2 Jon 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ẹserọphẹ, arodọvwẹ, kugbe ufuoma ki nene avwanre dia, vwo nẹ obọ rẹ Ọghẹnẹ Ọsẹ na kugbe ọ ro nẹ obọ ri Jesu Kristi rhe Ọmọ rẹ Ọsẹ na, vwẹ evun rẹ uyota kugbe ẹguọnọ.

2 Jon 1:3 ပူးပေါင်းရင်းမြစ်များ

Zekaraya 8:19

E nẹ Ọrovwohwo rẹ otuofovwi tare Owenẹ owẹvwe rẹ echiro rẹ emeranvwe rẹne, re fi ọriyori, vẹ ọrighwrẹ, re te ọrihwe, cha dia vwẹ uwevwi ri Juda ọke rẹ oghọghọ vẹ omavwerhe kugbe orẹ rẹ omavwerhe, ọtiọye na gba guọnọ uyota vẹ ufuoma.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

1 Timoti 1:14

ẹserọphẹ rẹ Ọrovwavwanre de rhi reghe nvwe phihọ vẹ esegbuyota vẹ eguono re hẹ evun ri Kristi Jesu.

1 Timoti 1:2

Ro si rhe Timoti, ọmọ mẹ rẹ uyota vwẹ esegbuyota: Ẹserọphe, arodọvwẹ, kugbe ufuoma rọ nẹ obọ rẹ Ọghẹnẹ Ọsẹ na kugbe Kristi Jesu Ọrovwavwante nene uwe dia.

2 Timoti 1:13

Yọnre omamọ rẹ nyọno na rn wo yono mie vwe na, vwẹ esegbuyota kugbe ẹguọnọ rọ herọ vwẹ evun ri Kristi Jesu;

1 Jọn 4:10

Ọnana hẹ ẹguọnọ, ọ dianẹ kẹ avwanre re guọnọ Ọghẹnẹ-ẹ ẹkẹvuọvo ọye re guọnọ avwanre o de ji Ọmọ rọye rhe rhe rhuẹrẹ arhuẹrẹ fiki rẹ imwemwu rẹ avwanre.

2 Jon 1:1

Ọkpako na ri si ọbe na rhe ọmọtẹ ra sanọreyọ na vẹ emọ rọye, re me guọnọre vwẹ uyota, ọ dia omẹvwẹ ọvo-o ẹkẹvuọvo ji te ihwo ejobi re riẹn uyota na,