẹnẹ rẹ avwanre ọye arodọvwẹ vẹ evwoghovwo epha; fikiridie avwanre mukpahọ,

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

2 Kọrẹnt 11:31

Ọghẹnẹ kugbe Ọsẹ rẹ Ọrovwohwo Jesu, ohwo ra vwẹ ebruba kẹ bẹdẹ, riẹnre nẹ me vwọnrọn ọfia-an.

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

Ẹfesọs 1:17

rere Ọghẹnẹ rẹ Ọrovwavwanre Jesu Kristi, Ọsẹ rẹ urinrin na, sa kẹ ovwan erhi rẹ aghwanre kugbe ẹvwọphia vwẹ evun rẹ erianriẹn rọye,

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Filipae 2:11

nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

Kolose 1:3

Avwanre kpẹvwẹ Ọghẹnẹ, Ọsẹ rẹ Ọrovwavwanre Jesu Kristi, avwanre ke rha je rẹ kẹ ovwan kẹdẹ kẹdẹ,

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

2 Jon 1:4

Me ghọghọre gangan re me vwọ mrẹ emọ wẹn ẹvo re yan vwẹ evun rẹ uyota na, kirobo rẹ Ọsẹ na ji urhi kẹ avwanre.

2 Jon 1:9

Kohwo kohwo rọ yan hẹ obaro yọ rha dia vwẹ evun rẹ uyono ri Kristi na-a yo ji vwo Ọghẹnẹ-ẹ; ohwo rọ diarọ vwẹ evun rẹ uyono ri Kristi na yo vwo ayen ivẹ na Ọsẹ na kugbe Ọmọ na.